MWANASIASA MKONGWE AZUNGUMZIA MAKUNDI YA URAIS NDANI YA CCM‏

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 
kingungePichani ni mwanasiasa mkongwe Kingunge Ngombare(Habari na jamiiblog)
Mwanasiasa  mkongwe nchini,Kingunge Ngombare Mwiru ametamka ya kwamba Chama Cha Mapinduzi(CCM) kamwe hakiwezi kuepuka makundi ya  urais kupitia chama hicho wakati kikielekea katika hatua za ukingoni za kulipata jina la mgombea atakayepeperusha bendera ya urais katika uchaguzi wa mwaka huu kwa kuwa hata miaka ya nyuma yalikuwepo.


Kauli ya mwanasiasa huyo inakuja wakati kamati kuu ya  chama hicho ikikutana mjini Dodoma kuandaa ajenda za mkutano wa halmashauri kuu ya CCM  huku ajenda ya jina la nani atakayekipa ushindi mwaka huu katika nafasi ya urais ikitajwa kutawala katika mkutano huo.

Mwanasiasa huyo alitoa kauli hiyo juzi wakati akihojiwa katika kipindi cha uzalendo kinachorushwa na luninga ya ITV wakati akizungumzia makundi ya urais ndani ya CCM kuelekea uchaguzi  mkuu.

Akihojiwa katika kipindi hicho alisema kuwa CCM hakiwezi kwenda kwenye uchaguzi  mkuu bila  ya kuwa na makundi kwa kuwa makundi hayo yalianza tangu mwaka 1995 hadi sasa.

“Hatuwezi kwenda kwenye uchaguzi wa kidemokrasia bila ya kuwa na makundi,mwaka 1995 kila mgombea alikuwa na kundi lake  na mwaka 2005 tulikuwa na makundi hata mwaka huu unayo makundi”alisema Mwiru

Alisema kuwa  katika mfumo wa kidemokrasia  ndani ya chama unaruhusu makundi kwa kuwa kila mgombea anakuwa na kundi lake ambalo linamjenga na kutoa ushawishi katika harakati mbalimbali.

Alisema kuwa kuna tofauti kubwa kati ya makundi ya urais ya mwaka 1995 na ya mwaka 2015 kwani miaka hiyo  makundi yalikuwa ni ya kawaida tu tofauti na sasa  ambapo  baadhi ya wanachama wamekuwa na mitizamo hasi .

Mwanasiasa huyo alisisitiza kuwa mbali na makundi hayo mwisho wa siku ni lazima apatikane mgombea mmoja ambaye atakubalika nje ya CCM.

“Mwisho wake ni lazima apatikane mmoja kupitia vikao  vya CCM na anayekubalika na wengi ndani ya CCM ndiye atakayekubalika nje ya CCM hiyo ndiyo demokrasia”alisisitiza Mwiru

    

HAPPY BIRTHDAY MO

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. DSC01228-Edit
MODEWJI BLOG TEAM : Thanking you for being a great boss just isn't enough for your special day! Thank you for inspiring us to be our best! Happy birthday, boss!
And below is a small gift from us!
IMG_9643  
Please join us to wish him a Happy Birthday by follow him on his twitter @moodewji and instagram @moodewji

Mvua zaathiri hekta 2,000 za zao la Pamba Mkoani Singida


DSC05358
Mkuu wa wilaya ya Ikungi mkoani Singida, Gishuli Charles (kulia) akitoa maelekezo juu ya mikakati ya kuboresha kilimo cha pamba mbele ya wajumbe wa kikao cha kazi cha kutathimini zao la pamba msimu huu kilichohudhuriwa na wajumbe kutoka bodi ya pamba na wadau wa zao hilo. Dc Charles alikuwa mwenyekiti wa kikao hicho kilichofanyika kwenye ukumbi wa mikutano wa ofisi ya mkuu wa mkoa mjini hapa. Kushoto ni kaimu katibu tawala mkoa wa Singida,Mumba.
DSC05355
Baadhi ya wajumbe wa kikao cha kazi cha kutathimini kilimo cha pamba cha msimu huu kilichofanyika kwenye ukumbi wa mikutano wa ofisi ya mkuu wa mkoa mjini Singida.(Picha na Nathaniel Limu).
Na Nathaniel Limu, Singida
MVUA zilizonyesha kwa mtawanyiko usioridhisha msimu huu na kusababisha ukame mkali,zimeathiri zaidi ya hekta 2,000 za zao la pamba na mavuno yanatarajiwa kuwa hafifu;imeelezwa.
Hayo yamesemwa na mkuu wa mkoa wa Singida,Dk.Parseko Kone,wakati akifungua kikao cha kazi cha wadau wa zao la pamba mkoani hapa, kilichofanyika kwenye ukumbi wa mikutano wa ofisi ya mkuu wa mkoa mjini hapa.
Alisema kwa kuzingatia hilo,mkoa wa Singida kwa kushirikiana na bodi ya pamba umeona umuhimu wa kukutanisha wadau wa zao la pamba ili kujadili maendeleo ya kilimo cha pamba cha mkataba ambacho kina tija zaidi.
Aidha, Dk.Kone alisema kukutana huko pia zitatolewa taarifa  za mafanikio na changamoto mbalimbali zilizojitokeza msimu wa 2014/2015,na kuweka mikakati ya kufanikisha masuala ya soko la pamba katika msimu huu.
“Napenda tuelewe kuwa mkutano huu ni fursa nzuri ya kuwakutanisha viongozi na wataalam wa ngazi ya wizara,mkoa,halmashauri na wakulima,ili kujadiliana mafanikio yaliyopatikana,changamoto zilizopo na kuweka mikakati ya kuhakikisha juhudi za kuongeza tija na faida katika uzalishaji wa zao la pamba, zinaendelezwa”,alifafanua.
Katika hatua nyingine,Dk.Kone alisema katika msimu huu jumla ya wakulima 821 wa zao la pamba,wamepewa mafunzo ya kilimo bora cha pamba.
Aidha, alisema katika msimu huu jumla ya hekta 6,757 za pamba zimelimwa,chupa 11,346 za viuatilifu na mabomba 35 ya kunyunyizia pamba,yalisambazwa na kampuni pekee inayoshughulkia zao la pamba mkoani hapa ya Biosustain ya jijini Dar-es-salaam.
“Nitumie fursa hii kuipongeza kampuni ya Biosustain kwa kazi nzuri inayojishughulisha na kilimo cha mkataba mkoani mwetu.Kampuni hii imeweza kufufua zao la pamba kwa kuanzisha kiwanda cha kuchambua pamba.Mfumo wa kilimo cha mkataba umeweza kunufaisha wakulima 2,500”,alisema Dk.Kone.
Zao la pamba ni miongoni mwa mazao makuu manne ya biashara yanayozalishwa hapa nchini na linachukua nafasi ya nne kwa kuchangia uchumi wa taifa.Wastani wa faifa wa uzalishaji, ni kilo 300 kwa ekari ikilinganishwa na lengo lililowekwa la kufikia uzalishaji wa kilo 1,500 kwa ekari ifikapo mwaka huu wa 2015.
Kwa mkoa wa Singida,hali ya uzalishaji wa pamba imekuwa ikibadilika kwa kiasi kikubwa ikilinganishwa na mazao mengine ya biashara, kutokana na kuyumba kwa bei ya zao hilo mwaka hadi mwaka.
Baadhi ya mikakati ya kuimarisha kilimo cha pamba mkoani hapa ambayo imewekwa na kikao hicho,ni pamoja na kuhamasisha kila kaya inalima si chini ya ekari mbili kila msimu.
Mikakati mingine ni halmashauri kushirikiana na wataalamu wa vipimo kuhakikisha matumizi sahihi ya vipimo yanatumika wakati wa kuuza pamba,kuhimiza kilimo cha mkataba na kila mdau wa kilimo cha pamba,atimize wajibu wake.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

CHIKAWE ATOA HOFU UCHAGUZI WA 2015

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

 Kuanza kufuta vyama Jumatatu Vipo vya kiraia, dini.
Waziri wa Mambo ya Ndani ya Nchi, Mathias Chikawe.
 Serikali imetishia kuchukua hatua kali kwa watu binafsi, vyama vya siasa, kijamii na vya kidini vitakavyobainika kuvuruga usalama na utulivu wa nchi katika kipindi cha Kura ya maoni kwa Katiba inayopendekezwa na uchaguzi mkuu, huku ikitishia kufuta asasi kadhaa kuanzia wiki ijayo.
 
Imetangaza kwamba kuanzia wiki ijayo itavifuta katika daftari la usajili vyama vya kijamii na vya kidini ambavyo vitakiuka katiba za kuanzishwa kwake.
 
Hatua hiyo ilitangazwa jana jijini Dar es Salaam na Waziri wa Mambo ya Ndani ya Nchi, Mathias Chikawe, wakati akizungumza na waandishi wa habari kuhusu mustakabali wa nchi kuelekea Kura ya Maoni kwa Katiba inayopendekezwa na Uchaguzi Mkuu.
 
VYAMA KUFUTWA JUMATATU
Waziri Chikawe alisema kuanzia Jumatatu ijayo, wizara hiyo itaanza kuvifuta vyama vyote vilivyosajiliwa chini ya Sheria ya Vyama, Sura 337, ambavyo havifuati matakwa ya kisheria ya kuwasilisha taarifa zao za mwaka za ukaguzi wa hesabu na kulipa ada kisheria.
 
Alisema kazi hiyo itaanza kwa vyama vilivyopo jijini Dar es Salaam na itaendelea nchi nzima na kwamba vyama hivyo havitaruhusiwa kuendelea na shughuli zake.
 
“Serikali inapenda kuwataka wananchi mmoja mmoja au vikundi, zikiwamo taasisi za dini kuepuka kushiriki katika vitendo ambavyo vinaashiria kuvuruga amani na utulivu nchini na itachukua hatua za kisheria kudhibiti hali hiyo,” alisema Waziri Chikawe.
 
Waziri Chikawe alisema kwa siku za hivi karibuni kumekuwa na matukio ambapo baadhi ya viongozi wa taasisi za dini wanatoa matamko yanayoashiria kuingilia masuala ya kisiasa kinyume cha sheria na katiba zinazosimamia uendeshaji wa taasisi hizo.
 
Mathalani, alisema viongozi wa dini wanapokutana na kutoa matamko yanayolenga kuwashawishi waumini wao wafuate maelekezo yao kuhusiana na masuala ya Katiba inayopendekezwa au kuhusu Uchaguzi Mkuu ujao, matamshi hayo yanakiuka sheria za usajili wa taasisi hizo.
 
“Ni kweli kuwa viongozi wa taasisi za dini wana haki ya kushiriki katika masuala ya kisiasa kama watu binafsi ila ni kinyume cha sheria kutumia uongozi wao kushawishi waumini wao watekeleze matakwa yao ya kisiasa,” alisema.
 
Alisema serikali inatambua kuwa waumini wa dini mbalimbali wana haki ya kuamini mafundisho ya dini zao, lakini wanapaswa kutekeleza masuala yao ya kisiasa na kijamii kwa utashi wao wenyewe bila ya kushawishiwa na mtu yeyote kama sheria za nchi zinavyosema.
 
“Mfano mwingine ni pale kiongozi au viongozi wa dini wanapochangisha fedha na kuandamana au kukutana na wanasiasa kwa kile kinachoelezwa kuwa ni kuwashawishi kugombea nafasi mbalimbali za uongozi…hii siyo kazi ya taasisi za dini na ni kinyume cha sheria,” alifafanua.
 
Hata hivyo, hakutaja viongozi wa dini waliokwenda kumshawishi mgombea wa urais, lakini mwezi uliopita, kundi la watu wanaodaiwa kuwa ni Masheikh kutoka Wilaya ya Bagamoyo mkoani Pwani, lilikwenda mjini Dodoma kumshawishi Waziri Mkuu wa zamani, Edward Lowassa, achukue fomu kugombea urais kupitia Chama Cha Mapinduzi (CCM).
 
Pia kundi la Wachungaji wa Makanisa ya Pentekoste kutoka maeneo kadhaa nchini, yalikwenda Dodoma kumshawishi Lowassa kugombea nafasi hiyo.
 
Chikawe alisema uzoefu unaonyesha kuwa kila inapofikia wakati wa kuelekea katika chaguzi mbalimbali, hutokea matukio ambayo mengine yakiashiria uvunjifu wa usalama na utulivu wa nchi.
 
Alisema matukio hayo yanasababisha hamasa za kisiasa au baadhi ya watu kutumia muda kutekeleza ajenda zao za kihalifu kwa kisingizio cha vuguvugu la kisiasa.
 
Waziri huyo alikumbushia matukio ya hivi karibuni Visiwani Zanzibar kulikuwa na matukio ya baadhi ya ofisi za vyama vya kisiasa kuchomwa moto na watu wasiojulikana pamoja na wanachama wa vyama hivyo kuvamiwa na kujeruhiwa wakati wakitoka katika mikutano ya kisiasa.
 
“Kwa vyovyote vile matukio kama haya yanaashiria uvunjifu wa amani na utulivu na ni lazima serikali ichukue hatua kuhakikisha kuwa yanadhibitiwa ili kila mwananchi awe huru kufanya shughuli zake za kisiasa, kijamii na kiuchumi bila hofu ya kufanyiwa uhalifu,” alisisitiza.
 
Aidha, alivishauri vyama vya siasa kuepuka kufanya ushabiki wa kubeba wanachama wao kutoka sehemu moja kwenda nyingine wanapoandaa mikutano na badala yake washirikishe wanachama waliopo sehemu husika kufanya mkutano.
 
Alisema utekelezaji wa jambo hilo utapunguza ushabiki wa kisiasa na tatizo la uvamizi wa wanachama wanapokuwa wanatoka kwenye mikutano ya mbali na maeneo yao pamoja na kupunguza mzigo wa ulinzi kwa askari.
 
MATAMKO YA VIONGOZI WA DINI NA JUKWAA
Tamko la serikali limekuja siku chache baada ya Kiongozi Mkuu wa Kanisa la Ufufuo na Uzima, Askofu Josephat Gwajima, kutakiwa kupeleka vielelezo 10 Polisi, ikiwamo hati ya usajili wa kanisa hilo, nyaraka za idadi ya makanisa anayomiliki, muundo wa uongozi wa kanisa lake na nyaraka za helikopta anayomiliki.
 
Vingine ni idadi ya nyumba na mali ambazo Kanisa linamiliki, muundo wa Bodi ya Wadhamini wa Kanisa pamoja na majina yao na makusanyo ya Kanisa.
 
Machi, mwaka huu, Jukwaa la Wakrsto Tanzania, lilitoa tamko la kuwataka waumini wake kujiandikisha kwa wingi katika Daftari la Kudumu la Wapigakura, kuisoma Katiba inayopendekezwa na kujitokeza kuikataa kwa kupiga kura ya hapana. Jukwaa hilo linaundwa na Baraza la Maaskofu Katoliki Tanzania (Tec), Jumuiya ya Kikristo Tanzania (CCT) na Kanisa la Pentekoste Tanzania (CPCT).
 
Pia, Taasisi za Kiislamu nchini zimetoa matamko mbalimbali ya kuwataka waumini kutoshiriki kura ya maoni kutokana na serikali kutopeleka bungeni Muswada wa Mahakama ya Kadhi.
 
Kwa sasa Tanzania ina vyama vya siasa 22 vyenye usajili wa kudumu na kimoja chenye usajili wa muda huku chama tawala ni CCM na vyama vikuu vya upinzani ni Chadema, CUF na NCCR- Mageuzi, ambavyo wakati wa Bunge Maalum la Katiba, waliunda Umoja wa Katiba ya Wananchi (Ukawa).
 
UGAIDI 
Waziri Chikawe alisema serikali imejizatiti kiusalama katika kupambana na vitisho vya ugaidi kwa kuweka maofisa usalama hasa nyumba za ibada, ikiwa ni pamoja na kutumia mashine za kielektroniki zenye uwezo wa kutambua watu waliobeba vitu vya kusababisha milipuko.
 
Aidha, aliwatoa hofu Watanzania kuwa ulinzi umeimarishwa, hivyo waendelee na shughuli zao za kila siku.
 
Kauli ya Waziri Chikawe inakuja huku kukiwa na taarifa zilizosambaa kwenye mitandao ya kijamii kuwa kikundi cha kigaidi cha Al Shaabab kinalenga kushambulia mikoa ya Arusha, Mbeya, Mwanza na Dar es Salaam na baadhi ya vyuo vikuu.
 
Kuhusu kukamatwa kwa raia wa Tanzania, Rashid Mberesero, kwa tuhuma za kuhusika na tukio la mashambulizi katika Chuo Kikuu cha Garissa, nchini Kenya, alisema anachojua ni kuwa amefikishwa mahakamani, lakini serikali haijapewa taarifa rasmi.
 
Chikawe alisema ugaidi ni tatizo la kidunia na kuwaomba wazazi kuwa karibu na watoto wao ili wasijiingize katika makundi au kushawishiwa kwa namna moja au nyingine kuingia katika makundi mabaya hasa kupitia mitandao ya kijamii. Aidha, akijibu maswali ya waandishi wa habari waliotaka kujua hatua zinazochukuliwa dhidi ya wageni wanaodaiwa kuingia kwa wingi nchini, alisema kila mgeni anayeingia nchini wizara hiyo ina taarifa zake na wanaoingia kinyume cha sheria hurudishwa nchini kwao.
CHANZO: NIPASHE

WAAHIDI KUCHAGUA VIONGOZI WATAKAOCHOCHEA KILIMO

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.


WAKULIMA na wafanyabiashara wa mkoani Iringa wameahidi kuchagua viongozi watakaokuja na sera itakayoleta ufumbuzi wa haraka utakaoshawishi uzalishaji wa kilimo chenye tija kitakachotoa pia fursa kwa vijana wanaomaliza vyuo vikuu kujiajiri katika sekta hiyo. 

Wakishiriki mjadala wa kilimo na mnyororo wa thamani uliofanyika juzi katika Ukumbi wa Chuo Kikuu Huria mjini Iringa, wadau hao walisema wanashindwa kuamini kama mazingira ya sasa ya kilimo na biashara yake yanategemewa na asilimia 80 ya Watanzania.
 
Mjadala huo uliohusisha pia wawakilishi wa baadhi ya vyombo vya habari wa mjini Iringa, vyama vya wataalamu na wawekezaji wa kilimo, mifugo na wafanyabiashara uliandaliwa na East Africa Business and Media Training Institute kupitia mradi wake wa Best Dialogue Radio Project.

Mwenyekiti wa mradi huo, Rosemary Mwakitwange alisema mijadala hiyo inafanywa katika Mikoa ya Mbeya, Ruvuma, Iringa, Njombe, Rukwa na Morogoro inayotekeleza Mradi wa Ukanda wa Kilimo wa Kusini mwa Tanzania (SAGGOT).
 
“Lengo ni kuamsha mjadala utakaokifanya kilimo kiwe ni kazi ya faida na ya kudumu kwa wananchi kama sera ya kilimo inayoelekeza kuwa sekta ya kilimo inatakiwa kutoa mchango mkubwa katika kutengeneza ajira kwa vijana, na hivyo kutoa matumaini mapya kwa vijana waliomaliza shule,” alisema.

Mwenyekiti wa Chemba ya Biashara, Viwanda na Kilimo (TCCIA) mkoani Iringa, Lucas Mwakabungu alisema wakulima wanajitahidi sana kuongeza tija lakini serikali imeshindwa kuboresha miundombinu itakayowahakikishia soko pamoja bei elekezi.
 

Mwakabungu alitoa mfano wa jinsi serikali inavyoshindwa kuwashirikisha wadau wake kukabiliana na tatizo la vipimo batili vya uuzaji mazao ya kilimo (lumbesa) vinavyoathiri na kunyong’onyeza nguvu kazi ya mkulima.
 
Urasimu, rushwa,gharama kubwa za pembejeo, ukosefu wa mikopo na usimamizi na ushiriki mdogo wa wataalamu wa sekta ya kilimo ni baadhi ya mambo yanayofanya biashara ya kilimo iwe ngumu na kufuta matumaini ya Watanzania wakiwemo vijana kuiona kama moja kati ya sekta muhimu zinazoweza kutoa ajira kwo,” alisema. 

Mfanyabiashara wa bidhaa za kilimo, Enock Ndondole alikosoa utaratibu wa serikali wa kuanzisha mambo mengi ya kuikuza sekta ya kilimo; mambo yanayoendelea kushindwa kumuinua mkulima wa kawaida.
 
Mwanafunzi wa Chuo Kikuu cha Iringa (IUCo), Jackson Michael alisema shughuli ya kilimo haiwavutii vijana walio wengi kwa sababu ya changamoto zake na akawasihi vijana wenzake kushiriki Uchaguzi Mkuu wa mwaka huu kwa kuwachagua viongozi watakonesha dhamira ya dhati ya kuikomboa sekta hiyo ili itoe ajira kubwa kwa Watanzania.
 
“Tunaambiwa asilimia 80 ya Watanzania wanategemea kilimo, kuna maswali ya kujiuliza kama kweli Watanzania hao wanalima au wanataka kulima na kama wanalima wanafanya hivyo ili iwe nini?...Maana tunashuhudia baadhi yao wanapewa pembejeo bure na badala ya kuzitumia mashambani mwao wanauza,” alisema.
Chanzo:Majira

TAHARIRI: TCRA IZIMULIKE BLOGS ‘UCHWARA’ NA KUZICHUKULIA HATUA KALI‏

11039142_10200327749914253_7953568182828634952_n
"Screen shot" ikionyesha moja ya habari zilizorushwa kwenye moja ya blog uchwara kuhusiana na taarifa za uzushi wa kifo cha mchungaji Gwajima.
…Ni zile zinazoandika habari za uongo, matusi
Na Andrew Chale wa Modewji blog
Miongoni mwa mambo ambayo Tanzania tunapitia kwa sasa ni pamoja na teknolojia mbalimbali ikiwemo mawasiliano ya simu, intaneti vyombo vya habari na mengine mengi, Lakini mawasiliano hayo kwa sasa ikiwemo Intaneti wapo wanayoyatumia vibaya.
Kupitia BLOG, mtandao ambao mtu anaweza kutengeneza chombo chake cha kutolea taarifa ama kufanyaia jambo lolote lile liwafikie wengi kwa mema, lakini kwa sasa hilo halipo kwani licha ya kuwa kila mtu anaweza kuanzisha blog imetoa mwanya kwa wengine kuzitumia blog hizo kinyume na matarajio.
Miongoni mwa mambo hayo ni pamoja na BLOG nyingi ambazo asilimia kubwa mtu yoyote anaweza kuanzisha tena bure kama ilivyo akaunti yako ya Email, watu wanaoziendesha BLOG hizo wamekuwa wakiongoza kwa kuweka habari za uongo, upotoshaji, habari zinazoenda kinyume na maadili, pamoja na habari ambazosi za kweli.
Tunaamini wapo watu wanaofanya shughuli hizi za BLOG, ambao ni Ma-blogger wazuri tu licha ya kuwa si wanahabari, lakini kwenye blog zao wana weka ‘POST’ habari nzuri na zinazoendana na maadili pia wamekuwa wakitoa habari za kuelimisha jamii, kuifunza jamii na wanapata wasomaji wanaotembelea wengi sana kiasi cha hata kupewa matangazo na baadhi ya Makampuni binafsi ya kibiashara, Serikali na watu wengine, lakini shida ni kwenye hizi ‘Blog uchwara’ ambazo kila kukicha wao kazi yao kukopi na ku-paste habari za kwenye magazeti na kuzipa ‘kiki’ kwenye blog zao wengine habari hizo hizo za kwenye magazeti wao kazi yao kubadilisha kichwa cha ‘habari tu ilimradi apate wasomaji wengi? Jamani kweli hii ni haki?, tena kichwa hicho cha habari hakiendani na maadili ya Mtanzania ama kinakiuka maadili hii si sawa, TCRA, muamke na kuchukua hatua kali.
1
Mkurugenzi Mkuu wa Mamlaka ya Mawasiliano Tanzania (TCRA) Profesa John Nkoma.
Tunaamini Mamlaka yaa Mawasiliano Tanzania (Tanzania Communications Regulatory Authority (TCRA), ( https://www.tcra.go.tz/) mpo na mnafuatilia lakini sijui kama mnaliona hili ni tatizo ama si tatizo.
Tukumbuke huko nyuma kulikuwa na mitandao kama hii tena ya watanzania ambao waliifungua ambapo walianza kuweka picha za kawaida na baadae ikawa inabadilika kuwa wanaweka picha za utupu… wakaachiwa hivi hivi baadae wakawa wanaweka picha za viongozi wakiwemo viongozi wakuu wa Nchi mwisho wa siku Mamlaka husika wakaja kukumbuka shuka wakati mambo yamekua si mambo.
Hivyo ni wakati sasa kwa TCRA, kuchukua hatua blog zote zinazoendana kinyume na maadili ikiwemo kupotosha, kuweka pichaa za ngono na kugombanisha watu basi zichukuliwe hatua.
Mtandao huu unaamini kuwa na unaungana na wadau wote wanaendelea kutoa maoni yao juu ya kuzitaka blog hizi zichukuliwe hatua. Kwani mpaka tunaandika habari hii ni pamoja na baada ya Mdau Yusuph Mhoja kuchukizwa na moja ya habari kwenye miongoni mwa blog hapa nchini. (Tazama picha), ambapo Mdau huyo aliuliza: “Hivi huyu mwandishi anajua kiswahili kweli? Yuko mochwari kwani amefariki huyo?” wakati anajiuliza hayo, hii ni kuwa inawatokea watu wengi sana wanaapokutana na habari kwenye hizo blog uchwara.
Wadau waliochangia mada ya Mhoja: Pendi Mahundi yeye alieleza hivi: “hahaha.... hili ndiyo tatizo kubwa la kila mtu mwenye kisimu cha TECNO bongo kujifanya blogger and a self-appointed journalist... UJINGA mtupu, huwa naziona habari kwenye viblogu mpaka kichefu chefu... full of attention-seeking sensationalism... utakuta heading: HATARI, Vilio na majonzi, Breaking news, Unbelievable..kisa tu kutaka watu wazisome blog zao.” Alieleza Mahundi.
Hata hivyo wachangiaji wengine waliomba serikali kupitisha mswada wa habari na sheria ya ICT ili kukomesha wandishi wa viblog uchwara.
IMG-20150310-WA0045
Modewji blog tunaamini pia Mtandao wa wanabloga Tanzania (Tanzania Blogger Network-TBN) wapo kwani kuna misemo mingi ya zamani inayosemwa, ikiwemo ule wa SAMAKI MMOJA AKIOZA…? Jibu watatupatiaa TBN ama kama si lao basi bomu likilipuka tusimtafute mchawi huko mbeleni.
Hata hivyo, mtandao huu wa Mo dewji blog tunaungana na TCRA na kusema kuwa: “ #Ukipata ujumbe wa chuki, matusi au uongo, FUTA DELETE KABISA!.
Tuandikie maoni yako kupitia kwenye mtandao huu hapo chini ama kupitia simu 0719076376 au 0714940992.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

DOLA ZA MAREKANI MILIONI 132 KUTUMIKA MRADI MKUBWA WA UMEME WA UPEPO WA MEGAWATI 50 SINGIDA. KUTOA AJIRA 2,200



 

Mwenyekiti wa Kamati  ya Kudumu ya Bunge ya  Nishati na Madini, Richard Ndassa akitoa maagizo kwa Wakandarasi, Wataalamu kutoka Shirika la Umeme Nchini (Tanesco), Wizara ya Nishati na Madini na viongozi mbalimbali kwenye majumuisho  ya ziara ya kamati hiyo, baada ya kufanya ukaguzi wa miradi ya umeme mkoani Singida pamoja na kuzungumza na wananchi.
Mwenyekiti wa Kamati  ya Kudumu ya Bunge ya  Nishati na Madini, Richard Ndassa (katikati) akisisitiza  jambo  katika eneo la mradi wa kuzalisha umeme kwa njia ya  upepo lililopo Kisesile wilayani Singida Mjini  mara kamati hiyo  ilipotembelea mradi huo ili kujionea maendeleo yake pamoja na kuzungumza na watendaji wa eneo hilo.



Na Greyson Mwase, Singida.

Mkuu wa Kitengo cha Miundombinu  na  Nishati  kutoka Shirika la Maendeleo la Taifa (NDC)  Pascal Malesa  amesema kuwa serikali inatarajia kutumia   Dola za Marekani  Milioni 132 kwa ajili ya kukamilisha mradi wa kuzalisha umeme wa upepo wenye uwezo  wa Megawati 50 ifikapo  mapema mwaka 2016.

Malesa aliyasema hayo mbele ya Kamati ya  Kudumu ya Bunge  ya Nishati na Madini  iliyofanya ziara ya kutembelea mradi wa kuzalisha  umeme kwa njia ya upepo unaojengwa  katika eneo la  Kisesile  nje kidogo ya  Singida  Mjini. Kamati ya Bunge ya Nishati na Madini  ipo mkoani  Singida kwa ajili ya kukagua miradi ya umeme ili kujionea maendeleo yake pamoja na kuzungumza na wananchi.

Alisema mradi huo  unatekelezwa kwa ubia kati ya  Shirika la Maendeleo la Taifa (NDC) lenye asilimia 60, Shirika la Umeme Nchini (Tanesco) lenye  asilimia 20 na kampuni ya  Power Pool  East  Africa Limited yenye asilimia 20 chini ya kampuni ya ubia iitwayo  Geo  Wind Power  Tanzania  Limited  (Geo Wind)  iliyoundwa mwaka 2011.

Malesa alieleza kuwa gharama hizo zinahusisha utekelezaji wa mradi huo  awamu ya kwanza kwa ajili ya kuzalisha megawati 50 ambayo itahusisha ujenzi  wa msongo wa umeme  wa kilovolti 220 umbali wa kilomita 12 na kuunganisha kwenye gridi ya  taifa.

Alisema  fedha hizo ni  mkopo kutoka  Benki ya  Exim  ya  China na  kuongeza  kuwa kwa  sasa Shirika la Maendeleo la Taifa (NDC) linafuatilia mkopo  huu chini  ya udhamini wa Serikali  kupitia  Wizara ya  Fedha  baada ya kukamilisha  vigezo vyote  vya mradi vilivyotolewa na benki hiyo kwa ajili ya kupata mkopo  wa masharti nafuu na kuviwasilisha benki ya Exim ya  Serikali ya watu wa  China.


Alieleza kuwa baada ya  Serikali ya Tanzania kupitia Wizara ya   Fedha kuwasilisha maombi  ya mkopo kwenye Benki ya Exim  ya China mwaka 2013, ujumbe wa kwanza kutoka  benki hiyo  uliwasili Tanzania mapema Machi 2014 na kufanya uhakiki wa awali wa mradi.

Alisema pamoja na uhakiki wa mradi huo, ujumbe  huo ulifanya mazungumzo  na Wizara ya  Fedha na wanahisa wa mradi na kuongeza kuwa ujumbe wa pili  kutoka Benki ya Exim  ulifika Tanzania mapema Mei, 2014 na kufanya  uhakiki wa kina wa mradi ikiwa ni pamoja na kutembelea eneo la mradi mkoani Singida  na kufanya mazungumzo na uongozi wa mkoa wa Singida.

Akielezea hatua iliyofikiwa kuhusu mkopo, Malesa aliieleza kamati kuwa baada ya Serikali kupitia NDC kutimiza masharti  yote  ya mkopo  na  Benki ya  Exim  kutoka China  kufanya uhakiki wa mradi,  benki hiyo iliridhia  kutolewa kwa mkopo wenye masharti nafuu tangu mwezi  Septemba mwaka jana  kwa ajili ya ujenzi wa mradi huu.

Aliongeza kuwa hivi sasa Serikali kupitia  Wizara ya  Fedha iko katika majadiliano ya masharti ya mkopo na kusisitiza kuwa NDC inafuatilia majadiliano hayo  ili kuhakikisha kuwa yanasainiwa mapema ili kuanza ujenzi mara moja  ili kuendana na  Mpango wa Matokeo Makubwa  Sasa (BRN) ambao umeeleza wazi  kuhusu lengo la  serikali  kutekeleza na kukamilika kwa mradi huu mwaka 2016.

Akielezea matarajio ya mradi huo Malesa alisema mara baada ya kukamilika kwa mradi huo, mradi utaimarisha  uwezo wa Gridi ya Taifa hasa wakati  wa kiangazi kwa kuzalisha  umeme wa  uhakika na hivyo kusaidia uhifadhi  bora wa maji katika bwawa la Mtera na hivyo kupunguza makali ya mgawo  wa umeme nchini.

“ Mradi utalipunguzia Taifa mzigo wa kutumia  fedha za kigeni  kuagiza mafuta  ya dizeli yanayotumika kwenye mitambo ya kufua umeme wa dharura”, alisema Malesa
Malesa aliongeza kuwa vilevile  mradi utajenga uwezo wa kitaalam  kwa watanzania  kupitia progamu za kubadilishana uzoefu pamoja na ujuzi na kuongeza uhifadhi wa mazingira.

Alisema mradi utaingiza Dola za Marekani  milioni 23.2 kwa mwaka kutokana  na mauzo ya umeme na kutoa ajira zipatazo 2,200 na kusisitiza kuwa mradi utalipa kodi mbalimbali serikalini  ikiwa ni pamoja na  Kodi ya Ongezeko la Pato (VAT) na nyinginezo.

Akielezea changamoto za mradi  Malesa alisema ni pamoja na kuchelewa kwa upatikanaji wa mkopo kwa masharti nafuu  kutoka Benki ya Exim ili kugharamia ujenzi wa mradi na kuongeza kuwa  hali hiyo inatokana na Benki ya Exim kubadilisha  sera za riba nafuu kutoka asilimia  moja hadi mbili na muda wa mkopo kupungua kutoka miaka 25 hadi 20 huku  Wizara ya  Fedha  ikipendelea riba kuwa asilimia moja kama ilivyokuwa awali.

Akielezea mikakati ya kukabiliana na changamoto hiyo Malesa alisema kuwa NDC ikishirikiana na wanahisa wenzake, inafuatilia kwa karibu  sana upatikanaji wa mkopo  kutoka Benki ya  Exim mapema iwezekanavyo hasa ikizingatiwa kuwa mradi huu unatekelezeka kwa faida kwa kuzingatia masharti mapya  ya Benki ya Exim.

Akielezea suala la  fidia kwa wananchi waliopisha mradi huo  Malesa alisema kuwa jumla ya shilingi milioni 418 zililipwa kama  fidia kwa wakazi waliopisha mradi huo katika awamu  mbili tofauti.

Akielezea chagamoto wakati wa ulipaji wa fidia, Mkuu wa wilaya  ya  Singida Mjini anayehamishiwa katika wilaya ya Urambo Queen Mlozi, alisema  wapo wakazi sita wasiokuwa waaminifu walilipwa zaidi ya mara moja huku baadhi yao wakilipwa bila kuwa na  maeneo.

Mlozi alisema suala la watuhumiwa hao ofisi yake imeshalikabidhi katika Ofisi ya Taasisi  ya Kuzuia  na Kupambana na  Rushwa (Takukuru) kwa hatua zaidi. Wakati huohuo  akizungumza kwa niaba ya Kamati ya  Kudumu ya  Bunge ya Nishati na Madini, Mwenyekiti wa kamati hiyo  Richard Ndassa aliitaka serikali kuharakisha mchakato wa mkopo kutoka  Benki ya  Exim ili mradi huo  uanze mara moja na mkoa wa Singida uanze kunufaika na mradi huo.

Ndasa alisema  kuwa mbali na uwezo wa kuzalisha megawati 50, mradi huo una uwezo wa kuongeza hadi megati 300 kiasi ambacho ni kikubwa kwenye  Gridi ya Taifa.

Alisema mbali na  kupunguza tatizo la mgawo wa umeme,  mradi huo pia utapelekea punguzo la bei ya umeme kutoka  shilingi za kitanzania senti 30 ya awali hadi senti 13 na hivyo kuchangia kwenye  ukuaji wa uchumi wa nchi.
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

TONE NA KILIMO: UFAHAMU UYOGA WA ASILI KUTOKA TANZANIA NA FAIDA ZAKE.




Uyoga ni zao la viumbe hai viitwavyo kuvu (fungi). Tanzania inao utajiri mkubwa wa uyoga wa asili. Uyoga wetu wa asili hupatikana wakati wa msimu wa mvua tu. Hili ni tatizo kubwa kwa vile wananchi walio wengi hupenda kula uyoga wakati wote.

Kwa sababu ya upatikanaji wa uyoga kwa msimu, na kwa vile aina nyingine za uyoga wa kienyeji zina sumu, tumefanya jitihada za kuanzisha kilimo cha uyoga ili kukidhi mahitaji ya wananchi kwa mwaka mzima. Pamoja na kutoa lishe bora kwa watu, uyoga pia unaweza kuzalishwa kama zao la biashara.

UMUHIMU WA ZAO LA UYOGA.

Uyoga kama chakula una viinilishe vingi vilivyo muhimu kwa afya ya binadamu. Uyoga una protini kati ya 3-4. Pia una vitamini B, C, D na K. Uyoga pia una madini yanayohitajika katika mwili wa binadamu.

Uyoga ukitumika kama sehemu ya chakula cha familia mara kwa mara hutibu au kuzuia magonjwa kama vile saratani, vidonda vya tumbo, shinikizo la damu pia huongeza kinga ya mwili.

Kilimo cha uyoga huchangia pato la kaya na hutoa ajira. Kilimo hiki ni kizuri kwa wazee, akina mama na vijana kwa vile hakihitaji mtaji mkubwa kuanzisha na mavuno hupatikana baada ya muda mfupi. Aidha kilimo hiki hakihitaji eneo kubwa kama mawazo mengine kwani uyoga huoteshwa ndani ya banda.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

MWENYEKITI WA KIJIJI CHA PUMA WILAYA YA IKUNGI SINGIDA ANUSUSRIKA KUPIGWA,ASINDIKIZWA NA POLISI

 
 Wananchi wa kijiji cha Puma katika wilaya ya ikungi mkoani Singida wame mkataa mwenyekiti  wa kijiji hicho katika mkutano wake wa kwanza na kusababisha diwani wa kata hiyo  kwa kushirikiana na jeshi la polisi kuingilia kati na kufunga mkutano kabla ya wakati ili kumnusuru asipigwe na wananchi.
Wananchi hao waliokuwa na hasira wamesema hakuna sababu ya kuwa na mwenyekiti ambaye wananchi hawamkubali kwa sababu katika uchaguzi uliopita kulikuwa na udanganyifu katika upigaji kura,kutokana na hali hiyo wamesema ni bora kuachana na vyama vya siasa wachague mwenye kiti wa kimila ili kukisaidia kijiji cha puma kupata maendeleo.
Baada ya vurugu  kuongezeka diwani wa kata hiyo kwa tiketi ya CCM,Bwana ramadhani kulungu ilibidi kufunga kikao hicho ili kuweza kumnusuru mwenyekiti wa kijiji cha puma na kuwatuliza wananchi ilikusitokee uvunjifu wa amani.
Mwenyekiti wa kijiji cha puma  kwa tiketi ya CCM ,Bwana Sifa Joramu awali ambaye alishindwa kabisa kuendesha kikao chake ,baada ya jeshi la polisi kuingilia kati na kuamua kumsindikiza kwa ulinzi mkali huku wananchi waki mzomea na kusema hawamtaki,amesema hizo ni fujo za vyama vya upinzani lakini yeye  atahakikisha kazi anafanya kwa sababu yeye ndiye aliyeshinda na kuapishwa kwa kazi ya uwenyekiti wa kijiji cha puma. 
Kundi la watu waliamua kumfuata na kumbeba  juu kisha kumzungusha mitaani Bwana Hassan Chaimbo aliye gombea kwa tiketi ya CHADEMA na kushindwa kwa kupata kura mianne arobaini na nne dhidi ya  Bwana Sifa  Joramu alishinda uwenyekiti wa kijiji cha puma kwa tiketi ya CCM katika uchaguzi uliofanyika mwishoni  mwaka jana na kupata kura mianne hamsini na saba.
 Chanzo:ITV Tanzania
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 
KUELEKEA UCHAGUZI 2015: JE UNAPENDA NANI AWE KIONGOZI WAKO? JAZA FOMU HII FUPI HAPA

TRA YAAGIZWA KUHARAKISHA UKAGUZI WA SUKARI NCHINI

 
Mwenyekiti wa PAC, Zitto Kabwe
 
Kamati ya kudumu ya Bunge ya Hesabu za Serikali (PAC), imeiagiza Mamlaka ya Mapato Tanzania (TRA), kuharakisha agizo la ukaguzi wa sekta ndogo ya sukari ili kupata ufumbuzi wa haraka.
 
Mwenyekiti wa PAC, Zitto Kabwe, akitoa maamuzi mara baada ya kuhojiana na TRA, alisema uingizwaji holela wa sukari una hatari kwa ukuaji wa viwanda vya ndani.
 
“Tunataka taarifa ili tuweze kuwa na mikakati endelevu ya kuzuia sukari ya magendo, unasababaisha sukari inayozalishwa na viwanda vyetu na miwa ya wakulima ina kosa soko,” alibainisha.
 
Hivi karibuni, Naibu Waziri wa Viwanda na Biashara, Janeth Mbene, alipotembelea kiwanda cha sukari cha TPC mkoani Kilimanjaro, alielezwa jinsi sukari ya nje iliyojaa sokoni na wao kukosa pa kuiuza.
 
Alisema watakutana na Wizara zinazohusika kujadili na kuanza operesheni maalum kwenye maduka mbalimbali na kukamatwa sukari ya nje na ya viwandani inayouzwa kwa wananchi kwa bei ndogo.
 
CHANZO: NIPASHE
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

TAMISEMI YAZUNGUMZIA VURUGU UCHAGUZI WA MITAA

Mkurugenzi wa Uchaguzi katika Wizara ya Tawala za Mikoa na Serikali za Mitaa (Tamisemi), Khalist Luanda.
Imeelezwa kuwa uwazi katika uchaguzi wa Serikali za mitaa, ndiyo kiini cha vurugu zinazotokea wakati wa kuapisha viongozi waliochaguliwa kwenye maeneo mbalimbali nchini.

Kauli hiyo ilitolewa na Mkurugenzi wa Uchaguzi katika Wizara ya Tawala za Mikoa na Serikali za Mitaa (Tamisemi), Khalist Luanda, wakati akizungumza na NIPASHE kuhusu vurugu zilizojitokeza wakati wa uchaguzi wa serikali za mitaa Desemba, mwaka jana.

“Mfumo wa sasa katika chaguzi unawezesha mtu kujumlisha kura za kila kituo na kufahamu nani ameshinda, kwahiyo ni vigumu kufanya hujuma,”
alieleza Luanda.

Luanda aliagiza maofisa watendaji wote wanaobainika kuwa wazembe au wenye udhaifu wa aina yoyote, inayosababisha vurugu kiasi cha kuahirisha au kusimamisha shughuli za kuapisha viongozi hao, achukuliwe hatua kama mhalifu yeyote wa jinai, kama kanuni za uchaguzi zinavyoelekeza.

Alisema hali hiyo inatakiwa kuwa fundisho kwa wote watakaohusika kwenye zoezi la kupiga kura ya maoni, kuidhinisha au kubatilisha.

Katiba inayopendekezwa na kwenye uchaguzi mkuu wa viongozi, unaotarajiwa kufanyika Oktoba, mwaka huu.

Hata hivyo, Luanda alifananisha wanaofanya vurugu hizo na ‘Panya Road’ (mtandao wa wahuni), akisema Tanzania hakuna mfumo wa kisheria unaoelekeza mtu akidhulumiwa haki yake kufanya fujo.

Alihusisha wanaofanya vurugu hizo na waliokuwa wakifanya vurugu kwenye vituo vya uchaguzi, kwamba baada ya kushindwa wameweka mikakati ya kuvuruga shughuli za kuwaapisha waliowashinda.

Alipoulizwa matukio ambayo wananchi walibana maafisa watendaji wakidaiwa kuchakachua matokeo na kutangaza waliokuwa wagombea wa CCM kuwa washindi badala ya washindi halisi, alisema hakuna kitu kama hicho.

Luanda aliombwa kuzungumzia tukio la Kijiji cha Nduoni, Kirua Vunjo Magharibi,  Kilimanjaro ambako mgombea wa NCCR-Mageuzi alishinda lakini Afisa Mtendaji akatangaza kuwa mshindi ni mgombea wa CCM.

Baada ya wananchi kumbana, mtendaji huyo alibatilisha tangazo hilo na kurejesha ushindi kwa mgombea wa NCCR-Mageuzi baada ya wananchi
kumbana, akatangaza matokeo yaliyompa ushindi mgombea wa NCCR-Mageuzi.

Alisema hakuwa na taarifa ya tukio hilo na kama hivyo ndivyo, basi matatizo mengine yanatokana na udhaifu wa watendaji husika na kwamba hapo kinachohitajika ni wahusika kushughulikiwa kwa mujibu wa kanuni.

“Mtendaji anapokuwa na udhaifu binafsi, siyo sawa kuhusisha kasoro anazosababisha na serikali au chama chochote bali Msimamizi wa Uchaguzi, ambaye ni Mkurugenzi wa eneo husika anatakiwa kutumia kanuni za uchaguzi kumshughulikia,” alieleza Luanda.

Katika tukio la Vunjo, wananchi walijikusanya wakiwa na mabango yaliyoeleza masikitiko yao juu ya kuapishwa Joseph Msaki (CCM) aliyepata kura 158 kama Mwenyekiti wa kijiji ilhali Thomas Ngowi (NCCR-Mageuzi) aliyepata kura 163 akiachwa bila kuapishwa.

Wananchi hao walifikia uamuzi wa kufunga ofisi za Serikali ya Kijiji hicho, wakikataa kuongozwa na mwenyekiti asiye chaguo lao hali
iliyosababisha Afisa Mtendaji wa Kirua Vunjo Magharibi, Reginald Mlay,kumtangaza Thomas kuwa ndiye mwenyekiti halali.
CHANZO: NIPASHE
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

ANANITUKANA KISA NIMEMKATAA KIMAPENZI

 Shikamoo shangazi mkubwa. Mimi ni msichana mwenye miaka 26. Kuna kijana mmoja hapa mtaani kwetu alikuwa akinifuatilia kwa muda mrefu sana. Anataka niwe naye kimapenzi. Baada ya kuchekecha niliona siyo wa aina yangu hivyo nikamtosa. Kitendo cha kumkataa imekuwa shida sasa. Mana kila ninapokutana naye ananitukana. Nifanyeje?
Ramla,
Dar es Salaam.
Muonye kuhusiana na tabia yake hiyo. Kama bado anaendelea nenda katoe taarifa polisi maana ni makosa kisheria kumtukana mtu.
Nampenda lakini naogopa kumwambia
Pole na majukumu shangazi mkubwa. Nimetokea kumpenda msichana mmoja. Kila ninapomuona nahisi anafaa kuwa mama wa watoto wangu. Tatizo ni kwamba naogopa kumwambia kwani nahisi kuwa hatanikubali. Nifanyeje shangazi?
Juma,
Dar es Salaam.
Usihofu kukataliwa unapotaka kuomba kaka, maana yote ni majibu sahihi. La msingi ni kumwambia ili kujua msimamo wake.
Anataka tuzae kwanza ndipo anioe
Shangazi mimi ni msichana mwenye umri wa miaka 26. Nimemaliza chuo na nimebahatika kupata kazi kwenye kampuni moja hapa mjini. Tatizo ni kwamba, kuna mvulana nimempata ninahisi ananipenda sana. Lakini kila tunapoongea suala la ndoa anadai kuwa ni vyema nizae kwanza ndipo anioe. Ni sahihi shangazi?
Jane,
Mbeya.
Wala si sahihi Jane. Hiyo si mboga kusema hawezi kula hadi aonje kwanza. Kuwa na msimamo, wambie hakuna kuzaa hadi ipite ndoa kwanza.
Nyumba ndogo yangu inataka ndoa
Shangazi mimi ni mwanaume mwenye mke na watoto wawili. Tatizo langu ni kwamba nimekuwa na mwanamke nje ya ndoa yangu kwa miaka sita sasa. Mwanamke huyo amekuwa akinishawishi nimuoe. Lakini kimsingi dini yangu hairuhusu. Nifanyeje?
Japhet,
Dar es Salaam.
Wala sina ushauri juu ya hilo. Mana kwa kuwa unafahamu kama dini yako hairuhusu sasa unanitaka la rohoni au?
Mke wangu amenitelekeza na watoto
Pole na majukumu shangazi mkubwa. Mimi ni baba wa watoto watatu. Nimekuwa kwenye ndoa kwa muda wa miaka kumi sasa. Hivi karibuni mke wangu alinikimbia, mbaya zaidi amebeba hadi nguo zake na vitu vyake muhimu nifanyeje?
Baba George,
Dar es Salaam.
Kwanza katoe taarifa katika kituo cha polisi. Pili wafahamishe ndugu zake. Ukimaliza hakikisha watoto wako wanakuwa katika mikono salama. Hilo likiwa sawa endelea na maisha yako maana inaonekana alidhamiria na anajua anachokifanya. Kitendo cha kumfuatilia kitakupotezea muda.
Nasumbuliwa na wapenzi wangu wa zamani
Hujambo shangazi mkubwa? Mimi ni mwanaume mwenye umri wa miaka 30. Baada ya kuzunguka katika mambo yetu yale kwa muda mrefu, nimepata yule anayenifaa na nimeshafunga naye ndoa. Tatizo ni kwamba, wale wapenzi niliokuwa nao zamani wamekuwa wakinisumbua kwa meseji kwenye simu na wakati mwingine wanadiriki hata kumtukana mke wangu. Nifanyeje ili waachane na maisha yangu. Kimsingi naona wanaweza kuniharibia.
James,
Tanga.
Kwanza tafuta muda uongee na mkeo. Hakikisha humfichi kitu juu ya maisha yako yaliyopita. Akishakuelewa utakuwa ushaweka uzio. Hakuna atakayeweza kubomoa ndoa yenu. Ukimaliza waweke wazi kuwa hakuna kitakachoendelea baina yenu kwani tayari wewe ni mume wa mtu. Hapo heshima itachukua mkondo wake.
Rafiki yake anadai ni kahaba
Shangazi rafiki wa mpenzi wangu amenitumia ujumbe akidai kuwa mpenzi wangu huyo ni kahaba. Inawezekana kuna ukweli au hapendi tu mimi kuwa naye. Nishauri shangazi
Alphonce
Dar
Usikurupuke katika maamuzi. Jitahidi kulifanyia kazi, nina hakika jibu lake halipo mbali.
 Chanzo:Mwananchi
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
 
Supported by Tone Multimedia Company Limited
Copyright © 2011. Singida Yetu - All Rights Reserved
Designed by Fredy Tony Njeje
Proudly powered by Blogz za Mikoa