BITEKO ATANGAZA KIAMA KWA WALIOHUJUMU RUZUKU

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

 Naibu Waziri wa Madini, Doto Biteko (kushoto) akiongozana na Mbunge wa Jimbo la Nzega Vijijini, Hamis Kigwangala (kulia) mara baada ya kuwasili kwenye Chuo cha Madini Dodoma, Kampasi ya Nzega ili kujionea hali ya eneo hilo.

 Naibu Waziri wa Madini, Doto Biteko (kulia) akikagua mazingira ya Chuo cha Madini Dodoma, Kampasi ya Nzega ili kujionea hali ya Kampasi hiyo.

 Naibu Waziri wa Madini, Doto Biteko akizungumza na wananchi wa Kijiji cha Isanga, Kata ya Lusu Wilaya ya Nzega (hawapo pichani).

 Naibu Waziri wa Madini, Doto Biteko (kushoto) akiongozana na mwenyeji wake Mbunge wa Nzega Vijijini na Waziri wa Wizara ya Maliasili na Utalii, Dkt. Hamis Kigwangala (kulia) walipofanya ziara kwenye Chuo cha Madini Dodoma, Kampasi ya Nzega ili kujionesa hali ya Kampasi hiyo.

 Naibu Waziri wa Madini, Doto Biteko (wa pili kushoto) akikagua mazingira ya Chuo cha Madini Dodoma, Kampasi ya Nzega.

Naibu Waziri wa Madini, Doto Biteko (katikati) alipotembelea Chuo Cha Madini Dodoma, kampasi ya Nzega

 

Serikali imetoa onyo kali kwa waliojinufaisha na kutumia ruzuku ya uchimbaji madini kinyume na makusudio yake ambao hadi sasa hawajarejesha licha ya kutakiwa kufanya hivyo.

 

Naibu Waziri wa Madini, Doto Biteko alitoa onyo hilo Februari 26, 2018 kwenye mkutano na wananchi na wachimbaji wadogo wa madini katika kijiji cha Isanga, Kata ya Lusu Wilaya ya Nzega.

 

Awali kabla ya kutoa onyo hilo, wachimbaji hao waliiomba Serikali kuwapatia ruzuku ili iwasaidie katika shughuli zao za uchimbaji madini ndipo Naibu Waziri Biteko alipoweka bayana suala hilo la ruzuku.

 

Alisema Serikali ilisimamisha utoaji wa ruzuku kwa wachimbaji wadogo wa madini nchini baada ya kubaini kwamba imeshindwa kuleta mafanikio yaliyokusudiwa na kwamba ilikwishaagiza wale wote waliojipatia ruzuku na kuitumia kinyume na makusudio wanapaswa kuirejesha mara moja vinginevyo hatua kali za kisheria zitachukuliwa.

 

“Wapo ambao tayari wameanza kurejesha na wengine bado hawajafanya hivyo. Ninawahakikishia wale ambao bado, tutawachukulia hatua kali za kisheria,” alisema Biteko.

 

Alisema haiwezekani watu wachache wasiokuwa na huruma kwa wanyonge wakatumia fedha ya Watanzania kinyume na makusudio yake.

 

Biteko alisema kuwa lengo la Serikali la utoaji wa ruzuku lilikuwa ni kuhakikisha wachimbaji wadogo wa madini nchini wanaweza kuendeleza machimbo yao kwa kufanya shughuli zenye tija kwao na Taifa kwa ujumla hata hivyo, makusudio hayo hayakufikiwa kama ilivyotarajiwa.

 

Alibainisha kuwa Serikali inakuja na mpango mwingine wa kuwasaidia wachimbaji wadogo kupata manufaa kutokana na shughuli zao lakini sio kuwapatia fedha kama ilivyokuwa hapo awali. “Tunanunua vifaa vya uchimbaji ambavyo vitatumika kuwasaidia na sio kuwapatia fedha,” alisema Biteko.

 

Aidha, Biteko aliwataka wachimbaji kote nchini kujiunga kwenye vikundi ili kujipatia manufaa mbalimbali ikiwemo urahisi wa kupata huduma za kifedha, kukopesheka na kuelimishwa njia bora na sahihi ya uchimbaji.

 

Alisema wachimbaji watakapojiunga wataweza kuwa na uchimbaji wenye tija na hivyo kutoa ajira nyingi kwa Watanzania wenzao, kulipa ushuru na tozo mbalimbali za Serikali na hivyo kujiletea maendeleo wao binafsi lakini pia maendeleo kwa Taifa kwa ujumla.

 

Katika ziara hiyo, Naibu Waziri Biteko aliambatana na mwenyeji wake Mbunge wa Jimbo la Nzega Vijijini na Waziri wa Maliasili na Utalii, Dkt. Hamis Kigwangala ambapo walitembelea maeneo ya Chuo cha Dodoma Kampasi ya Nzega (MRI) ambapo zamani palikuwa ni mgodi wa Reolute.

 

SIMBA CEMENT YATOA MIFUKO 3000 KUSAIDIA SEKTA YA ELIMU JIMBO LA IRAMBA MAGHARIBI MKOANI SINGIDA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Waziri wa Mambo ya Ndani,Mwigulu Nchemba kushoto akitokea mifuko 3000  ya Saruji kutoka Mkurugenzi Kiwanda cha Saruji cha Simba Cement cha Tanga (TTCL), Reinhardt Swart kwa ajili ya kuimarisha miundombinu ya elimu katika Jimbo lake la Iramba Magharibi leo katika anayeshughudia ni Meneja wa Kiwanda hicho Benny Lema

Waziri wa Mambo ya Ndani na Mbunge wa Jimbo la Iramba Magharibi Mwigulu Nchemba kushoto akipokea mifuko 3000 ya Saruji kutoka Mkurugenzi Kiwanda cha Saruji cha Simba Cement cha Tanga (TTCL), Reinhardt Swart kwa ajili ya kuimarisha miundombinu ya elimu katika Jimbo lake la Iramba Mashariki leo katika anayeshughudia ni kushoto ni Afisa Uhusiano wa Simba Cement Noor Mtanga kulia ni Msaidizi wa Mbunge huyo Abdallah Salim

Waziri wa Mambo ya Ndani,Mwigulu Nchemba kushoto akimkabidhi Msaidizi wake,Abdallah Salimu mifuko hiyo mara baada ya kukabidhiwa anayeshughudia katikati nyuma ni Mkurugenzi Kiwanda cha Saruji cha Simba Cement cha Tanga (TTCL), Reinhardt Swart

Waziri wa Mambo ya Ndani,Mwigulu Nchemba kushoto akipokea sehemu ya mifuko ya Saruji 3000 kutoka kwa Afisa Uhusiano wa Simba Cement Noor Mtanga kulia kwa ajili ya kusaidia kutatua changamoto zinazoikabili sekta ya Elimu katika Jimbo lake la Iramba Magharibi katika kulia anaye shughudia ni Mkurugenzi Kiwanda cha Saruji cha Simba Cement cha Tanga (TTCL), Reinhardt Swart kushoto ni Meneja wa Kiwanda hicho Benny Lema

Mkurugenzi Kiwanda cha Saruji cha Simba Cement cha Tanga (TTCL), Reinhardt Swart akieleza mikakati ya kiwanda hicho kwa Waziri wa Mambo ya Ndani Mwigulu Nchemba ambaye hayupo pichani ambaye alikwenda kiwanda hapo kupokea mifuko 3000 ya saruji kwa ajili ya kusaidia kutatua changamoto zilizopo kwenye sekta ya Elimu Jimboni kwake Iramba Magharibi

Waziri wa Mambo ya Ndani Mwigulu Nchemba na vyombo vya habari mara baada ya kupokea mifuko 3000 ya saruji ambapo alikishukuru kiwanda cha Simba Cement kwa kusaidia sekta ya Elimu Jimboni kwake kuli ni Mkurugenzi wa Kiwanda hicho,Reinhardt Swat

 Waziri wa Mambo ya Ndani na Mbunge wa Jimbo la Iramba Magharibi Mwigulu Nchemba kushoto akimshukuru Mkurugenzi wa Kiwanda cha Simba Cement  Reinhardt Swat mara baada ya kupokea mifuko 3000 ya Saruji kwa ajili ya kuimarisha Sekta ya Elimu Jimboni Kwake

Sehemu ya Saruji mifuko 3000 aliyokabidhiwa Waziri wa Mambo ya Ndani na Mbunge wa Jimbo la Iramba Magharibi Mwigulu Nchemba 

Waziri wa Mambo ya Ndani,Mwigulu Nchemba kushoto akiwa na Mkurugenzi wa Simba Cement Reinhardt Swat wakitembelea kiwanda hicho kabla ya kukabidhiwa mifuko 3000 ya Saruji

Mkurugenzi wa Kiwanda cha Simba Cement Reinhardt Swat kulia akimuonyesha eneo ambalo wanalotumia kwa shughuli za kiwanda Waziri wa Mambo ya Ndani Mwigulu Nchema katika ambaye alitembelea kushoto ni Meneja wa kiwanda hicho,Beny Lema 

Meneja wa Kiwanda cha Simba Cement Beny Lema akimuogoza Waziri wa Mambo ya Ndani Mwigulu Nchemba kushuka ngazi mara baada ya kutembelea maeneo mbalimbali kwenye kiwanda hicho

 Waziri wa Mambo ya Ndani Mwigulu Nchemba kulia akisalimiana na Mkurugenzi wa Halmashauri ya Iramba mara baada ya kuwasili kwenye kiwanda cha Saruji cha Simba Cement kwa ajili ya kupokea mifuko 3000 ya saruji kwa ajili ya kusaidia sekta ya Elimu kwenye Jimbo lake la Iramba Magharibi

Sehemu ya wafanyakazi wa kiwanda cha Saruji cha Simba Cement Jijini Tanga wakifuatilia hotuba ya Waziri wa Mambo ya Ndani Mwigulu Nchemba

Meneja wa Kiwanda hicho Benny Lema kushoto akiwa na wafanyakazi wengine wa kiwanda hicho wakimsikiliza kwa umakini Waziri wa Mambo ya Ndani ,Mwigulu Nchemba

Waziri wa Mambo ya Ndani,Mwigulu Nchemba katika akiwa na Mkurugenzi Kiwanda cha Saruji cha Simba Cement cha Tanga (TTCL), Reinhardt Swart kulia kushoto ni Msaidizi wa Mbunge huyo Abdallah Salim wakiongia ukumbini kwa ajili ya kupata taarifa.

Sehemu ya Askari wa Jeshi la Polisi mkoani Tanga ambao nao waliambatana na Waziri wa Mambo ya Ndani katika makabidhiano hayo kulia ni Mkuu wa Polisi wilaya ya Tanga (OCD) Jumanne Abdalla(Habari kwa Hisani ya Blog ya Kijamii ya Tanga Raha) 

WAKULIMA WA ZAO LA TUMBAKU HAWANA SOKO LA UHAKIKA LA KUUZIA ZAO HILO

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

 Ni marobota ya tumbaku yaliyohifadhiwa kwenye moja ya ghala la chama cha Msingi Mitundu,tarafa ya Itigi,wilayani Manyoni wakati wa uzinduzi wa soko la tumbaku lililofanyika hivi karibuni katika Kijiji cha Mitundu.

 

baadhi ya watendaji wa Halmashauri ya Itigi,wilayani manyoni Mkoani Singida wakiwa kwenye ukumbi wa mikutano wa Kijiji cha Songambele,wakati wa mkutano maalumu wa baraza la madiwani.

Mwenyekiti wa Halmashauri ya Itigi,wilayani Manyoni,Mkoani Singida,Ally Minja(wa pili kutoka kushoto) akiongoza mkutano maalumu wa baraza la madiwani uliofanyika katika ukumbi wa mikutano wa Ofisi ya Kijiji cha Songambele.

 

 Mbunge wa jimbp la Manyoni magharibi,Yahaya Masare akichangia baadhi ya hoja kwa kutoa ufafanuzi kwa wajumbe wenzake wa mkutano huo.

  Mwenyekiti wa CCM Wilaya ya Manyoni,Jumanne Ismaili akiwasilisha salamu za chama kwa madiwani na watendaji wa Halmashauri ya Itigi,kilichofanyika kwenye ukumbi wa mikutano wa Ofisi ya Kijiji cha Songambele,tarafa ya Itigi,wilayani Manyoni.(Picha zote Na Jumbe Ismailly)

 

WAKULIMA wa zao la tumbaku katika Halmashauri ya Itigi,wilayani Manyoni,Mkoani Singida hawana soko la uhakika la kuuzia zao hilo kutokana na Makampuni yaliyokuwa yakinunua zao hilo kushindwa kuendelea kwa sababu ya madeni makubwa yanayovikabili vyama vya msingi vinavyolima tumbaku katika Halmashauri hiyo.

Afisa Maendeleo ya Kilimo,Umwagiliaji na Ushirika wa Halmashauri hiyo,Renatusi Mtatina aliyasema hayo kwenye mkutano maalumu wa Barazaa la Madiwani wa Halmashauri hiyo wakati akijibu swali la diwani wa kata ya Rungwa,Charles Machapaa ambaye alitaka kufahamishwa shilingi milioni 477 zitapatikanaji kwenye zao la tumbaku wakati serikali imeshusha ushuru wa mazao kutoka asilimia 5 hadi 3.

Aidha Mtatina alithibitisha kwamba ni ukweli usiopingika kwamba Halmashauri ya Itigi kwa mwaka huu bado haaijapata mnunuzi wa tumbaaku wala kampuni yeyote ile itakayonunua zao hilo na badala yake wakulima wataendelea kulima zao hilo na kwenda kuuza sehemu nyingine.

“Nia tunataraji kwamba watakuwepo wakulima ambao watalima lakini wanaweza wakauza sehemu nyingine lakini kwa Halmashauri ya Itigi hatujapata mnunuzi kwa hiyo patakuwa na changamoto kubwa katika kilimo cha tumbaku.”alisisitiza afisa huyo wa kilimo,umwagiliaji na ushirika.

Kwa mujibu wa Mtatina suala la matatizo ya vyama vya ushirika bado halijatatuliwa kwa sababu bado wana madeni makaubwa na ndiyo maana hawajapata mnunuzi wa zao hilo la tumbaku.

Katika swali lake la msingi,diwani wa kata ya Rungwa,Charles Machapaa alionyesha hofu ya kutofikiwa kwa malengo ya makusanyo ya mapato ya Halmashauri hiyo ya shilingi milioni 477 kutokana na serikali kushusha ushuru wa aina mbali mbali ya mazao,ikiwepo tumbaku,ushuru wa pamba pamoja na ushuru wa mazao mengineyo.

Kwa upande wake Mweka hazina wa Halmashauri hiyo,Charles Mnamba akitetea hoja hiyo alisisitiza kwamba katika msimu ujao uzalishaji wa kilimo cha zao la tumbaku utaongezeka zaidi ikilinganishwa na wa mwaka uliopita na utaweza kufidia kiwango cha ushuru wa asilimia mbili kilichopunguzwa na serikali.

MANYONI INAKABILIWA NA UPUNGUFU WA VYUMBA VYA MADARASA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 
Aidha afisa elimu huyo alifa

 Ni Mwenyekiti wa Halmashauri ya wilaya ya Manyoni,Moses Matonya(wa kwanza kutoka kushoto) akiwa na Makamu Mwenyekiti,Jumanne Mlagaza wakiongoza mkutano wa baraza la Madiwani uliofanyika mjini Manyoni.

Na,Jumbe Ismailly MANYONI

HALMASHAURI ya wilaya ya Manyoni,Mkoani Singida inakabiliwa na changamoto mbali mbali katika sekta ya elimu ikiwemo uhaba wa vyumba vya madarasa huku kukiwepo ongezeko la uandikishaji la asilimia 67 na hivyo kuchangia kuwepo kwa  msongamano wa wanafunzi madarasani.

Afisa elimu msingi wilaya ya Manyoni,Salumu Ikambi alisema kiasi hicho cha asilimia 67 za uandikishaji ni kikubwa kutokana na idadi ya wanafunzi  walioandikishwa kufikia 7,176 kati ya lengo la kuandikisha jumla ya wanafunzi 11,000.

Aidha afisa elimu huyo alifafanua kwamba wanafunzi hao 7,176 wakiwemo wavulana 3,734 na wasichana 3,442 ni wengi ikilinganishwa na wanafunzi 2,967 waliohitimu elimu ya msingi mwaka jana.

“Mwaka jana waliomaliza elimu ya msingi walikuwa 2,967 kwa idadi hiyo utaona karibu mara tatu ya wale ambao wameandikishwa mwaka huu.”alibainisha Ikambi.

Kwa mujibu wa Ikambi alizitaja baadhi ya changamoto wanazokaniliana nazo kuwa ni idadi ya vyumba vya madarasa vilivyokuwepo mwaka jana ndivyo hivyo hivyo vilivyo mwaka huu na idadi ya wanafunzi waliomaliza elimu ya msingi 60 lakini walioandikishwa ni 200.

Hata hivyo alisisitza pia kwamba pamoja na upungufu wa vyumba vya madarasa lakini kuna maeneo mengine pia bado yanakabiliwa na upungufu wa walimu na kutoa mfano kuwa darasa lenye wanafunzi 200 haliwezi kufundishwa na mwalimu mmoja.

Kwa upande wake afisa elimu sekondari Halmashauri ya wilaya ya Manyoni,Ramlah Munisi alibainisha kwamba mpaka sasa ni asilimia 14 ya wanafunzi 2,018 bado hawajaripoti shule kuanza masomo yao ya kidato cha kwamba kutokana na sababu mbali mbali ikiwepo kubadili vituo kutokana na umbali wa kutoka wanapoishi hadi shule walizopangiwa.

Afisa elimu huyo hata hivyo aliweka bayana kuwa kwa mwaka 2018 Halmashauri ya wilaya ya Manyoni ilipokea wanafunzi 2027 waliojiunga na masomo ya kidato cha kwanza na kati yao,wanafunzi 9 wamepangwa katika shsule za vipaji maalumu.

Kwa mujibu wa Munisi mwenye dhamana ya kusimamaia elimu sekondari,wanafunzi 2,018 wamepangiwa shule za kata,ambapo kati yao 1,970 sawa na asilimia 82.5 wamesharipoti shuleni na asilimia 2.8 wameenda katika shule za watu binafsi.

Akifunga mkutano wa kawaida wa Baraza la Madiwani,Mwenyekiti wa Halmashauri ya wilaya ya Manyoni,Moses Matonya aliwakumbusha madiwani wajibu wao wa kwenda kusimamia mahudhurio ya wanafunzi wa shule za msingi pamoja na sekondari.

WLAC YAANZA KUTOA MAFUNZO KUTOKOMEZA UKATILI WA KIJINSIA,UKEKETAJI WILAYANI IRAMBA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

 Baadhi ya wananchi wa Kijiji cha Zinziligi,tarafa ya Ndago,wilayani Iramba wakiwa kwenye viwanja vya mikutano ya Kijiji hicho wakipatiwa mafunzo na Kituo cha Msaada wa sharia kwa wanawake (WLAC) juu ya kutokomeza vitendo vya ukatili wa kijinsia pamoja na ukeketaji pamoja na madhara yake.

Bi Esther Kileee (aliyemshikilia mkono ni Afisa mtendaji wa kata ya Ndago) kwanza    akitoa ushuhuda wa kuacha kujishughulisha na vitendo vya ukeketaji baada ya kuokoka na kwamba kabla ya kuokoka alikuwa akinufaika na shughuli hizo kwa kumpatia kipato chake na alaikuwa akiwakeketa wanawake wasiopungua 50 kwa mwezi.

  Mwanasheria wa WLAC,  Abia Richard akiwasilisha mada kwa wananchi wa Kijiji cha Zinziligi,Kata ya Ndago,wilayani Iramba ambapo pamoja na mambo mengine alisema katika kipindi cha wiki moja zaidi ya watu 1000 walipatiwa mafunzo na kati yao,wanafunzi ni 600 na watu wazima ni 500.

 Mwanasheria wa WLAC, Abia Richard ajiteta jambo na afisa mtendaji wa kata ya Ndago, Abeli Philipo Shaluo.

Igizo linaloashiria mwanaume anayemnyanyasa mkewe kwa kumfanyia vitendo vya ukatili wa kijinsia.(Picha  zote Na Jumbe Ismailly)

Na Jumbe Ismailly- IRAMBA

KITUO cha Msaada wa sheria kwa Wanawake( WLAC) kimeanza kutoa mafunzo ya kutokomeza ukatili kwa kijinsia na ukeketaji pamoja na madhara yake kwa watoto wa shule za msingi za Nguvumali,Songambele na sekondari ya Ndago wilayani Iramba,Mkoani Singida ambapo katika kipindi cha wiki moja jumla ya wanafunzi 600 kutoka katika shule za msingi na sekondari walinufaika na mafunzo hayo.

Mwanasheria kutoka Kituo cha Msaada wa sheria na Wanawake (WLAC) Abia Richard aliyasema hayo kwenye mafunzo waliyotoa kwa wananchi wa Kijiji cha Zinziligi,Tarafa ya Ndago,wilayani Iramba.

Aidha Mwanasheria huyo wa WLAC alifafanua kwamba katika kipindi hicho cha wiki moja zaidi ya watu 1000 wameshapatiwa mafunzo hayo ambayo kati ya hao wanafunzi wa darasa la tano mpaka la saba wa shule za msingi na kidato cha kwanza hadi kidato cha nne ni 600 na watu wazima ni 500.

Akizungumzia sababu za kwenda kutoa mafunzo hayo kwa wanafunzi,Abia amezitaja kuwa  ni kizazi na taifa la kesho,jambo ambalo endapo wakifahamu madhara yake mapema watakapokuwa wakubwa itakuwa rahisi kuepukananavyo.Kwa mujibu wa Abia kituo cha msaada wa sheria na Wanawake na watoto kikifadhiliwa na The Foundation For Civil Society kimekuwa kikiendesha mradi wake wa kupinga ukatili wa kijinsia kwa wanawake pamoja na kuzuia vitendo vya ukeketaji kwa wanawake.

“Kwa hiyo tumefika katika wilaya ya Iramba,kata ya Ndago katika Kijiji cha Zinziligi kwa ajili ya kuongea na wanakijiji wa Zinziligi kujua ni aina gani ya ukatili wa kijinsia ambao unakumbana na wananchi wa Kijiji hicho pamoja na kupanga mkakati ni kwa namna gani wananchi hao wataepukana na ukatili huo”alisisitiza Mwanasheria huyo.

Kwa upande wake Afisa Mtendaji wa Kata ya Ndago,Abeli Philipo Shalua alithibitisha kwamba asilimia 85 ya wanawake ndiyo wanaonyanyasika sana kwa waume zao na kwamba katika kipindi cha kuanzia mwaka jana mpaka sasa kuna matukio ya ukatili wa kijinsia 13 waliyofanyiwa wanawake.

Naye Mchungaji wa Kanisa la EAGT Zinziligi,Rejina Matoke huku akinukuu maandiko matakatifu aliweka bayana kuwa kitu kinachouwa nyumba za familia nyingi na kushindwa kuendelea ni tamaa ya uzinzi kwani hivi sasa suala la uzinzi limekamata watu wengi.“Zinziligi imekamatwa na uzinzi nasema ile kweli halafu kuna magonjwa ya kutisha hapa,hata kama leo daktari ataleta kipimo watakaopona ni wachache,idadi kubwa hapa ni taabu tu,watu hawajiheshimu”alisisitiza Mchungaji huyo.

 

DC MLOZI: MADIWANI FUATILIENI MAKUSANYO KATIKA STENDI YA TABORA KUZIBA UPOTEVU

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

NA TIGANYA VINCENT

RS TABORA

29 January 2018

MADIWANI na Watumishi wa wa Manispaa ya Tabora wameagizwa kufuatilia makusanyo ya katika  Stendi za Mabasi ya Tabora ili kujua mapato halisi yanayopatikana kila siku kwa ajili  kudhibiti upotevu wa makusanyo katika stendi hiyo na kuiongezea Halmashauri hiyo makusanyo yake ya ndani.

Kauli hiyo ilitolewa jana na Mkuu wa Wilaya ya Tabora Queen Mlozi wakati akizungumza na Madiwani na Watumishi wakati wa kikao maalum cha kujadili rasmi ya mpango wa bajeti ya mwaka ujao wa fedha.

Alisema kuwa ni vema watembelea Stendi hiyo na kuangalia utaratibu unatumika katika ukusanyaji mapato kutokana na magari yanapita na yale stendi hiyo ili kujua fedha taslimu zinapatikana na kwa mwaka jambo litakalowawezesha kujua Halmashauri inatakiwa ipate kiasi gani.

“Waheshimiwa Madiwani nawaombeni sana muangalie upya makusanyo katika vyanzo vyenu mbalimbali kama vile stendi na matangazo ili kujiridhisha kama Halmashauri inachopata kinalingana na hali halisi au kuna mianya ya upotevu ili tuizibe mapema” alisema Mkuu huyo wa Wilaya.

Alisema kuwa hatua itawasaidia kutekeleza maelekezo ya viongozi ikiwemo yale ya Waziri Mkuu ya kutaka kila Halmashauri kuhakikisha inakusanya sio chini ya 80 ya mapato yake ya ndani kila mwaka nje ya hapo viongozi watawajibishwa.

Queen aliongeza kuwa haipendezi kwa Halmashauri kama Tabora kujieleza kwa kushindwa kufikia lengo wakati inaweza kubuni vyanzo mbalimbali ambavyo vitawasaidia kuvuka lengo.

Alisema kuwa wanaweza kuanzisha eneo maaalumu kwa ajili ya  wafanyabiashara (Machinga) kila mara moja kwa wiki ambalo linaweza kuwa chanzo kingine cha mapato.

Naye Diwani wa Kata ya Ng’ambo George Mpepo aliwaomba Madiwani wenzake kuufanyia kazi ushauri wa Mkuu huyo wa Wilaya kwa sababu utawasaidia kuongeza makusanyo na kuwa na fedha kwa ajili ya kuwaletea maendeleo wakazi wa Manisapaa ya Tabora.

Alisema kuwa haipendezi kuona Halmashauri nyingine zinavuka lengo huko kila mwaka inashindwa na kuongeza kuwa wakiendelea kushindwa ni vema Baraza hilo la Madiwani livunjwe kwa kushindwa kutimiza majukumu yake.

“Mheshimiwa Mkuu wa Wilaya ushauri wako umenigusa sana…naomba wenzangu tukayazingatie hayo…na kama tutashindwa nitakuomba umuombe Waziri Mkuu avunje Baraza hilo la Madiwani kwa kushindwa kusimamia shughuli mbalimbali za maendeleo kuifanya Manispaa ya Tabora iendelee kuwa nyuma” alisema Mpepo.

Mwisho

KATIBU WA NEC IDARA YA SUKI, NGEMELA LUBINGA AMNADI MGOMBEA WA CCM JIMBOLA SINGIDA KASKAZINI LEO.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Katibu wa NEC Idara ya Siasa na Uhusiano wa Kimataifa Kanali Mstaafu Ngemela Lubinga (kushoto) akimnadi mgombea wa Ubunge jimbo la Singida Kaskazini ndg:Justine Monko (kulia) wakati wa mkutano wa Hadhara uliofanyika kata ya Kinyeto Wilaya ya Singida Kaskazini Mkoani Singida.

Katibu wa Chama cha Mapinduzi Wilaya ya Singida Vijijini  Bi Grace Shindika Akizungumza katika mkutano wa Hadhara uliofanyika kata ya Kinyeto Wilaya ya Singida Kaskazini Mkoani Singida

.Katibu wa NEC Idara ya Siasa na Uhusiano wa Kimataifa Kanali Mstaafu Ngemela Lubinga (katikati) akizungumza na Mgombea Ubunge Jimbo ;la Singida Kaskazini ndg: justine Monko (kwanza kushoto) pampoja na Mwenyekiti wa CCM Mkoa wa Singida Ndg:Juma Kilimba.

Mkuu wa Wilaya ya Ikungi Mhe: Miraji Jumanne Mtaturu akizungumza katika mkutano wa Hadhara uliofanyika kata ya Kinyeto Wilaya ya Singida Kaskazini Mkoani Singida.

Mbunge wa Viti Maalum Mkoa wa Singida mhe: Martha Mlata  akizungumza katika mkutano wa Hadhara uliofanyika kata ya Kinyeto Wilaya ya Singida Kaskazini Mkoani Singida

 Mwenyekiti wa CCM Mkoa wa Singida ndg:Juma kilimba akizungumza katika mkutano wa Hadhara uliofanyika kata ya Kinyeto Wilaya ya Singida Kaskazini Mkoani Singida.

 Kaimu Katibu Mkuu wa Umoja wa Vijana wa Chama Cha Mapinduzi Shaka Hamdu Shaka akizungumza na kumnadi Mgombea ubunge Jimbo la Singida Kaskazini katika mkutano wa Hadhara uliofanyika kata ya Kinyeto Wilaya ya Singida Kaskazini Mkoani Singida

 Viongozi wakifurahia jambo

Mgombea Ubunge Jimbo la Singida Kaskazini Ndg:Justine Monko akijinadi katika mkutano wa Hadhara uliofanyika kata ya Kinyeto Wilaya ya Singida Kaskazini Mkoani Singida (PICHA ZOTE NA FAHADI SIRAJI)