Wednesday, April 30, 2014
RAIS JAKAYA KIKWETE ATUMA SALAM ZA RAMBIRAMBI SINGIDA
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
Monday, April 28, 2014
14 WAFARIKI DUNIA KATIKA AJALI YA BASI LA SUMRY USIKU WA KUAMKIA LEO MKOANI SINGIDA
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
Imetokea usiku huu wa kuamkia leo ajali mbaya maeneo ya Ikungi, Singida ikilihusisha basi la Sumry linalosafiri kati ya Kigoma-Dar.
Inasemekana mwendesha baiskeli alikuwa akivuka barabara lori likamgonga ghafla wanakijiji wamejaa kushangaa tukio na askari akipima ajali ndipo likatokea basi la Sumry na kugonga watu kumi na tatu pamoja na askari ni wa 14 mpaka sasa ndio idadi kamili ya waliopoteza maisha.
WATU 14 WAFARIKI KATIKA AJALI MKOANI SINGIDA USIKU WA KUAMKIA LEO WATU 13 akiwemo askari wa kikosi cha usalama barabarani wamepoteza maisha baada ya kugongwa na basi la kampuni ya Sumry lililokuwa likitoka Kigoma kwenda Dar katika kijiji cha Ikungi mkoani Singida usiku huu.
Ajali hiyo ilitokea baada ya ajali ya kwanza iliyolihusisha lori lililomgonga mwendesha baiskeli aliyepoteza maisha papo hapo na wakati wananchi wakiwa wamekusanyika eneo hilo la ajali huku trafiki akiendelea kupima ajali hiyo, lilitokea basi la kampuni ya Sumry na kuwagonga watu hao pamoja na trafiki na kupelekea jumla ya watu 14 kupoteza maisha eneo hilo.
Basi hilo lililokuwa likitokea Kigoma kwenda Dar halikuweza kusimama eneo hilo mpaka dereva wake alipokwenda kujisalimisha kituo cha polisi Ikungi, Singida. Miili 14 ya waliopoteza maisha katika ajali hiyo imehifadhiwa katika Hospitali ya Rufaa mkoani Singida pamoja na majeruhi wawili waliopelekwa hospitalini hapo.
Viazi vitamu ni mkombozi wa kiuchumi kwa wakulima
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Na Nathaniel Limu, Ikungi
VIJANA
wa wilaya ya Ikungi mkoani Singida wamehimzwa kuondokana na uvivu na
badala yake waelekeze nguvu zao katika kilimo cha kibiashara cha viazi
vitamu ili waweze kujikomboa kiuchumi.
Changamoto
hiyo imetolewa na mkulima na mfanyabiashara wa zao la viazi vitamu na
mkazi wa kijiji cha Nkuninkana,Ibrahimu Kilu (34) wakati akizungumza na
MOblog juu ya kilimo hicho cha viazi vitamu ambacho pia ni zao la
chakula.
Amesema
kuwa zao la viazi vitamu ambalo miaka ya nyuma lilikuwa ni zao la ziada
(halikupewa umuhimu unaostahili) hivi sasa zao hilo lina soko zuri
ndani na nje ya nchi.
“Viazi
vitamu kutoka wilaya yetu ya Ikungi vinakimbiliwa sana na
wafanyabiashara kutoka mkoa wa Dodoma,Morogoro,Dar-es-salaam,Tanga na
mikoa mingine nchini, pia kuna wafanyabiashara wanatoka Zambia na Comoro
Kwa hali hiyo soko la zao hilo ni kubwa na linalipa vizuri”,alifafanua
Ibrahimu.
Ibrahimu
amesema toka aanze kulima zao hilo kibishara miaka mitano iliyopita
limemwezesha kujenga nyumba bora na ya kisasa yenye choo ndani,amenunua
pikipiki,anao mtaji wa kutosha na anasomesha watoto wake bila shida.
“Kilimo
cha kibiashara cha viazi vitamu kina faida nyingi kinainua mhusika
kiuchumi na pia uhakika wa kukabiliana na makali ya njaa unakuwepo.Mfano
mzuri ni kwamba mimi msimu uliopita nililima uwele katika mashamba
yangu yote na nilipata chakula cha kutosha kwa miaka miwili
mfululizo”,amesema na kuongeza;
“Msimu
huu,kwa sababu nina chakula cha kutosha mashamba yote nimelima viazi
vitamu kwa lengo la kuboresha uchumi wa familia yangu matarajio ni
kwamba natarajia kuingiza mapato ya zaidi ya shilingi milioni tatu”.
Akifafanua
zaidi, Ibrahimu amesema faida ya kilimo cha viazi vitamu ni kwamba
msimu huu nikilima mashamba yote viazi zao hilo la viazi hurutubisha
ardhi kwa kiwango kikubwa na hivyo msimu ujao atakapolima uwele atakuwa
na uhakika wa kuvuna zaidi ya lengo.
Wakati
huo huo, wakulima hao wamelalamikia tabia ya wafanyabiashara
kuwalazimisha kujaza viazi vitamu kwenye magunia aina ya rumbesa ambayo
yana uzito wa zaidi ya kilo 130 ambao kisheria haikubaliki.
Kwa
upande wake Afisa Kilimo na Mifugo wilaya ya Ikungi,Ayubu Sengo
amesema wakulima wenyewe ndio wanaochangia biashara ya viazi vitamu
ifanyike kwenye magunia ya rumbesa.
“Wakulima
wetu kwanza ni watu wa ajabu kidogo na uvivu fulani upo ndani yao
badala ya wao kuvuna viazi na kuvijaza kwenye gunia wao wanamwachia
mnunuzi avivune kwa maana ya kuvichimba na kuvijaza kwenye magunia ya
rumbesa na ndipo mkulima atalipwa kulingana na idadi ya magunia ya
rumbesa”,alifafanua Sengo.
Friday, April 25, 2014
Watoto 4000 kupatiwa chanjo katika Wiki ya Chanjo - Parseko Kone, Singida
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
Mkuu wa mkoa wa Singida, Dk.Parseko Kone, akizindua utoaji wa chanjo kimkoa katika hospitali ya St.Calorus iliyopo kijiji cha Mtinko. Jumla ya watoto 3,999 wanatarajiwa kupatiwa chanjo mbalimbali.
Mkuu wa mkoa wa Singida, Dk.Parseko Kone, akizungumza na wakazi wa tarafa ya Mtinko wilaya ya Singida, muda mfupi baada ya kuzindua zoezi la chanjo kimkoa lililoanza jana na linatarajiwa kumalizika Aprili 30 mwaka huu.(Picha na Nathaniel Limu).
Na Nathaniel Limu-Mo Blog
JUMLA ya watoto 3,999 mkoani Singida wanaositahili kupata chanjo mbalimbali,wanatarajiwa kupatiwa chanjo katika kipindi cha wiki ya chanjo iliyoanza aprili 24 hadi 30 mwaka huu.
Hayo yamesemwa na mkuu wa mkoa wa Singida,Dk.Parseko Kone, wakati akizungumza kwenye uzinduzi wa wiki ya chanjo kitaifa ngazi ya kimkoa uliofanyika katika hospitali ya St.Calorus kijiji cha Mtinko.
Mkuu huyo wa mkoa,amesisitiza kuwa ni muhimu sana kuhakikisha kila mtoto,anapata chanjo zote kwa wakati,ili kukidhibiti milipuko ya magonjwa mbalimbali.
"Magonjwa yanayolengwa na mpango wa chanjo wa taifa,ni kifua kikuu,donda koo,kifaduro,polio,surua,pepo punda,homa ya ini,homa ya uti wa mgongo,kichomi na kuhara",alifafanua.
Dk.Kone alisema ili lengo la utoaji chano hizo liweze kufikiwa, ni lazima wataalam,wasimamizi wa chanjo wabadilike kwa kubuni mbinu mpya za kuhamasisha wananchi kuwapeleka watoto wote wanaostahili kupatiwa chanjo mbalimbali kwenye vituo vya kutolea huduma.
"Kwa ujumla,kila mmoja wetu anawajibu wa kuhakikisha mtoto wake,mtoto wa jirani,au mtoto ye yote yule,anapata haki ya kupewa chanjo,ili kumzuia aspatwe na maradhi ambayo yanazuilika kwa chanjo na asiwe hatari kwa wengine",alisema.
Awali kaimu mganga mkuu wa mkoa wa Singida,Dk.Mussa Kamala alisema zoezi hilo litaendeshwa katika vituo 186 vya huduma ya chanjo mkoani Singida.
Alisema walengwa ni watoto wote walio na umri wa chini ya mwaka mmoja na ambao hawajapata au hawajakamilisha chanjo.
Kauli mbiu ya wiki ya chanjo mwaka huu,ni "chanjo ni jukumu letu sote".
WAFAHAMU MAMA SHUJAA WA CHAKULA KUTOKA MKOA WA SINGIDA ANAYETARAJIA KUINGIA KIJIJI CHA MAISHA PLUS SIKU YA JUMAPILI WIKI HII!
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
MARY JOHN MWANGA (52) ni mkazi wa Mkalama Singida,
ni mkulima na mfugaji anashamba la ekari 5 na analima mahindi na anafuga ng’ombe
watano
ANADHANI YEYE NI MFANO WA KUIGWA: Kwa sababu
anashiriki katika shughuli za maaendeleo ya kijiji, michango na mikutano. "Kwa mwaka ninavuna mazao gunia 22" anasema
DORICUS MSAFIRI SHUMBI (38) namba yake ya ushiriki
ni MS 25 ni mkazi wa Mkalama Singida, mkulima na mfugaji, ana shamba la ukubwa
wa ekari 5 ambayo anaitumia kulima mahindi, anafuga ng’ombe 5.
ANADHANI YEYE NI MFANO WA KUIGWA: Kwa sababu
anapenda kujitoa na kushirikiana na vikundi mbalimbali "Nina shamba lenye ukubwa
wa ekari 7. Kwa mwaka ninavuna mazao gunia 56" anasema
MAISHA PLUS /MAMA SHUJAA WA CHAKULA
MAISHA PLUS /MAMA SHUJAA WA CHAKULA
Wednesday, April 23, 2014
NEWS: Auawa kwa kutembea na mama wa mtu
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
Kaimu
kamanda wa Jeshi la Polisi mkoa wa Singida, ACP, Thobius Sedoyeka,
akitoa taarifa kwa waandishi wa habari juu ya mauaji ya watu wawili
wakazi wa wilaya ya Ikungi akiwemo mmoja kuuawa kwa kutuhumiwa kuwa na
mahusiano ya kimapenzi na mama mzazi wa muuaji. Salumu Juma mkazi wa
kijiji cha Makotea, amemuawa Faraja Emmanuel, kwa madai kuwa ana
mahusiano ya kimapenzi na mama yake.(Picha na Nathaniel Limu).
Na Nathaniel Limu, Singida
MKULIMA
mmoja na mkazi wa kijiji cha Makotea wilaya ya Ikungi mkoa wa
Singida,Salumu Juma (37) amefariki dunia baada ya kushambuliwa vibaya na
Faraja Emmanuel kwa tuhuma ya kuwa na mahusiano ya mapenzi na mama
yake.
Kaimu
Kamanda wa Jeshi la Polisi mkoani Singida,ACP Thobius Sedoyeka amesema
tukio hilo limetokea aprili 19 mwaka huu saa saba mchana huko katika
hospitali ya misioni ya Makiungu wilaya ya Ikungi.
Amesema
siku ya tukio,mtuhumiwa Salumu alimvia njiani Faraja na baada ya
kumvamia alimshambulia kwa kutumia rungu sehemu mbalimbali za mwili na
kisha kumvunja miguu yote miwili.
“Salumu
baada ya kutimiza azma yake hiyo alimwacha Faraja akiwa amezirai na
yeye kulimbilia kusikojulikana wasamaria wema waliweza kumwokota Salumu
na kisha kumkimbiza katika hospitali ya Makiungu ambapo alifariki akiwa
anaendelea kupatiwa matibabu”,alifafanua zaidi,Sedoyeka.
Amesema
uchunguzi wa awali unaonyesha kuwa Salumu ametenda kosa hilo baada ya
kuchukizwa na tabia ya Faraja kuwa na mahusiano ya kimapenzi na mama
yake mzazi.
“Kwa sasa tumeanzisha msako mkali wa kumtafuta Salumu ili amweze kufikishwa kwenye vyombo vya sheria.
Katika
tukio jingine,Sedoyeka amesema kuwa Joram Joseph (36) mkulima na mkazi
wa kijiji cha Msimii kata ya Sepuka wilaya ya Ikungi,amefariki dunia
baada ya kuchomwa kisu shingoni na bega la kushoto na baba yake mzazi
Joseph Benjamin (61).
Amesema tukio hilo limetokea Aprili 21 mwaka huu saa moja usiku huko katika kijiji cha Msimii Sepuka.
Kaimu
kamanda huyo amesema chanzo cha mauaji hayo ni kutokana na Joram
kumtukana matusi ya nguoni baba yake mzazi.Joramu inadaiwa kutoa matusi
hayo kutokana na kulewa pombe ya kienyeji kupindukia.
“Baada ya mauaji hayo,mtuhumiwa mzee Joseph aliweza kujisalimisha mwenye katika kituo cha polisi cha Sepuka”,amesema Sedoyeka.
Mo Blog
Monday, April 21, 2014
MAJI YAWANUFAISHA NG'ANG'ULI
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
WANANCHI zaidi ya 3,000 wa Kijiji cha Ng’ang’uli, Kata ya Ulemo,
wilayani Iramba, Mkoa wa Singida, wamenufaika na huduma ya maji safi
na salama baada ya mradi wa maji ya bomba kukamilika kujengwa na kuanza
kutumika.
Mjumbe wa Kamati ya Mradi wa Maji ya Kijiji hicho, Paulo Saida,
aliyasema hayo hivi karibuni katika taarifa ya utekelezaji wa mradi huo
wakati wa uzinduzi wa bomba la maji uliofanyika katika kijiji hicho.
Alisema lengo la mradi huo ulioanza kutekelezwa Agosti 15, 2013 na
kukamilika Februari 15, mwaka huu, ni kuboresha afya za wananchi 3,669
kwa kuwapatia huduma ya maji safi na salama karibu na maeneo wanayoishi
na kwa njia endelevu.
Saida alisema historia ya mradi huo ilitokana na wananchi wa kijiji
hicho kuuchagua mpango huo uwe kipaumbele chao kutokana na shida ya maji
iliyokuwa ikiwakabili.
Kwa mujibu wa mjumbe huyo, gharama za mradi huo wa bomba la maji ni
sh 312,945,550; zikiwemo fedha za nje sh 307,245,550 na michango ya
wananchi sh 5,700,000.
“Shughuli zilizofanyika kutokana na fedha hizo ni pamoja na kujenga
tenki lenye ujazo wa lita 45,000, kujenga nyumba moja ya mtambo wa
kusukuma maji, kujenga vituo 11 vya kuchotea maji, kujenga malambo
mawili ya kunyweshea maji mifugo, kujenga choo bora kimoja, kujenga
tenki la kuvuna maji ya mvua lenye ujazo wa lita 5,000 na kufyatua
mtungi wa kuvuna maji ya mvua wenye ujazo wa lita 1,000.
“Pia zimetumika kujenga tenki la lita 3,000, kuchimba mitaro na
kufunga bomba lenye urefu wa mita 11,487, kununua na kufunga mtambo wa
kusukuma maji, kuwapatia semina na mafunzo wananchi kuunda na kusajili
vikundi vya watumia maji kwenye vituo na jumuiya ya watumiaji wa maji
(Juhudi Cowsco),” alifafanua mjumbe huyo.
Akizungumzia faida za mradi huo, alisema ni kupungua kwa magonjwa
yanayotokana na maji yasiyo salama, muda wa shughuli za kiuchumi
utaongezeka na hatimaye kipato kitaongezeka kwa wakazi wa kijiji hicho.
Mkurugenzi Mtendaji wa Halmashauri ya Wilaya ya Iramba, Halima Mpeta,
katika taarifa yake ya utekelezaji wa Programu ya Maji na Usafi wa
Mazingira, alisema lengo la programu hiyo ni kusambaza huduma ya maji
safi na salama kwa wakazi 77,015 wakiwemo 45,470 wa Wilaya ya Mkalama
na 31,545 wa Iramba ifikapo mwaka 2015.
Utekelezji wa Programu ya Maji na Usafi wa Mazingira awamu ya kwanza
katika Halmashauri ya Wilaya ya Iramba ulianza mwaka 2008/2009 ambapo
vijiji 13 vya Iramba na Mkalama viliingia, wakati huo ilikuwa
ikitambulika kama Wilaya moja ya Iramba.
Chanzo:Tanzani Daima
Wednesday, April 16, 2014
SOMA MAGAZETI YA LEO HAPA
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
Tuesday, April 8, 2014
Wanafunzi 2,006 hawajaripoti kidato cha kwanza mkoani Singida
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
Waziri wa Elimu na Mafunzo ya Ufundi Dk. Shukuru Kawambwa.
Na Nathaniel Limu, Singida
JUMLA
ya wanafunzi 2,006 waliochaguliwa kujiunga na kidato cha kwanza mwaka
huu mkoani hapa bado hawajaripoti katika shule walizopangiwa.
Hayo
yamesemwa hivi karibuni na Afisa Kazi Sekretariati mkoani Singida,Jacob
Elias wakati akitoa taarifa ya usajili wa wanafunzi kidato cha kwanza
mwaka huu mbele ya kikao cha Kamati ya Ushauri ya Mkoa (RCC)
kilichofanyika katika ukumbi wa mkutano wa Chuo cha Mafunzo na Ufundi
Stadi (VETA) mjini Singida.
Amesema
wanafunzi hao ambao bado hawajaripoti hadi sasa ni sawa na asilimia 19
ya wanafunzi wote 10,802 waliofaulu mtihani wa taifa wa kumaliza shule
za msingi.
Akifafanua,Jacob amesema wilaya ya Manyoni inaongoza kwa wanafunzi 585 ambao hawajaripoti kuanza kidato cha kwanza hadi sasa.
“Manyoni
inafuatiwa na Wilaya ya Ikungi ambayo wanafunzi 503 hawajaripoti kuanza
kidato cha kwanza hadi sasa.Iramba 318, Manispaa ya Singida 270,
Singida vijijini 238 na Mkalama 92″, amesema Jacob.
Amesema
kila Halmashauri na Manispaa zinapaswa kuweka mikakati bora na sahihi
ili kuhakikisha kila mwanafunzi aliyefaulu, ajulikane yupo wapi aweze
kufuatiliwa na kuanza masomo.
Kuhusu ajira ya walimu wapya,Jacob amesema mkoa umepangiwa walimu wapya 469 nwa shule za msingi na 636 wa shule za sekondari.
“Kwa
upande wa walimu hao wapya wa sekondari,sanaa imepangiwa walimu 129
wenye diploma na 418 wenye digrii.Sayansi wenye diploma ni 36 na digrii
53″,amesema.
Jacob
amesema kutokana na mchanganuo huo, walimu wa sayansi na hisabati ni 89
na hili bado ni janga kubwa kwa mkoa wa Singida na taifa kwa ujumla.
Amesema
walimu hao wachache,watumiwe kikamilifu ili waweze kuzalisha
wanasayansi wengi watakaopelekea kupata walimu wa kutosha wa sayansi
kimkoa na kitaifa kwa ujumla.
Thursday, April 3, 2014
Barabara, kilimo vyainua kipato cha wakazi wa Singida
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
Ukibahatika kuutembelea Mkoa wa Singida na kurejesha kumbukumbu
zako miaka 10 nyuma unaweza usiamini yanayotokea hivi sasa kwenye mkoa
huo. Unaweza kushangaa na kujiuliza maswali mengi jinsi mkoa huo
unavyobadilika na kuvutia watu wengi sasa.
Singida sasa wamejenga nyumba za kisasa, barabara
za lami na wakazi wake wameongeza uzalishaji wa zao la alizeti, karanga
na vitunguu na hivyo kuinua kipato cha mtu mmoja mmoja.
Uzalishaji wa mazao ya biashara; alizeti, pamba na
vutungu umeongezeka kwa kasi ukilinganisha na miaka minane iliyopita
kwa mfano, mwaka 2007 Mkoa wa Singida ulivuna tani 28, 000 za alizeti
wakati mwaka 2012 Singida ilivuna tani 202,000 za zao hilo.
Ukuaji na kuwapo kwa mabadiliko ya kiuchumi katika
mkoa huo hasa kuongezeka kwa pato la mtu mmoja mmoja kunachangiwa na
shughuli za kilimo, ufugaji na ujenzi wa barabara ya lami ambayo
imekamilika mwaka 2007.
“Pato la mtu mmoja, mkoani Singida, kabla ya mwaka
2007 lilikuwa Sh280,000 kwa mwaka, sasa ni Sh650,000 kwa mwaka,”
anasema Liana Hassan, Katibu Tawala wa mkoa huo.
Mabadiliko yalivyotokea
Mabadiliko hayo hajatokea kirahisi kwenye mkoa huo
bali mambo mengi yamebalika kutokana na juhudi za Mkuu wa Mkoa wa
Singida, Dk. Parseko Kone na Benki ya Dunia (WB) ambayo imetoa mkopo wa
Sh44.506 bilioni kwa Serikali ya Mkoa wa Singida.
Mradi wa ujenzi wa kilometa 109 ya barabara
kuanzia Singida mpaka Shelui kupitia Mlima wa Sekenke, uko chini ya
Central Transport Corridor Project (CTCP). Wakala wa Barabara nchini
(Tanroads), Mhandisi Yustaki Kangolle anasema Barabara ya Singida hadi
Shelui imejengwa katika awamu tatu; kuanzia Singida hadi Iguguno, awamu
ya pili Iguguno hadi Sekenke na Sekenke hadi Shelui.
Ujenzi wa barabara hiyo umewavutia wakazi wa mkoa
huo kuongeza bidii katika kilimo cha alizeti na kununua na kuanzisha
viwanda vidogo vya kukamua mafuta kutokana na fursa ya kusafirisha kwa
wingi mafuta hayo jijini Dar es Salaam, Arusha na mkoani Kilimanjaro.
Mwitikio wa wananchi wa Singida kupenda kulima na
kutekeleza maagizo ya Serikali ya Mkoa wa Singida chini Dk. Kone
wameleta mabadiliko kilimo cha alizeti na kusababisha kuongezeka kwa
viwanda vya kukamua mafuta.
Kutokana na juhudi za wakulima, Ofisa Mtendaji wa
TCCIA wa mkoa huo, Calvent Nkulu anabainisha kuwa miaka saba iliyopita
kulikuwa na viwanda 50 vya kukamua mafuta, lakini sasa kuna viwanda 120
mkoani Singida.
“Kutokana na kipato cha wananchi kuongezeka,
tumewahamasisha wajenge nyumba za kisasa badala ya nyumba za tembe.
Wananchi wanapata urahisi wa kusafirisha vifaa vya ujenzi kutoka Singida
mjini hadi vijijini,” anaeleza mkuu wa mkoa huo.
Mazao ya biashara yanasafirishwa hadi nchi za jirani; Rwanda,
Kenya, Burundi, Jamhuri ya Kidemokrasia ya Kongo (DRC) na mazao ya
chakula kwa mfano, samaki, maparachichi yanasafirishwa na kuuzwa jijini
Dar es Salaam kutoka mkoani Mwanza na Rwanda.
“Biashara imekua hapa Singida, wafanyabiashara
wanatoka Kenya kwa ajili ya kununua vitungu na kuku, Singida ya leo siyo
ile ya zamani,” anasema Julius Madebwe ambaye ni Makamu Mwenyekiti wa
Kitengo cha Biashara mkoani Singida.
Mkoa huo sasa umekuwa na maendeleo makubwa ya
shughuli za ujenzi wa nyumba za kisasa kutokana na kuwapo kwa barabara
hiyo na kukua kwa shughuli za kilimo baada ya kuwapo kwa mvua za
kutosha.
Biashara ya mafuta ya alizeti imepata soko kubwa
nchini na kuwavutia watu wengi kuifanya akiwamo Mhandisi Mstaafu wa
Wakala wa Barabara nchini, John Shailla ambaye ananunua mbegu za alizeti
Wilaya ya Bariadi na kuzikamua kwenye mashine yake na kuuza kwa walaji.
Jambo kubwa la kujivunia kwa wakazi wa Singida ni
bidhaa mbalimbali zinazosafirishwa kutoka nchini Rwanda kwa mfano,
maparachichi na maharagwe hivi sasa yanauzwa sokoni mkoani Singida
tofauti na awali magari ya mizigo yalikuwa yakikwama njiani.
Baada ya kukamilika kwa barabara hiyo, mkazi wa
Shelui katika mkoa huo, Mohamed Hassani anasema kuwa ajali zimeongezeka
kwenye Mlima wa Sekenke na baadhi ya wananchi wameiomba Serikali
iwaruhusu madereva watumie barabara ya zamani wakati wa kuteremka mlima
huo.
Baadhi ya wakazi wa Kata ya Iguguno, Misigiri,
Ulemo na Kijiji cha Kyengege akiwamo dereva wa malori ya mizigo, Henry
Michael na mkulima wa Kata ya Iguguno, Hatibu Sambai wanapendekeza
kuwekwa kwa alama za barabarani katika maeneo muhimu ya pembezoni mwa
barabara ambako kuna shule, hospitali na miji midogo ili kupunguza
ajali.
Wakazi wa wengi wa kata hizo wameshangazwa na
barabara hiyo kuharibika mapema na kuwa mashimo mengi huku wakiitupia
lawama Tanroads kwa kuitengeneza barabara hiyo chini ya kiwango na
kutoweka mitaro ya kupitisha maji wala barabara za waendesha baiskeli,
pikipiki na barabara ya waenda kwa miguu.
“Matatizo ni mengi kwenye barabara hii, haina
mitaro ya kupitisha maji na matokeo yake maji yanaingia kwenye makazi ya
watu,” anabainisha Nikodemmonti Maigai, mkazi wa Kijiji Kyengege.
Hata hivyo mkazi wa kijiji hicho, Josephat Mginza
anawalaumu Tanroads kwa kuwa hawawashirikishi wakazi wa Singida wakati
wa kutengeneza barabara na matokeo yake kusababisha wananchi wengi
kulalamika kutokana na kupoteza fursa za biashara zilizokuwapo pembezoni
mwa barabara.
Kutokana na kuwapo kwa kasoro hizo Meneja wa
Tanroads mkoani Singida, Mhandisi Kangole alikiri kwamba barabara hiyo
imejengwa chini ya kiwango kwa kuwa fedha walizopata hazikutosheleza
kujenga barabara ya kiwango cha juu.
“Barabara hii imejengwa kwa kiwango cha TLC 10- ni
aina ya barabara ya kiwango cha chini. Sasa tunafikiria kuweka lami juu
ya hii ya sasa na kilometa moja ya barabara ya milimita 50 inaweza
kugharimu Sh600 mpaka Sh800 milioni,” anabainisha Mhandisi Kangole.
Kutowekwa kwa alama za barabarani na vibao, Mhandisi Yonennes
Mbegalo anabainisha kwamba ni tatizo linalosababishwa na baadhi wananchi
ambao wanaviiba na hivyo amewataka kuvilinda vibao hivyo.
Wakati Mhandisi Kangole akisema hayo Mhandisi
Masige Matari anatoa sababu za kuharibika kwa barabara hiyo kwamba wingi
wa magari ya mizigo umesababisha kuwapo mashimo.
“Kabla ya Barabara ya Singida hadi Shelui kuwekwa
lami, malori ya mizigo 117 yalikuwa yakitumia barabara hii kwa siku, leo
yanapita malori 1,135 kwa siku kwenda Rwanda, DRC, Kagera na Mwanza.
Baadhi ya wananchi wanapongeza jitihada hizo
wakisema kuwa ikiwa harakati za maendeleo zitaendelea mkoa huo unaweza
kuwa na maendeleo ya kasi zaidi.
Chanzo;mwananchi
Chanzo;mwananchi