NAIBU WAZIRI WA MAJI NA UMWAGILIAJI ASIFU MPANGO MKAKATI WA UPATIKANAJI MAJI WILAYA YA IKUNGI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Naibu waziri wa maji na Umwagiliaji Mhe Isack A. Kamwelwe akisalimiana na mwenyeji wake Mkuu wa Wilaya ya Ikungi Mhe Miraji Jumanne Mtaturumara baada ya kuwasili Mkoani Singida kwa ziara ya kikazi ya kutembelea na kukagua Miradi ya vyanzo vya maji.

Naibu waziri wa maji na Umwagiliaji Mhe Isack A. Kamwelwe akizungumza na watumishi wa Wilaya ya Ikungi mara baada ya kupita Ofisi za Mkuu wa Wilaya hiyo Mhe Miraji Jumanne Mtaturu akielekea Manispaa ya Singida kwa ajili ya mapumziko, Kushoto ni Mbunge wa Jimbo la Singida Magharibi Mhe Elibariki Kingu

Baadhi ya Watumishi wa Wilaya ya Ikungi wakimsikiliza Naibu waziri wa maji na Umwagiliaji Mhe Isack A. Kamwelwe mara baada ya kupita Ofisi za Mkuu wa Wilaya hiyo Mhe Miraji Jumanne Mtaturu.

Mbunge wa Jimbo la Singida Magharibi Mhe Elibariki Kingu (Kushoto) akimfatilia kwa makini Naibu waziri wa maji na Umwagiliaji Mhe Isack A. Kamwelwe wakati wa kikao cha pamoja na watumishi wa Wilaya ya Ikungi, Mwingine ni Katibu wa Chama Cha Mapinduzi Wilaya ya Ikungi Ndg Elieza

Mkuu wa Wilaya ya Ikungi Mhe Miraji Jumanne Mtaturu akizungumza kwa niaba ya watumishi wa Wilaya wakati wa ziara ya Naibu waziri wa maji na Umwagiliaji Mhe Isack A. Kamwelwe

Naibu waziri wa maji na Umwagiliaji Mhe Isack A. Kamwelwe akisaini kitabu cha wageni mara baada ya kuwasili Ofisi za Mkuu wa Wilaya ya Ikungi Mhe Miraji Jumanne Mtaturu.

Na Mathias Canal, Singida

Halmashauri ya Wilaya ya Ikungi Mkoani Singida imepongezwa kwa kuanzisha mpango mkakati wa uundaji wa mamlaka ya maji katika makao makuu ya Wilaya ikiwa ni njia ya utatuzi ya changamoto inayowakabili wananchi wengi ya upatikanaji wa maji kwa wananchi.

Kauli hiyo imetolewa na Naibu waziri wa maji na Umwagiliaji Mhe Isack A. Kamwelwe wakati akizungumza na viongozi mbalimbali wa wilaya ya Ikungi walioongozwa na Mkuu wa Wilaya hiyo Mhe Miraji Jumanne Mtaturu na kuhudhuriwa pia na Mbunge wa Jimbo la Singida Magharibi Mhe Elibariki Kingu.

Kauli hiyo inajili wakati ambapo Naibu waziri Mhe Kamwelwe ameanza ziara ya kikazi Mkoani Singida ambapo atatembelea na kukagua Miradi ya Maji na vyanzo vya uboreshaji upatikanaji wa maji.

Alisema kuwa ili kunusuru kadhia inayowakumba wananchi katika Wilaya hiyo ya uduni wa upatikanaji wa maji ambapo wananchi wanaopata maji safi na salama ni 99,234 sawa na 32.2% ya wakazi wote 309,321 ni lazima kuwa na mbinu mbadala kupitia wataalamu wa maji na ushirikiano mkubwa na Serikali katika Wizara ya Maji na Umwagiliaji.

Mhe Kamwelwe alisema kuwa Uongozi wa Wilaya ya Ikungi unatakiwa kupeleka mapema wizarani maombi ya uanzishaji wa Mamlaka ya maji mji wa Ikungi ili timu ya wataalamu kutoka Wizarani iweze kutumwa kwa ajili ya kujiridhisha.

Aidha, Alikiri kuwa wingi wa watu Katika eneo la Ikungi unakidhi kuanzisha mamlaka ya maji mji wa Ikungi kwani miongoni mwa sifa muhimu huwa ni pamoja na wingi wa watu.

Naye Mkuu wa Wilaya ya Ikungi Mhe Miraji Jumanne Mtaturu alisema kuwa hali ya upatikanaji wa maji katika Wilaya ya Ikungi si wa kuridhisha sababu ambayo inapalekea wananchi kwenda umbali mrefu na kutumia muda mwingi kupata huduma ya maji.

Alisema kuwa pamoja na kuwa na matanki ya maji ya mvua ambayo mengi yamejengwa katika taasisi za umma kama shule na vituo vya kutolea huduma za afya lakini bado changamoto ni kubwa kutokana na kuwepo kwa kipindi kirefu cha kiangazi (Miezi sita mpaka saba) na hivyo kufanya vyanzo vingi vya maji kutumika wakati wa msimu pekee.

Mhe Mtaturu alisema kuwa wakati wa kiangazi mifugo hupata maji kwenye malambo yaliyojengwa kwenye vijiji vyenye miradi ya maji ya bomba, Mabwawa na Malambo au visima walivyochimba wafugaji wenyewe.

Alisema pamoja na kuwepo kwa Mabwawa na malambo kwa ajili ya kunyweshea mifugo na shughuli zingine za binadamu katika sekta ya ujenzi na mahitaji ya majumbani lakini bado Wananchi wanahitaji malambo zaidi ili kupunguza makali ya upatikanaji wa maji.

Kwa upande wake Mbunge wa Jimbo la Singida Magharibi Mhe Elibariki Kingu Alishukuru kwa ajili ya kupata fedha za kutengeneza miradi ya maji katika kata ya Sepuka, Kijiji cha Nkhoiree Kata ya Iseke na Kijiji cha Tewa Kata ya Ntuntu.

Pamoja na Shukrani hizo lakini pia Mhe Kingu alimuomba Naibu waziri huyo wa Maji na Umwagiliaji kusaidia utatuzi wa changamoto ya upatikanaji wa maji kwa wakazi wa kijiji cha Igilansoni Kata ya Igilansoni kwani ni Kijiji kikubwa lakini kipo mbali na Vijiji vingine.

Hata hivyo katika mwaka wa fedha 2017/2018 idara ya maji imepanga kuendelea kutoa huduma ya maji safi na salama na upatikanaji wa maji ya kutosha kwa matumizi ya nyumbani na kwa maendeleo ya shughuli za kiuchumi kwa kuongeza idadi wananchi wanaopata maji safi na salama karibu na maeneo wanayoishi kwa kiwango cha 49% (June 2018).

MWISHO.

UJUMBE WA OFISI YA MAKAMU WA RAIS WAENDELEA KUTEMBELEA MIGODI MIDOGO YA DHAHABU WILAYANI IKUNGI MKOANI SINGIDA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Ujumbe kutoka Ofisi yaMakamu wa Rais ukiongozwa na Mkurugenzi wa Sera na Mipango Bi Ogenia Mpanduji wakimsikiliza Mmiliki wa Mgodi wa Sambaru uliopo wilayani Ikungi Mkoani Singida, Bwana Yusuf Mwandami walipofanya ziara ya kutembelea mgodi huo.

Mkurugenzi Msaidizi Idara ya Mazingira Ofisi ya Makamu wa Rais,Bi Magdalena Mtenga akiuliza swali kwa mmiliki wa mgodi wa sambaru uliopo Ikungi Mkoani Singida mara baada ya ujumbe toka Ofisi ya Makamu wa Rais kutembelea mgodi huo wa mwisho katika picha ni Afisa madini kanda ya Singida aliyeongozana na ujumbe huo Bi. Sofia Omary.

Mmiliki wa Mgodi mdogo wa dhahabu wa Sambaru uliopo Ikungi Bwana Yusuf Mwandami akitoa maelekezo kwa ujumbe huo juu ya mashine mbalimbalimbali zilizofungwa mgodini hapo zitakavyokua zinafanya kazi. Wa kwanza kulia ni Afisa madini kanda ya Singida aliyeongozana na ujumbe huo Bi. Sofia Omary.

Ujumbe kutoka Ofisi ya Makamu wa rais ukiongozwa na Mkurugenzi wa sera na Mipango Bi Ogenia Mpanduji pamoja na Mkurugenzi Msaidizi-Mazingira Bi. Magdalena Mtenga wakipata maelezo juu ya uendeshaji wa mgodi mdogo wa dhahabu ulioko Ikungi Bwana Ahmed Magoma

DC MTATURU ASIFU UTENDAJI WA MBUNGE ELIBARIKI KINGU

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Mbunge wa Jimbo La Singida Magharibi Mhe Elibariki Kingu akizungumza na wajumbe wa Mkutano Mkuu wa Umoja wa Vijana wa Chama cha Mapinduzi (UVCCM) Wilaya ya Ikungi ulioketi kuchagua viongozi wapya watakaoiongoza jumuiya hiyo.

Mkuu wa Wilaya ya Ikungi Mhe Miraji Jumanne Mtaturu (Mwenye shati la Njano), Mbunge wa Jimbo la Singida Mgharibi Mhe Elibariki Kingu (Wa Kwanza kushoto Pichani) na viongozi wengine wakifatilia Mkutano Mkuu wa Umoja wa Vijana Wilaya ya Ikungi katika ukumbi wa Shule ya Sekondari Ikungi.

Mkuu wa Wilaya ya Ikungi Mhe Miraji Jumanne Mtaturu ambaye pia ni mjumbe wa kamati ya Siasa Wilaya akizungumza na wajumbe wa Mkutano Mkuu wa Umoja wa Vijana wa Chama cha Mapinduzi (UVCCM) Wilaya ya Ikungi ulioketi kuchagua uongozi wapya watakaoiongoza jumuiya hiyo.

Wajumbe wa Mkutano Mkuu wa Umoja wa Vijana wa Chama cha Mapinduzi (UVCCM) Wilaya ya Ikungi wakimsikiliza mgeni rasmi katika ufunguzi wa mkutano huo Mkuu wa Wilaya ya Ikungi Mhe Miraji Jumanne Mtaturu kabla ya kuchagua uongozi wapya kuongoza jumuiya hiyo ngazi ya Wilaya.

Na Mathias Canal, Singida

Mbunge wa Jimbo la Singida Magharibi Mhe Elibariki Kingu ametajwa kama Kiongozi makini anayejali maslahi ya wananchi wa Jimbo, Wilaya, Mkoa na Taifa kwa ujumla katika kipindi kifupi cha utendaji wake tangu alipochaguliwa na wananchi Octoba 25, 2015.

Heko hiyo imetolewa na Mkuu wa Wilaya ya Ikungi Mhe Miraji Jumanne Mtaturu wakati akizungumza na wajumbe wa Mkutano Mkuu wa Umoja wa Vijana wa Chama cha Mapinduzi (UVCCM) Wilaya ya Ikungi kwenye mkutano ambao ajenda yake kubwa ni uchaguzi wa uongozi wa jumuiya hiyo ngazi ya Wilaya.

Mbele ya wajumbe hao katika Mkutano ulifanyika kwenye ukumbi wa shule ya Sekondari Ikungi Mhe Mtaturu alisema kuwa Mbunge huyo amekuwa mfano wa kuigwa kwani amejikita katika shughuli za maendeleo zaidi katika jimbo lake jambo ambalo linaamsha ari kwa wananchi kushiriki shughuli za maendeleo.

Aliwasihi wananchi kwa ujumla kuendelea kumuunga mkono mbunge huyo kwa ushirikiano wake na viongozi wa serikali za mitaa na Madiwani wa Kata zote sambamba na kumuunga mkoano mwenyekiti wa Halmashauri ya Wilaya ya Ikungi kwa weledi na ufanisi wanaoufanya katika uwajibikaji.

Mhe Mtaturu alisema kuwa Jimbo la Singida Magharibi ndilo pekee katika Wilaya ya Ikungi ambalo limeonekana kuwa katika ramani ya uwajibikaji kupitia mbunge wake tofauti kabisa na Jimbo la Singida Mashariki ambalo maendeleo yake yanasuasua kutokana na chuki za kisiasa.

Aliongeza kuwa Mbunge Kingu amekuwa ni kinara wa kusemea hoja na changamoto za wananchi wa Wilaya ya Ikungi kwa ujumla mara kwa mara katika kipindi chote anapokuwa Bungeni nanje ya Bunge nakuongeza kuwa huo ndio uwakilishi unaotakiwa.

Akizungumza kabla ya kuanza kwa uchaguzi wa viongozi wa jumuiya ya Vijana wa Chama Cha Mapinduzi CCM Wilaya ya Ikungi Mbunge wa Jimbo la Singida Mashariki Mhe Elibariki Kingu alisema kuwa kwa sasa Wilaya ya Ikungi imepata kiongozi imara ambaye anajali maslahi ya wananchi hivyo imani yake maendeleo yatazidi kuimarika kwa wananchi.

Aliwasihi Vijana kushikamana na kuchagua kiongozi bora na si bora kiongozi ili kuendeleza ufanisi wa jumuiya hiyo ambayo ndio muhimili wa Cham Cha Mapinduzi.

Aidha, alisema ataendeleza zaidi ushirikiano baina yake ya Mkuu wa Wilaya ya Ikungi Mhe Miraji Jumanne Mtaturu ili kuwanufaisha wananchi na kuboresha zaidi umoja na mshikamano uliopo pasina kuwabagua wananchi kwa itikadi za Chama, Dini ama Kabila.

WAKURUGENZI MKOANI SINGIDA WAAGIZWA KUNUA CHAKI ZINAZOZALISHWA MKOANI HUMO

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

1  Mkuu wa Mkoa wa Singida Mhe Dkt Rehema Nchimbi akishiriki kazi ya uzalishaji chaki wakati wa ziara ya kikazi ya kutembelea Kiwanda cha usagaji wa unga wa Gypsum na Uzalishaji chaki cha Dober Color Kilichopo katika Kata ya Itigi-Majengo Halmashauri ya Itigi

Mkuu wa Mkoa wa Singida Mhe Dkt Rehema Nchimbi akikagua kiwanda cha usagaji wa unga wa Gypsum na Uzalishaji chaki cha Dober Color Kilichopo katika Kata ya Itigi-Majengo Halmashauri ya Itigi wakati wa ziara ya kikazi

Kaimu Mkuu wa Wilaya ya Manyoni ambaye ni Mkuu wa Wilaya ya Ikungi Mhe Miraji Jumanne Mtaturu akimkabidhi boksi tano za chaki Mkuu wa Mkoa wa Singida Mhe Dkt Rehema Nchimbi mara baada ya kutembelea na kukagua kiwanda cha usagaji wa unga wa Gypsum na Uzalishaji chaki cha Dober Color Kilichopo katika Kata ya Itigi-Majengo Halmashauri ya Itigi wakati wa ziara ya kikazi

Kaimu Mkuu wa Wilaya ya Manyoni ambaye ni Mkuu wa Wilaya ya Ikungi Mhe Miraji Jumanne Mtaturu akishiriki kazi ya uzalishaji chaki wakati wa ziara ya kikazi ya Mkuu wa Mkoa wa Singida Mhe Dkt Rehema Nchimbi kutembelea Kiwanda cha usagaji wa unga wa Gypsum na Uzalishaji chaki cha Dober Color Kilichopo katika Kata ya Itigi-Majengo Halmashauri ya Itigi

    Mkuu wa Mkoa wa Singida Mhe Dkt Rehema Nchimbi akisalimiana na Meneja wa kiwanda cha Uzalishaji chaki cha Dober Color Ndg Mukhtar Mahamood mara baada ya kuwasili kiwandani hapo

Mkuu wa Mkoa wa Singida Mhe Dkt Rehema Nchimbi akikagua mizinga ya nyuki mara baada ya kutembele kiwanda Uzalishaji chaki, Mafuta ya Alizeti na Asali cha Fahari Kilichopo katika eneo la Tambukareli Halmashauri ya Mji wa Itigi wakati wa ziara ya kikazi, Kulia kwake ni Kaimu Mkuu wa Wilaya ya Manyoni ambaye ni Mkuu wa Wilaya ya Ikungi Mhe Miraji Jumanne Mtaturu

Ukaguzi wa kiwanda cha uzalishaji Chaki

Mkuu wa Mkoa wa Singida Mhe Dkt Rehema Nchimbi akikagua eneo la kutunzia Unga wa Gypusm katika kiwanda cha uzalishaji Gypsum cha Sanjaranda, Halmashauri ya Itigi

Mkuu wa Mkoa wa Singida Mhe Dkt Rehema Nchimbi akizungumza kwa njia ya simu na mmiliki wa kiwanda cha uzalishaji unga wa Gypsum cha Sanjaranda Bw Rashid Said Rashid akiwa Dar es salaam ambaye alimuhakikishia Mkuu wa Mkoa kuwa mpaka kufikia Januari 2018 uzalishaji wa Gypsum utaanza katika eneo la Sanjaranda, Halmashauri ya Itigi ili kurahisisha huduma hiyo.

Mkuu wa Mkoa wa Singida Mhe Dkt Rehema Nchimbi akiwa kwenye shamba la Mkulima Juma Patrick na kujionea mikorosho inavyoharibika kwa kukosa dawa ambapo alizungumza kwa njia ya simu na muwakilishi wa Bodi ya Korosho akiwa Dar es salaam ambaye alimuhakikishia Mkuu wa Mkoa kuwa dawa za kuua wadudu kwenye Mikorosho zitawasili kati ya Jumanne  Septemba 26 na Jumatano 27, 2017

Mkuu wa Mkoa wa Singida Mhe Dkt Rehema Nchimbi akionyesha chaki bora zinazozalishwa Wilayani Manyoni Mkoani Singida

Mkuu wa Mkoa wa Singida Mhe Dkt Rehema Nchimbi akisalimiana na Mwenyekiti wa Halmashauri ya Itigi Mhe Ally Minja mara baada ya kuwasili Kwa ajili ya kutembelea Kiwanda vya usagaji unga wa Gypsum na uzalishaji chaki.

Miongoni wafanyakazi wa kiwanda cha  Uzalishaji chaki cha Dober Color wakiendelea na kazi wakati wa ziara ya Mkuu wa Mkoa wa Singida Mhe Dkt Rehema Nchimbi

1 Mkuu wa Mkoa wa Singida Mhe Dkt Rehema Nchimbi akikagua kiwanda cha Uzalishaji chaki cha Dober Color Halmashauri ya Itigi

Na Mathias Canal, Singida

Wakurugenzi wa Halmashauri za Wilaya na Manispaa Mkoani Singida wametakiwa kuanzia Septemba 25, 2017 kuanza kununua chaki zinazozalishwa katika viwanda mbalimbali vilivyopo katika Halmashauri ya Mji wa Itigi Mkoani humo.

Pia Taasisi ya kuzuia na kupambana na Rushwa (TAKUKURU) imeagizwa kufuatilia Halmashauri zitakazoendelea na hatua za manunuzi ya chaki nje ya Mkoa wa Singida ili ziweze kuchukuliwa hatua za kinidhamu haraka iwezekanavyo.

Agizo hilo limetolewa na Mkuu wa Mkoa wa Singida Mhe Dkt Rehema Nchimbi mara baada ya ziara ya kikazi ya kutembelea kiwanda cha uzalishaji Gypsum cha Sanjaranda, Kiwanda cha usagaji wa unga wa Gypsum/Uzalishaji chaki cha Dober Color na Kiwanda cha uzalishaji chaki cha Fahari.

Mhe Nchimbi alisema kuwa ni aibu kwa Mkoa wa Singida na Taifa kwa ujumla kuagiza chaki nje ya nchi ilihali mkoani Singida zinazalishwa chaki zenye ubora, zisizo na vumbi la kuwasumbua walimu na wanafunzi kuliko za nje ya nchi tena kwa kutumia malighafi za ndani ya nchi.
 

Alisema Wakuu wa Wilaya wanapaswa kusimamia zoezi hilo ili kutumia bidhaa bora zinazozalishwa ndani ya Mkoa kwani zitaongeza ufanisi wa ajira kwa wananchi na kuwa na uwezo wa kutengeneza soko la ndani ya Wilaya na Mkoa kwa ujumla.

Alisema hakutakuwa na maana yoyote katika Mkoa kama viwanda vinazalisha chaki lakini watumiaji wa chaki hawanunui bidhaa hizo badala yake wananunua katika maeneo mengine.
 

Mhe Nchimbi aliwasihi viongozi mbalimbali katika Wilaya na Mikoa mingine nchini kununua chaki zinazozalishwa mkoani Singida huku akitoa unafuu kwa mikoa jirani na Mkoa wa Singida ambayo ni Dodoma, Manyara na Tabora kutumia gharama za manunuzi pekee huku serikali ikisimamia gharama zote za usafirishaji kuwafikia wanunuzi katika mikoa yao.

Sambamba na hayo pia Mhe Nchimbi aliziagiza Halmashauri zote mkoani humo kutangaza katika vyombo vya habari bidhaa zilizopo ili kuwarahisishia watanzania kufahamu uzalishaji unaofanywa na Mkoa wa Singida kwani kwa kufanya hivyo wafanyabiashara na wawekezaji watatambua fursa zilizopo na kununua bidhaa mbalimbali jambo ambalo litakuza uchumi wa mtu mmoja mmoja na Mkoa kwa ujumla.
 

Aliwapongeza wamiliki kwa kuanzisha viwanda hivyo katika Mkoa wa Singida kwani vimesaidia wananchi kupata ajira na kuweza kupata kipato kinachowasaidia kuweza kujikimu katika maisha yao sambamba na kuongeza chachu ya pato la Taifa kwa kulipa kodi.

Katika hatua nyingine amewaagiza wataalamu wa kilimo Mkoani Singida wakisimamiwa na wakuu wa Wilaya kufanya utafiti wa mbegu bora za alizeti na mazao mengine ili kuongeza uzalishaji wenye tija kwa wakulima.
 

Kwa upande wake Kaimu Mkuu wa Wilaya ya Manyoni ambaye ni Mkuu wa Wilaya ya Ikungi Mhe Miraji Jumanne Mtaturu akizungumza kwa niaba ya watumishi wa Wilaya ya Manyoni alisema kuwa maagizo yote yaliyotolewa na Mkuu wa Mkoa yatafanyiwa kazi haraka iwezekanavyo ili kuongeza ufanisi katika uwajibikaji na ukuzaji wa uchumi katika Mkoa na Taifa kwa ujumla.

Mhe Mtaturu alisema kuwa pamoja na serikali kuelekeza mazao ya kipaumbele nchini ambayo ni Pamba, Korosho, Chai, Tumbaku na Kahawa lakini pia utasisitizwa uzalishaji wa zao la Alizeti ambalo limekuwa zao tija kwa wakulima na zao kubwa la biashara katika Mkoa wa Singida.