Singida yazindua huduma tembezi za madaktari bingwa

 
Mkuu wa Mkoa wa Singida Mhandisi Mathew J. Mtigumwe amezindua huduma tembezi za madaktari bingwa humo na kuwasihi wananchi kujitokeza kwa wingi kupata huduma hizo za kibingwa.

Huduma zilizozinduliwa Wilayani Iramba katika hospitali ya Kiomboi zitahusisha huduma za za upasuaji, meno, macho, upasuaji wa mifupa, huduma za kibingwa za magonjwa ya watoto, wanawake na huduma za mionzi.

Mhandisi Mtigumwe amesema matarajio ya mkoa huo ni kuwa huduma tembezi za kibingwa zitasaidia kutambua na kutibu magonjwa mbalimbali kabla hayajafikia hatua ya usugu na kupunguza gharama za rufaa za wagonjwa kwenda nje ya mkoa.

“Huduma tembezi za kibingwa zitawasaidia wananchi kutambua uwepo wa huduma za kibingwa katika mkoa wa singida na kupata matibabu kwa gharama nafuu” alisema Mhandisi Mtigumwe.

Naye Mganga Mkuu wa Mkoa Dkt. John Mwombeki akisoma taarifa ya hali ya afya Mkoa wa Singida amesema wazo la kuanzisha huduma tembezi za kibingwa limetokana na idadi kubwa ya operesheni zilizofanyika kwa mwaka 2015/2016 na pia mkutano wa wadau wa afya mkoani hapa kuafiki wazo la kuanzisha huduma hiyo.

"Kwa kipindi cha mwaka 2015/2016  jumla ya operesheni kubwa na ndogo 4,836 zimefanyika katika hospitali mbalimbali mkoani hapa, aidha Idara ya macho katika hospitali ya Mkoa imefanya jumla ya operesheni kubwa na ndogo 2,020" ameongeza Dkt. Mwombeki.

Dkt. Mwombeki amesema uwepo wa madaktari bingwa 11 mkoani Singida pia umekuwa chachu ya utekelezaji wa huduma hiyo huku Mkoa ukifanya jitihada za kuazima madaktari wengine katika mikoa jirani ya Dodoma na Manyara.

Baadhi ya wagonjwa waliohudhuria katika siku ya kwanza ya zoezi hilo huku huduma hiyo ikitarajiwa kufanyika kwa muda wa siku tano wilayani hapo wameeleza shauku na furaha yao ya kusogezewa huduma za kibingwa katika halmashauri zao.

"Nilikuwa naumwa jino ambalo limeota vibaya, niliambiwa nitaweza kufanyiwa operesheni katika hospitali kubwa kama Muhimbili lakini hawa madaktari wametusaidia , nimepata huduma haraka na kwa gharama nafuu, nawasihi wenzangu waje kwa wingi" amesema Bi Neema Josseph Mkazi wa Kijiji cha Kizaga Wilayani Iramba.

 Naye Mzazi wa mtoto Jonas Masaka amesema huduma za kibingwa zitamsaidia mtoto wake mwenye matatizo ya macho na hiyo kumpunguzia gharama ya kumpeleke katika hospitali kubwa kutibu tatizo la macho linalomsababisha mtoto huyo kushindwa kusoma vizuri.

Huduma  ya tembezi za kibingwa Mkoani Singida zitafanyika katika Wilaya zote tano za Mkoa nwa Singida na hvyo kupunguza wagonjwa wa rufaa watakaopelekwa hospitali za Bugando, KCMC na Muhimbili.

DC MTATURU AKEMEA SIASA TAKA ZINAZOCHANGIA KURUDISHA NYUMA MAENDELEO YA WANANCHI

Mkuu wa Wilaya ya Ikungi Miraji Jumanne Mtaturu akizungumza na watumishi wa Hospitali ya
Malkia wa Ulimwengu iliyopo Kijiji na Kata ya Puma
Dc Mtaturu akizungumza na viongozi wa ngazi ya juu katika Hospitali Teule ya Wilaya ya ikungi Makiungu mara baada ya kuwasili katika Hospitali hiyo
Mkuu wa Wilaya ya Ikungi Miraji Jumanne Mtaturu akikagua jengo jipya linalojengwa kwa ajili ya wodi na baadhi ya Ofisi za Hospitali ya Malkia wa ulimwengu
Mkuu wa Wilaya ya Ikungi Miraji Jumanne Mtaturu akiwa katika picha ya pamoja na viongozi wa  Hospitali ya Malkia wa ulimwengu, Na baadhi ya wajumbe wa kamati ya ulinzi na usalama Wilaya

DC MTATURU AMALIZA MGOGORO KATI YA MWEKEZAJI NA WANANCHI


Mkuu wa Wilaya ya Ikungi Miraji Jumanne Mtaturu akizungumza na wananchi wa kijiji cha Mang’onyi wakati wa kutatua mgogoro kati ya wananchi na muwekezaji Shanta Gold Mine
Wanachi Kijijini Mang’onyi wakisikiliza kwa makini maelezo ya Mkuu wao wa Wilaya
Baadhi ya viongozi wakisikiliza maelezo ya awali katika ufunguzi wa mkutano huo uliodumukwa zaidi ya masaa matatu
Dc Mtaturu akikemea tabia ya wanasiasa kutoa matamko ya kisiasa kwa maslahi yao binafsi huku wakiwa mbali na eneo la wawakilishi wao

DC MTATURU: SERIKALI IPO TAYARI KUCHUKIWA NA WAVIVU

Mkuu wa Wilaya ya Ikungi Mirajji Jumanne Mtaturu akisisitiza jambo wakati wa kufunga mafunzo ya waendesha pikipiki.
Mkurugenzi wa Taasisi inayojihusisha na kupunguza umasikini na kutunza mazingira nchini Tanzania (APEC), Respicius Timanywa akiwashukuru washiriki wote wa mafunzo hayo
Dc Mtaturu (Kushoto) akimkabidhi Mkurugenzi wa APEC Respicius Timanywa zawadi ya kuku iliyotolewa na wahitimu wa mafunzo hayo

KUMEKUWA NA MATUMIZI MABAYA YA DEMOKRASIA KATIKA WILAYA YA IKUNGI




Na Mathias Canal, Singida

Ushiriki wa wananchi katika shughuli za maendeleo kwa kutumia nguvu na akili katika kukamilisha na kumiliki miradi ya kijamii imetajwa kuwa njia mojawapo itakayowafanya wananchi kuwa na uchungu na mali pamoja na maendeleo ya katika jamii husika.

Mkuu wa Wilaya ya Ikungi Miraji Jumanne Mtaturu amesema kuwa kumekuwa na matumizi mabaya ya demokrasia katika Wilaya hiyo hususani katika shughuli za kijamii kama vile kuchangia ujenzi wa maabara jambo lililopelekea Wilaya hiyo kuwa ya mwisho katika ujenzi wa maabara kwa ajili ya shule za sekondari zilizopo katika Wilaya ya Ikungi.

WAKUU WA IDARA WILAYANI IKUNGI, MAAFISA TARAFA, WATENDAJI WA KATA, VIJIJI NA WENYEVITI WA VIJIJI WAFUNDWA

Mkuu wa Wilaya ya Ikungi Miraji Jumanne Mtaturu akiwasilisha mtazamo wa namna ambavyo anataka Wilayahiyo iwe

'Kupanda bodaboda bila helmeti ni kudhamiria kujiua'



Kutovaa helmeti kwagharimu maisha ya wapanda bodaboda Baadhi wapata ulemavu wa kupoteza kumbukumbu Polisi watangaza kiama kwa wasiovaa helmeti Na Shadrack Sagati BRUNO Sigala (24) amelazwa katika Taasisi ya Mifupa ya Muhimbili (MOI) kwa miezi mitatu tangu alipoanguka na bodaboda mkoani Singida.
Katika ajali hiyo alivunjika mikono yote, mguu moja na alitikisika ubongo na sasa hana kumbukumbu. Ingawaje huu ni mwaka 2016. Lakini Sigala kwa kukosa kumbukumbu, anasema ni mwaka 2018.
Hali kadhalika, wakati amelazwa wodini hapo kwa takribani miezi mitatu hadi sasa, yeye anadai kwamba ana miaka mitano tangu afikishwe katika wodi hiyo ya wagonjwa wa mivunjiko! Wauguzi wanaomhudumia wanaeleza kuwa Sigala anasubiri kufanyiwa upasuaji wa mikono na mguu baada ya kuhamishwa kutoka katika wodi inayoshughulika na majeraha ya kichwa.
"Alipoanguka na bodaboda aliumia vibaya kichwani, migugu pamoja na mikono. Alipofikishwa hapa madaktari waliangalia kipaumbele kwanza ni ubongo, baada ya kupata ahueni katika majeraha yake ya kichwa ndipo alipohamishiwa katika wodi hii ili aendelee na matibabu ya miguu na mikono," anasema Ofisa Uhusiano wa MOI, Patrick Mvungi.
Bruno Sigala ni kielelezo cha waendesha pikipiki maarufu kama bodaboda ambao wanaanguka na kuumia vibaya kichwani kutokana na kutovaa kofia ngumu ya kinga yaani helmeti kwa kimombo.
Kijana huyo alikuwa anafanya biashara ya kubeba abiria kwa pikipiki na aligongwa na gari katika ajali iliyomfikisha Muhimbili. Katika ajali hiyo, Sigala aliumia kichwani, akajing’ata ulimi na kuvunjika mikono yote na mguu mmoja. Akijieleza kwa kubabaisha anakiri kuwa hakuwa amevaa kofia wakati anaendesha pikipiki.
"Sikuwa najua umuhimu wa kofia hiyo, kwani mafunzo yenyewe ya kuendesha nilijifunzia tu mitaani, nikaanza biashara ya kubeba abiria."
Kofia ngumu zimetengenezwa kwa lengo la kumlinda mwendesha bodaboda asiumie kichwa pale apatapo ajali. Baadhi ya kofia hizi zinatengenezwa zikiwa na sehemu ya kupitishia hewa, kufunika uso usiathirike kwa kioo maalumu ambacho hata kikivunjika hakileti madhara kwa mvaaji pamoja na kulinda masikio.
Mwendesha pikipiki yuko hatarini kupoteza maisha pale apatapo ajali kama hakuvaa kofia ngumu. Tafiti zinaonesha kuwa kofia ngumu hupunguza hatari ya mwendesha pikipiki kuumia kichwa pale apatapo ajali kwa asilimia 69 na inapunguza kifo kwa asilimia 42.
Takwimu zilizopo katika Taasisi ya Mifupa (MOI) ya Hospitali ya Taifa ya Muhimbili ambazo zinahusisha miezi sita, Machi 15 hadi Septemba 15, 2011, zinaonesha kwamba wapanda bodaboda wengi wanaojeruhiwa vibaya pale ajali za pikipiki zinapotokea, ni wale wasiovaa helmeti.
Wengi wao wanajeruhiwa vibaya kichwani. Daktari bingwa wa Magonjwa ya Mifupa katika Taasisi ya MOI, Dk Bryson Mcharo, anasema katika utafiti wake wa miezi 6 ukihusisha majeruhi wapatao 722, amebaini kuwa nusu ya majeruhi hao walipanda pikipiki bila kuvaa helmeti.
"Katika utafiti huo nilibaini kuwa madereva pikipiki ambao wanaona umuhimu wa helmeti ni wale ambao angalau wamepitia mafunzo ya udereva na wana leseni, lakini wengi wa majeruhi ambao hawakuvaa kofia hawana leseni na pia hawana mafunzo ya kuendesha pikipiki,” anaeleza Dk Mcharo.
"Karibia nusu ya majeruhi hao, asilimia 46, waliumia kichwani jambo linaloonesha kwamba madereva wengi na abiria wao hawazingatii uvaaji wa helmeti," anasema Dk Mcharo.
anasema kati ya majeruhi hao madereva wa pikipiki ndio wengi na zaidi ya nusu, asilimia 51.8, hawakuvaa helmeti.
Kwa mujibu wa Dk Mcharo, nusu ya majeruhi hao, walipata ajali baada ya kugongana au kugongwa na magari na asilimia 7 waligongana kati ya pikipiki na pikipiki huku asilimia 27 ni majeruhi waligongwa na pikipiki.
Mkuu wa Kitengo cha Dharura katika Hospitali ya Taifa Muhimbili, Dk Juma Mfinanga, anasema mwaka 2015 walipokea majeruhi 8,400 waliotokana na ajali za barabarani kiwango ambacho ni asilimia 61 ya majeruhi wote wa ajali waliofikishwa katika kitengo hicho.
Dk Juma anafafanua kuwa kati ya majeruhi hao asilimia 71 walikuwa ni madereva, asilimia 46 walikuwa ni abiria wakati asilimia 39 walikuwa ni waenda kwa miguu. Anasema kwa mwaka huu kuanzia Januari hadi Julai pekee, majeruhi wa pikipiki waliofikishwa kwenye kitengo hicho ni 4,900 kiwango ambacho ni sawa na asilimia 64 ya majeruhi wote wa ajali za barabarani.
Anasema nusu ya ajali hizo (asilimia 51) ni majeruhi waliotokana na ajali za pikipiki, huku idadi ya wanaume ni mara tatu ya wanawake ya majeruhi wote waliofikishwa hospitalini hapo.
Dk Juma anasema majeruhi walioumia kichwani walikuwa ni asilimia 42 na kati ya hao asilimia 8 hadi 10 ni wagonjwa waliojeruhiwa vibaya na kupona kwao ni kwa kudra za Mwenyezi Mungu, huku asilimia 85 hadi 88 ni wale ambao wameumia kwa kiwango cha kati na asilimia 61 ya majeruhi hao walivunjika mifupa mirefu ambayo ni mikono na miguu.
Majeruhi waliohamishiwa katika taasisi ya mifupa ni asilimia 89.1 ya majeruhi wa pikipiki waliopokelewa kituoni hapo mwaka 2015. Kuhusu gharama, Dk Juma anasema gharama zinatofautiana kulingana na hali ya mgonjwa, lakini akasema kwa wastani hospitali inatumia zaidi ya Sh 650,000 kwa mgonjwa mmoja anayefikishwa katika kitengo cha tiba ya dharura kwa ajili ya kumtibia wakati wa dharura.
Uvaaji wa helmeti kwa dereva na abiria wa pikipiki ni moja ya masharti yaliyowekwa na Mamlaka ya Udhibiti wa Usafiri wa Nchi Kavu na Majini (SUMATRA) wakati wa kutoa leseni kwa dereva wa pikipiki.
"Lazima awe na helmeti na abiria wake pia atatakiwa kuvaa kofia ya kujikinga wakati wote na kwamba kofia hiyo inatakiwa kuwa na alama ya eneo la utoaji huduma ya usafiri," inasema kanuni ya usafirishaji ya pikipiki za magurudumu mawili na matatu ya mwaka 2010.
Kanuni hiyo inatoa masharti kwamba dereva wa pikipiki ya magurudumu matatu kwamba haruhusiwi kubeba idadi ya abiria zaidi ya mmoja, dereva wa pikipiki anatakiwa kuvaa kofia ngumu ya kujikinga wakati wote yeye na abiria wake.
Lakini jambo hilo halifanyiki. Pikipiki nyingi zinazobeba abiria zinatisha, unaweza kukuta dereva na abiria wake hawajavaa helmeti, au dereva anayo lakini abiria hana. Wakati mwingine unaweza kukuta dereva kavaa na abiria kaishikilia mkononi au kuipakata.
Hili limechangia dereva na abiria kupoteza maisha pindi inapotokea ajali.
Hili ndilo limemfanya Mkuu wa Mkoa wa Dar es Salaam, Paul Makonda, kutahadharisha kwamba kupanda pikipiki bila kuvaa kofia ngumu ni dhamira ya kujiua, kwa sababu dereva na abiria wakipata ajali ni rahisi kupoteza maisha kwa kupigiza kichwa chini.
Makonda anawataka madereva wa bodaboda na abiria wao kuvaa helmeti. “Nimeshawasiliana na kamati yangu ya usalama barabarani mkoa. Hili nitalisimamia kikamilifu lazima wote wawe na helmeti,” anasema Makonda.
Mkurugenzi wa Udhibiti wa Usafiri wa Barabara wa Sumatra, Johansen Kahatano, anasema sheria ya Sumatra ya pikipiki inamtaka dereva wake avae helmeti wakati wote, kushindwa kufanya hivyo ni kuvunja sheria kwa makusudi. Kuhusu madai ya abiria kutopenda kuvaa hizo kofia, Kahatano anasema kwamba amekuwa anawashauri waendesha pikipiki wasipakie abiria ambao hawataki kuvaaa kofia ngumu.
"Usimamizi ni mgumu. Lakini tunaendelea kutoa elimu kwamba abiria akipanda pikipiki aone umuhimu wa kuvaa helmeti na kuthamini maisha yake. Hilo ni jambo la lazima. Sisi kama mamlaka tuna kazi ya kuendelea kuwaelimisha wananchi kuhusu umuhimu wa kuvaa kofia ," anasema Kahatano.
Mkuu wa Kikosi cha Usalama Barabarani, Mohamed Mpinga, hataki kumung’unya. Uvaaji wa kofia ngumu helmeti kwa waendesha pikipiki na abiria wao ni lazima. Yule ambaye atakaidi agizo hilo atakamatwa na kuchukuliwa hatua za kisheria. Itaendelea kesho. Inserts "Karibia nusu ya majeruhi hao, asilimia 46, waliumia kichwani jambo linaloonesha kwamba madereva wengi na abiria wao hawazingatii uvaaji wa helmeti" “Majeruhi walioumia kichwani walikuwa ni asilimia 42 na kati ya hao asilimia 8 hadi 10 ni wagonjwa waliojeruhiwa vibaya na kupona kwao ni kwa kudra za Mwenyezi Mungu.” “Kupanda pikipiki bila kuvaa kofia ngumu ni dhamira ya kujiua, kwa sababu dereva na abiria wakipata ajali ni rahisi kupoteza maisha kwa kupigiza kichwa chini.”

Chanzo Gazeti la Habari leo

DC MTATURU ATENGA SIKU YA JUMAPILI KUKAGUA SHUGHULI ZA MAENDELEO

 Mkuu wa Wilaya ya Ikungi Miraji Jumanne Mtaturu akisisitiza jambo katika ziara yake ya kukagua miradi ya maendeleo Wilayani humo

DC MTATURU AKUTANA NA WAZEE WA WILAYA YA IKUNGI AWAAHIDI KUFANYA KAZI KWA BIDII

 Mkuu wa Wilaya ya Ikungi Miraji J. Mtaturu akiwa katika picha ya pamoja na baadhi ya wazee waliowawakilisha wazee wengine wilayani humo

MKUU WA WILAYA YA IKUNGI ATANGAZA SIKU YA JUMATANO KUWA SIKU YA KAZI ZA PAMOJA


 Mkuu wa Wilaya ya Ikungi Miraji Jumanne Mtaturu akiwa ofisini mara baada ya kukabidhiwa ofisi na aliyekuwa Mkuu wa Wilaya hiyo ambaye kwa sasa amestaafu Gishuli Charles.

NSSF yashauriwa kusaidia wasanii.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 
index 
Meneja  wa Shirika la Hifadhi ya Jamii (NSSF) mkoa wa Ruvuma Bw. Felix Wisso.

Na Zawadi Msalla- WHUSM Ruvuma
Shirika la Taifa la Hifadhi ya Jamii( NSSF) Mkoa wa Ruvuma  limeshauriwa kuinua maisha ya wasanii kwa kuwaunganisha na mfuko huo ili kuhakikisha maisha ya wasanii yanaboreshwa.
Akizungumza katika kikao kati ya wadau wa sekta za Habari,Utamaduni,Sanaa na Michezo na Wizara, Katibu Mkuu wa Wizara Wizara hiyo Prof  Elisante Ole Gabriel  amesema kuwa mfuko huo uangalie  namna ya kukusanya wasanii na kuwaweka pamoja ili waweze kujiunga.
“kwa upande wa wasanii wao ni jeshi kubwa tutafute namana ya kuwasajili kama wanachama rasmi wa NSSF ili waweza kutambulika katika ajira rasmi” alisema Prof Gabriel.
Prof Gabriel alisema kuwa  wasanii wanachangamoto nyingi zinazo wakabili ambazo zinarudisha nyuma kada yao moja wapo ikiwa ni hiyo ya kutokuwa wanachama wa mifuko ya Jamii.
Kwa upande wake Meneja wa NSSF Mkoa wa Ruvuma Bw. Felix Wisso amesema lengo la mfuko huo ni kudumisha maisha ya watanzania walio katika sekta zote hivyo basi kwa kushirikiana na Ofisi ya Mkoa wanaangalia namna ya kuwainua  wasanii hao kupitia mikopo itolewayo na mfuko huo.
Ameongeza kuwa shirika lake limejipanga kikamilifu kuendana na kasi ya utendaji wa Serikali ya awamu ya tano hivyo basi elimu ya kujiunga na mfuko huo itaendelea kutolewa kwa wananchi .
“Wasanii wanaweza kuitangaza nchi yetu vizuri sana  kama tu jamii itaamua kuwatambua na sanaa ikawa ni ajira kamili kama ajira nyingine.”Alisema Bw. Wisso
Aidha aliwasisitiza viongozi wa wasanii pamoja na Maafisa Utamaduni kuwahamasisha wadau wao kuingia katika mfuko huo wa jamii kwani ni dhamana ya maisha yao.

WAZIRI NCHEMBA AAGIZA MAOFISA USHIRIKI SINGIDA KUCHUKULIWA HATUA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

mbunge  wa Singida Kaskazin Bw Lazaro Nyalandu (kulia) akimpokea  waziri wa Kilimo ,Mifugo na uvuvi Bw Mwigulu Nchemba alipofanya ziara ya  kikazi wilaya ya Manyoni jana
Waziri Nchemba  akisalimiana na mbunge Nyalandu (kulia)
Waziri  wa  kilimo ,mifugo na uvuvi Bw Mwigulu Nchemba  akiwa ameongozana na viongozi mbali mbali  kuingia  ukumbi wa mkutano kati yake na wakulima wa Tumbaku Manyoni
Mbunge Lazaro  Nyalandu kulia akiwa na waziri wa Kilimo ,mifugo na uvuvi Bw Mwigulu Nchemba wakati akisaini kitabu cha  wageni  ofisi ya mkuu wa wilaya ya Manyoni mkoani Singida
Waziri Nchemba  akiingia ukumbi wa mkutano kati yake na  wakulima wa Tumbaku manyoni
Wakulima wa Tumbaku  wakisalimiana na waziri Nchemba 
Baadhi ya madiwani  wakulima wa Tumbaku manyoni wakimpokea  waziri Mwigulu Nchemba
Baadhi ya  wakulima wa Tumbaku  wakiwa  ukumbi wa mkutano kati yao na waziri Nchemba
Mbunge wa Singida Kaskazin Bw Lazaro Nyalandu  akitambulisha  viongozi mbali mbali kabla ya  mkutano wa  wakulima wa Tumbaku kuanza
Waziri wa  Kilimo , Mifugo na Uvuvi Bw Mwigulu Nchemba  akizungumza na  wakulima wa Tumbaku wilaya ya manyoni mkoa wa Singida jana
Diwani  wa kata ya Mitundu wilaya ya Manyoni Bw Andrea Madole  akimkabidhi nyalaka mbali mbali za uthibitisho wa michango kandamizi  wanayobambikizwa  wakulima wa Tumbaku na Kitengo  cha AMIS   waziri wa  kilimo ,mifugo na Uvuvi Bw Mwigulu Nchemba ambae alitangaza   kufuta michango  hiyo
Wakulima wa Tumbaku  wakitoa kero  zao kwa  waziri Nchemba (hayupo pichani)
Wabunge  wakisikiliza kero  za  wakulima wa Tumbaku
waziri wa Mifugo na uvuvi Bw Mwigulu Nchemba  (kushoto) akimsikiliza kwa makini Mbunge wa Singida Kaskazin Bw Lazaro Nyalandu  wakati  akieleza kilio  cha wakulima wa Tumbaku  wilaya ya Manyoni wakati wa  mkutano wa  waziri Nchemba na wakulima wa Tumbaku  uliofanyika  ukumbi wa CCM Manyoni jana

WAZIRI wa  kilimo ,mifugo na  uvuvi  Bw Mwigulu  Nchemba amefuta michango  hewa iliyokuwa ikichangiwa na wakulima wa Tumbaku  kwa  UNION kwa  kupitia  kitengo  cha AMIS huku akiagiza serikali  ya  wilaya ya Manyoni  kuwachukulia hatua  kali aofisa  ushirika mkoa  Andru Msafiri na afisa  ushirika Wilaya   hiyo Bw Alfred Sekiete iwapo watabainika  kuhusika  deni la bilioni  7  ambalo wanadaiwa benki wakulima  wa tumbaku.

Waziri Nchemba  alilazimika kutoa maagizo  hayo  baada  ya  wakulima  wa zao hilo la Tumbaku  kulalamikia utaratibu mbaya wa baadhi ya  viongozi wa UNION na APEX pamoja na baadhi ya maofisa  ushirika   kujinufaisha  kupitia mgongo  wa  wakulima hao.

Akitoa agizo  hilo  jana mjini Manyoni  wakati wa  mkutano  wa  pamoja kati yake na  wakulima wa  Tumbaku na viongozi  mbali mbali  wa Serikali  ya  wilaya ya Manyoni na wabunge  wanaotoka  wilaya ya Maeneo  yanayolimwa Tumbaku  mkoani Singida.

Waziri Nchemba  alisema  kuwa  baadhi  ya mambo  ambayo serikali  ya Rais Dr John Magufuli  haipendi  kuona ni  pamoja na  wakulima kubebeshwa mizigo mikubwa ambayo kimsingi haiwasaidii kupiga hatua kimaendeleo  zaidi ya  kuwatesa .

Alisema  inashangaza  kuona   wakulima  hao  kuendelea  kuumizwa na  viongozi  wachache ambao  wamegeuza  wakulima ni  kichaka cha  wao  kujificha  kujinufaisha  kupitia wakulima.

“ Mambo  ya ajabu  sana  hiki kitu  kinaitwa AMIS ni kuwatoza  wakulima michango ya ajabu ajabu  eti  wakulima  kutozwa  dola 1200 kwa  ajili  ya kusafirisha Tumbaku toka  Dar es Salaam kwenda UNION   pia  wanachangia dola 10 kwa  kutunza  kumbukumbu zao  ,dola 3 kupakia na  kushusha mara mchango kwa ajili ya ADMIN   mambo ya ajabu kabisa wakulima wanahusika  vipi na malipo maadmin yani wanatumia lugha  za  kijanja kijanja  kuwaibia  wakulima ADMIN wa makundi kama yale ya Whatsap kwa wakulima  tena…sasa kuanzia leo natangaza  kufuta michango  hii isiyo na maelezo ya kutosha na kuagiza  kujipanga upya kwa  kuwashirikisha   wakulima na taarifa  hiyo ndani ya siku 7 niipate “

Waziri chemba  alisema  kuwa kabla ya  kuanza  kuwatoza  wakulima hao michango ni  vizuri  makubaliano ya  michango  hiyo yafanyike  upya kwa kuwashirikisha  wakulima na sio kuendelea  kutumia taratibu  za  zamani ambazo ni mzigo kwa  mkulima.

Kuhusu maafisa  ushiriki  kudaiwa  kukopa  benki  kupitia mgongo wa  wakulima  wa  tumbaku na  kupelekea  wakulima hao  kudaiwa  deni  benki  la Tsh bilioni 7 aliagiza mkuu wa  wilaya ya Manyoni kuagiza wakaguzi  na wataalam wake  kufanya  uchunguzi  na iwapo itabainika  kuwa maofisa  hao  walihusika na deni  hilo  hatua  stahiki  kuchukuliwa dhidi 

Alisema  ni  kosa  kwa maofisa  ushirika   kukopa  kwa  udhamini  wa  wakulima   wakati  wao si  wazalishaji wa mazao hayo ya  kilimo na kuwa maeneo  mengi wakulima  walikuwa wakiwalipia madeni benki maofisa   hao ambao huomba  mikopo kupitia vyama  vya msingi vya  wakulima na wakati mwingine hushirikiana na benki kutoa mkopo mkubwa ili  nao waweze kugawana .

Pia aliagiza  UNION  kufanya kazi ya  kuwasaidia   wakulima na sio  kuwakandamiza   wakulima na  kuwa maeneo  mengi nchini ambayo  UNION wapo kumekuwa na migogoro na kero nyingi kwa  wakulima na kuwa mazao ambayo wakulima hawana UNION kama Mahindi , mpunga na alizeti wakulima wanafanya  shughuli  zao pasipo migogoro  hivyo kuzitaka UNION zinazojihusisha na  wakulima wa Tumbaku , Korosho ,pamba na mazao mengine  kujitathimini  vinginevyo hazina maana kuwepo.

Aidha  waziri Nchemba  aliagiza benki ya CRDB kuwalipa pesa  zao  zote wakulima  wa Tumbaku ambao wamemaliza madeni yao ya  pembejeo  na kuendelea  kuwadai wanaodaiwa na si vinginevyo .

Mbunge  wa Singida Kaskazini Lazaro Nyalandu  alisema  kuwa  kilio  kikubwa  cha   wakulima wa Tumbaku Manyoni ni uwepo  wa mtu kati katika kilimo  hicho hivyo  kuwatesa  wakulima hao na  kuwa  UNION  na APEX  bado si ukombozi kwa  wakulima wa  zao la Tumbaku kwani  alisema  wakulima wamekuwa wakilipwa asilimia 50 ya mauzo ya mazao yao na benki ya CRDB  na asilimia 50 nyingine  kushikiliwa na benki kwa mkopo wa vyama  vyao  vya msingi hata kama mkulima  husika hadaiwi.


Balozi asema Rais Magufuli ameipaisha Tanzania kimataifa

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Waziri wa Kilimo, Mifugo na Uvuvi, Mwigulu Nchemba (kushoto) na mbunge wa Viti Maalumu Mkoa wa Singida, Martha Mlata wakikabidhi zawadi ya boga kubwa lenye kilo zaidi ya 7 Balozi wa China nchini, Dk Lu Youqing. (Na Mpigapicha Wetu).
SERIKALI ya China imeiunga mkono serikali katika mkakati wake wa kutoa elimu bure, ikisisitiza kuwa chini ya uongozi wa Rais John Magufuli, Tanzania inasifika duniani.
Katika kuunga mkono elimu bure, ubalozi wa nchi hiyo nchini umetoa msaada wa madawati 400 yenye thamani ya zaidi ya Sh milioni 28 kwa shule mbalimbali za msingi katika wilaya ya Iramba mkoani Singida.
Balozi wa China hapa nchini, Dk Lu Youq’ng alisema msaada huo ni moja ya juhudi za nchi yake kuiunga mkono Serikali ya Tanzania katika kutoa elimu bure. “Wakati mimi nimechangia madawati 300, Kampuni inayochimba madini hapa ya Sun Shine Group imechangia madawati 100 ili kuniunga mkono,” alifafanua.
Akikabidhi madawati hayo katika mikutano mitatu tofauti kwenye mji wa Kiomboi, Shelui na Misigiri, Balozi Youq’ng alisisitiza umuhimu wa Tanzania kuwekeza kwenye elimu kuwaletea wananchi wake maendeleo ya kweli.
“Hata kama nchi ni maskini kiasi gani, lazima elimu itiliwe mkazo; tena iwe ni elimu bora na elimu bora haiwezi kuja kwa wanafunzi kukaa chini. “Madawati ni moja ya mambo ambayo yanamjengea mwanafunzi mazingira mazuri ya kujifunzia,” alisema.
Aliongeza, “kutokana na umuhimu huo, ndio maana mbunge wenu aliponijia na kuniomba msaada wa madawati, sikusita hata kidogo. Nilijua anafanya hivyo ili kuisaidia jamii yake kuboresha elimu”. Aliyeomba msaada huo ni Mbunge wa Iramba Magharibi, Mwigulu Nchemba.
Aidha, balozi huyo amewapongeza wakazi wa mkoa wa Singida kwa kumchagua Dk Magufuli kuwa Rais na kuongeza kusema kuwa chini ya uongozi wake sasa Tanzania inasifika duniani kote. “Nitahakikisha nchi yangu inaendelea kusaidia maendeleo ya nchi hii kwa kuwa urafiki wetu ni wa enzi na enzi,” alisema.
Awali, Mkuu wa Mkoa wa Singida, Mathew Mtigumwe alisema kuwa mkoa unathamini msaada huo kwa kuwa umepunguza kwa kiasi kikubwa upungufu wa madawati 4,016 ambayo wilaya hiyo ilikuwa nao.
Chanzo Gazeti La Habari Leo

UWANJA WA NDEGE SINGIDA NI 'JIPU' NANI WA KULITUMBUA?

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 
mfanyakazi  wa  kikosi  cha zimamoto na uokozi katika  uwanja  wa  ndege wa mkoa wa Singida akijiandaa  kwa kukifanyia majaribio  kifaa chake  cha  kuzimia moto wakati  ndege  iliyombeba balozi wa China nchini Dr  Lu Yong,ng ikiwasili katika  uwanja  huo jumapili ya May 29 wakati wa  ziara  yake wilayani Iramba
Hapa mfanyakazi  huyo akiwa pekee yake  huku akifanya kazi  tatu kwa  wakati mmoja kuelekeza ndege  hiyo ,kushika kifaa cha  kuzimia moto iwapo  hitirafu  itajitokeza na tatu kuweka gogo kwenye taili la ndege  baada ya kutua
Hapa  akielekea  kuelekeza eneo la  kutua
Hapa  akimwelekeza rubani wa  ndege hiyo huku  kulia kifaa kinachotumika kama gari la zimamoto na uokozi likiwa limeegeshwa kulia
Hapa  anakamilisha  kuelekeza eneo la  kutua anajiandaa kurudi  kuchukua kigogo kwenye gari  hili maalum ambalo kweli  bado mamlaka  ya  viwanja  vya ndege  vinapaswa  kulitazama   hili pasipo kusubiri majanga  ili  kuunda tume ya uchunguzi wa kitakachotokea
Ndege  ikiwa  imetua huku kifaa kinachotumika kama  gari la zimamoto na uokozi  kikiwa pembeni na mhudumu wa kifaa hicho  kushoto
Rubani  akimtazama  mfanyakazi  huyo mmoja anayefanya kazi  tatu kwa  wakati mmoja katika  uwanja wa ndege Singida
Hapa  akielekea  kuweka kigogo kwenye ndege  ushauri  wetu matukiodaimaBlog kwanza kwa kamati ya  ulinzi na usalama mkoa  wa Singida  kulitazama suala   hili la kiusalama kwa jicho la tatu kwani hatuombi jambo basi kutokea  ila ni  vema kinga  kuliko  tiba ,pili uongozi wa kiwanja  hicho  cha ndege kuongeza  wafanyakazi na hata  kuomba gari la kisasa katika uwanja  huo , tatu wizara  husika  kulitazama   hili na mwisho uongozi wa viwanja vya ndege nchini kutoka ofisini na kuzungukia  viwanja  vyote kikiwemo  hiki  cha Singida kuangalia changamoto  zake vinginevyo hili ni  jipu sasa ni nani wa  kujitolea  kulitumbua ?
 
Supported by Tone Multimedia Company Limited
Copyright © 2011. Singida Yetu - All Rights Reserved
Designed by Fredy Tony Njeje
Proudly powered by Blogz za Mikoa