UWANJA WA NDEGE SINGIDA NI 'JIPU' NANI WA KULITUMBUA?

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

mfanyakazi  wa  kikosi  cha zimamoto na uokozi katika  uwanja  wa  ndege wa mkoa wa Singida akijiandaa  kwa kukifanyia majaribio  kifaa chake  cha  kuzimia moto wakati  ndege  iliyombeba balozi wa China nchini Dr  Lu Yong,ng ikiwasili katika  uwanja  huo jumapili ya May 29 wakati wa  ziara  yake wilayani Iramba

Hapa mfanyakazi  huyo akiwa pekee yake  huku akifanya kazi  tatu kwa  wakati mmoja kuelekeza ndege  hiyo ,kushika kifaa cha  kuzimia moto iwapo  hitirafu  itajitokeza na tatu kuweka gogo kwenye taili la ndege  baada ya kutua

Hapa  akielekea  kuelekeza eneo la  kutua

Hapa  akimwelekeza rubani wa  ndege hiyo huku  kulia kifaa kinachotumika kama gari la zimamoto na uokozi likiwa limeegeshwa kulia

Hapa  anakamilisha  kuelekeza eneo la  kutua anajiandaa kurudi  kuchukua kigogo kwenye gari  hili maalum ambalo kweli  bado mamlaka  ya  viwanja  vya ndege  vinapaswa  kulitazama   hili pasipo kusubiri majanga  ili  kuunda tume ya uchunguzi wa kitakachotokea

Ndege  ikiwa  imetua huku kifaa kinachotumika kama  gari la zimamoto na uokozi  kikiwa pembeni na mhudumu wa kifaa hicho  kushoto

Rubani  akimtazama  mfanyakazi  huyo mmoja anayefanya kazi  tatu kwa  wakati mmoja katika  uwanja wa ndege Singida

Hapa  akielekea  kuweka kigogo kwenye ndege  ushauri  wetu matukiodaimaBlog kwanza kwa kamati ya  ulinzi na usalama mkoa  wa Singida  kulitazama suala   hili la kiusalama kwa jicho la tatu kwani hatuombi jambo basi kutokea  ila ni  vema kinga  kuliko  tiba ,pili uongozi wa kiwanja  hicho  cha ndege kuongeza  wafanyakazi na hata  kuomba gari la kisasa katika uwanja  huo , tatu wizara  husika  kulitazama   hili na mwisho uongozi wa viwanja vya ndege nchini kutoka ofisini na kuzungukia  viwanja  vyote kikiwemo  hiki  cha Singida kuangalia changamoto  zake vinginevyo hili ni  jipu sasa ni nani wa  kujitolea  kulitumbua ?

TAASISI ZA SERIKALI ZILIZOUNGANISHWA NA MFUMO WA SIMU ZENYE ITIFAKI YA INTANETI ZATAKIWA KUTUMIA HUDUMA HIYO KUPUNGUZA GHARAMA YA MAWASILIANO.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Na. Aron Msigwa –MAELEZO.

Serikali kupitia Wakala ya Serikali Mtandao (e-Government Agency) imezitaka taasisi zote zilizounganishwa kwenye mfumo wa simu zenye itifaki ya intaneti (Internet Protocol (IP) ambazo zinatumia intaneti kuzitumia simu hizo katika mawasiliano yao kila siku ili kuboresha utendaji kazi na kupunguza gharama za mawasiliano Serikalini.

Meneja  Habari, Elimu na Mawasiliano wa Wakala hiyo Bi. Suzan Mshakangoto amesema  kuwa Serikali imeamua kusisitiza matumizi ya simu hizo ili kuziwezesha taasisi  za Serikali kuwa na mawasiliano yaliyo bora, salama na kupunguza gharama za mawasiliano.

Amesema kuwa Serikali kupitia Wakala ya Serikali Mtandao (eGA) imeunganisha taasisi za  Serikali 72 ambazo zinajumuisha Wizara, Idara  zina zojitegemeana na Wakala za Serikali na kuongeza kuwa taasisi hizo zimeunganishwa na Mtandao wa Mawasiliano wa Serikali yaani ‘Government Communication Network (Govnet)’ unaowezesha mfumo wasimu hizo kufanya kazi kwa ufanisi.

 “ Kupitia mfumo wa simu hizi zenye itifaki ya intaneti mtumishi wa taasisi  iliyounganishwa anaweza kupiga simu kwenda taasisi nyingine ya nje ikawa kama amepiga simu ya ‘extension’ ndani ya ofisi moja” Amesema Bi. Suzan.

Aidha, amesema Taasisi za umma zitanufaika moja kwa moja na simu hizo kwa kuwa, taasisi hizo zitaweza kubadilisha na taarifa kupitia mtandao mmoja tuwa Mawasiliano wa Serikali kwa usalama na uhakika. Pia simu hizo zitawawezesha watumishi wa taasisi mbalimbali kufanya mkutano kwa njia ya simu wakiwa kwenye ofisi zao na hivyo kuokoa muda na gharama za usafiri.

Hata hivyo amesema taasisi za umma zilizopo katika mtandao wamawasiliano wa Seikali zitaendelea kuwasilia na na taasisi zilizo nje ya mtandao huo kwa kupitia mtoa huduma wa simu za mezani (PSTN Provider) kama vile TTCL.

Tigo yatoa visima 12 vya maji kwa vijiji 12 Singida

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Waziri wa Maji na Umwagiliaji, Mhandisi Gerson Lwenge (katikati)akikata utepe katika makabidhiano ya visima 12 vyenye thamani ya millioni 174 kutoka Kampuni ya Tigo akiwa na Mkurugenzi wa Tigo kanda ya Kaskazini George Lugata(kulia),na kushoto ni mkuu wa mkoa wa Singida  Mhandisi Mathew Mtigumwe, katika kijiji cha Mtinko, mkoa wa Singida juzi. 

Waziri wa Maji na Umwagiliaji, Mhandisi Gerson Lwenge (katikati)akifungua moja ya bomba katika kisima   katika makabidhiano ya visima 12 vyenye thamani ya millioni 174 kutoka Kampuni ya Tigo akiwa na Mkurugenzi wa Tigo kanda ya Kaskazini George Lugata(kulia),na kushoto ni mkuu wa mkoa wa Singida  Mhandisi Mathew Mtigumwe, katika kijiji cha Mtinko, mkoa wa Singida juzi.

 Mkurugenzi wa Tigo kanda ya Kaskazini George Lugata(kulia) akifungua bomba katika moja ya kisima katika makabidhiano ya visima 12 vyenye thamani ya millioni 174 kutoka Kampuni ya Tigo pembeni yake ni Waziri wa Maji na Umwagiliaji, Mhandisi Gerson Lwenge na kushoto ni mkuu wa mkoa wa Singida  Mhandisi Mathew Mtigumwe, katika kijiji cha Mtinko, mkoa wa Singida juzi.

Waziri wa Maji na Umwagiliaji, Mhandisi Gerson Lwenge (katikati)akimtwisha ndoo ya maji mmoja wa wakazi wa kijiji cha Mtinko  katika makabidhiano ya visima 12 vyenye thamani ya millioni 174 kutoka Kampuni ya Tigo akiwa na Mkurugenzi wa Tigo kanda ya Kaskazini George Lugata(kulia),na kushoto ni mkuu wa mkoa wa Singida  Mhandisi Mathew Mtigumwe, katika kijiji cha Mtinko, mkoa wa Singida juzi. 

Singida, Aprili 27th 2016:  Kampuni ya simu ya Tigo leo imekabidhi visima 12 vya maji  vyenye thamani ya 174m/- kwa vijiji 12 mkoani  Singida  ikiwa ni kuchangia juhudi za serikali  za kupunguza  uhaba wa maji safi na salama uliopo nchini.

Akizungumza kwenye hafla ya makabidhiano  iliyofanyika kwenye kijiji cha Mtinko wilayani Singida  mkoani Singida, Mkurugenzi wa Tigo Kanda ya Kaskazini George Lugata  alisema ufadhili huo  umo kwenye mikakati ya kampuni ya kusaidia  jamii katika kunyanyua hali zao za maisha.

 Vijiji vitakavyonufaika kutokana na ufadhili huo pamoja na wilaya zake kwenye mabano ni Lulumba (Iramba), Kisana (Iramba), Kisonzo (Iramba), Songambele (Iramba), Kinyeto (Singida Vijijini) na  Damankia (Ikungi). Vingine ni  Muungano (Ikungi), Ighuka (Ikungi), Kamenyanga (Manyoni), Sasajila (Manyoni), Mtinko (Singida Vijijini) and Kinampanda (Kinampanda).

 “Msaada huu ni sehemu ya uwekezaji wa Tigo kwenye miradi ya kijamii  ambayo inaleta tija kubwa kwa jamii. Tuna imani kwamba kupitia visima hivi, Tigo inasaidia  kutatua uhaba mkubwa wa maji  katika eneo hili la mkoa wa Singida  ambalo kwa kiwango kikubwa  limekumbwa na uhaba mkubwa wa mvua katika kipindi cha miaka mine  iliyopita,” alisema Lugata.

 Aidha aliongeza kuwa uhaba wa maji  miongoni mwa  wilaya nyingi za Singida  umesababisha wakiazi wake  kupoteza muda mwinmgi kutafuta  bidhaa hiyo muhimu, jambo ambalo  Tigo inaamini  kuwa hivi sasa litafikia ukomo kutokana na upatikanaji wa visima hivyo.

 Makabidhiano ya visima hivyo yalihudhuriwa na kushuhudiwa na Waziri wa Maji na Umwagiliaji, Mhandisi Gerson Lwenge  ambaye aliishukuru Tigo kwa ufadhili huo uliopatikana kwa wakati mwafaka akisema kwamba visima hivyo vitapunguza kwa kiwango kikubwa  uhaba sugu wa maji  uliolikumba eneo hilo  na kuchangia kukua ustawi wa jamii  kijamii na kiuchumi.

 Hata hivyo, alitoa wito kwa wadau wengine wa maendeleo  kuchangia kwenye juhudi kama hizo. Waziri Lwenge alisema, “Tunatoa shukrani za dhati kwa Tigo kwa kutuunga mkono kwenye juhudi zetu za kutatua  uhaba wa maji uliopo Singida na hata kwenye mikoa mingine nchini. Tuna imani visima hivi 12  vitasaidia kwa kiwango kikubwa kupunguza tatizo hili linaloikabili jamii kwa sasa”.

MWIGULU,SENDEKA WASHIRIKI MAZISHI YA CHRISTINA LISSU MKOANI SINGIDA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

 Waziri wa Kilimo,Mifugo na Uvuvi Mh.Mwigulu Nchemba akitoa heshima zake za mwisho mapema leo kabla ya mazishi, kwa aliyekuwa Mbunge wa CHADEMA (Viti maalum),Marehemu Christina Lisu,Wilayani Ikungi mkoani Singida.

 Mwenyekiti wa CCM mkoa wa Singida,Bi Martha Mlata akitoaa heshima zake za mwisho mapema leo kabla ya mazishi, kwa aliyekuwa Mbunge wa CHADEMA (Viti maalum),Marehemu Christina Lissu,Wilayani Ikungi mkoani Singida. 

Msemaji wa chama cha CCM,Ole Sendeka, Waziri wa Kilimo,Mifugo na Uvuvi Mh.Mwigulu Nchemba wakimpa pole Mbunge wa Singida Mashariki (CHADEMA),Mh Tundu Lissu,ambao waliwasili wilayani Ikungi mkoani Singida kushiriki Mazishi ya aliyekuwa Mbunge wa CHADEMA (Viti maalum),Marehemu Christina Lissu.

 Msemaji wa chama cha CCM,Ole Sendeka akimpa pole Mbunge wa Singida Mashariki (CHADEMA),Mh Tundu Lissu kwa kufiwa na dada yake

 Msemaji wa chama cha CCM,Ole Sendeka akitoa neno la pole kwa Wafiwa,ndugu,jamaa na marafiki kabla ya kufanya maziko, kwa aliyekuwa Mbunge wa CHADEMA (Viti maalum),Marehemu Christina Lissu,Wilayani Ikungi mkoani Singida.

Michuzi Media

MBUNGE CHADEMA AFARIKI DUNIA.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Na Mwandishi Wetu, Dar es Salaam
ALIYEKUWA Mbunge wa Viti Maalum kwa tiketi ya Chadema kutoka Mkoa wa Singida, Christina Lissu Mughwai amefariki dunia kwa ugonjwa wa kansa.
Christina ambaye ni dada wa Mbunge wa Singida Mashariki, Tundu Lissu (Chadema), alifariki dunia jana   katika Hospitali ya Aga Khan,   Dar es Salaam alikokuwa amelazwa.
Kwa mujibu wa taarifa iliyotumwa na Lissu katika kundi la mtandao wa kijamii la WhatsApp wa wabunge wa Chadema, Christina  alikuwa akisumbuliwa na   kansa tangu mwaka jana.
“Waheshimiwa nawasalimu kutoka Kibondo. Nina habari zisizokuwa njema. Dada yangu na aliyekuwa Mbunge wetu wa Viti Maalum, Christina Lissu Mughwai amefariki dunia muda mfupi uliopita katika Hospitali ya Aga Khan.
“Alikuwa anasumbuliwa na ugonjwa wa cancer (kansa) tangu mwaka jana. Niko nje ya Dar es Salaam na ndiyo kwanza taarifa hizi zimenifikia, sina taarifa zaidi juu ya mipango ya mazishi…tutawaarifu baada ya kushauriana na familia,”alisema Lissu.
Zitto atuma salamu
Mbunge wa Kigoma Mjini, Zitto Kabwe katika  salamu zake za rambirambi alizotuma katika ukurasa wake wa Facebook, alisema alipata kufanya kazi na Christina na kwamba aliipenda kazi yake, hivyo atamkumbuka daima.
“Christina Mughwai Lissu hatunaye. Nilibahatika kufanya kazi na dada Tina nikiwa Waziri Kivuli wa Fedha na yeye akiwa Naibu Waziri Kivuli. Tina ni msomi mzuri aliyependa kazi yake na ni mtu mwenye utulivu wa fikra.
“Natoa pole kwa familia nzima ya Lissu kwa msiba mkubwa uliowapata. Mungu ailaze roho ya marehemu mahala pema peponi,” alisema Zitto.
Mbunge wa Viti Maalum, Sophia Mwakagenda (Chadema) alipiga simu chumba cha habari MTANZANIA akieleza kusikitishwa na taarifa hizo za kifo cha Christina.
“Ni rafiki yangu mpambanaji, alijua kupangilia hoja zake bungeni, alikuwa akinipa moyo kabla sijawa mbunge.
“Aliniambia kupigania haki za wanyonge si kazi ya siku moja inahitaji ujasiri na kujitoa kwa niaba yao. Ametangulia kamanda Mungu ailaze roho yake mahala pema peponi Amina,” alisema.
Naibu Katibu Mkuu Bara (Chadema), Salum Mwalimu, alipopigiwa simu aliomba apewe muda  awasiliane na viongozi wenzake wa chama hicho kwa sababu hakuwa na taarifa zozote kuhusu kifo hicho.
“Ndiyo kwanza taarifa hizo nazisikia kwako, nipe muda kidogo niwasiliane na wasaidizi wangu   na viongozi wengine, nitakupa taarifa,” alisema Mwalimu.
CHANZO:MTANZANIA. 

WATUMISHI 3 WASIMAMISHWA KAZI IRAMBA.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Imeandikwa na Abby Nkungu, Iramba

 

KAIMU Mkuu wa Wilaya ya Iramba, mkoani Singida, Christopher Ngubiagai, ameagiza kusimamishwa kazi na kuwafikisha kwenye vyombo vya sheria watumishi watatu wa halmashauri hiyo kwa tuhuma mbalimbali, ikiwamo matumizi mabaya ya madaraka.

Ngubiagai ambaye pia ni Mkuu wa Wilaya ya Mkalama, mkoani humo alitaja tuhuma nyingine kuwa ni kushindwa kutoa ushauri makini na kusababisha upotevu wa fedha na nguvu za wananchi katika ujenzi wa bweni la wasichana la shule ya sekondari Kinyangiri wilayani Mkalama.

Aliwataja watumishi hao kuwa ni David Malegi, Mhandisi Msaidizi Ujenzi, Hashim Ndwata (Fundi Sanifu) na aliyekuwa Mratibu wa Mradi huo, Jeremiah Lubeleje ambaye kwa sasa amehamishiwa wilaya ya Masasi mkoani Mtwara.

Alieleza kuwa mradi huo wa ujenzi wa bweni la wasichana ulianza Septemba 6, mwaka 2011 wakati wilaya ya Mkalama ikiwa haijagawanywa kutoka wilaya mama ya Iramba.

Ngubiagai alisema wafadhili wa mradi huo, Ubalozi wa Japan walitoa hundi ya Sh milioni 133.7 kwa ajili ya ujenzi wa bweni hilo ambapo halmashauri ilipewa jukumu la kusimamia, kutoa ushauri wa kitaalamu, kununua na kuweka vitanda na magodoro ujenzi utakapokamilika.

“Ujenzi wa hosteli hiyo ulikuwa ukamilike Aprili 18, mwaka 2012 lakini hadi hivi leo ( zaidi ya miaka minne) haujakamilika na jengo limekaa bila kutumika, huku wasichana waliopaswa kulitumia wakitembea kilometa 14 kwenda na kurudi hali inayowaathiri kitaaluma,” alisema Ngubiagai.

Mkuu huyo wa Wilaya alisema kuwa licha ya ujenzi huo kutokamilika kama ambavyo mkataba ulielekeza, uongozi wa halmashauri ya Iramba pia umeshindwa kukabidhi bweni hilo kwa halmashauri ya wilaya ya Mkalama.

Kutokana na hali hiyo, alisema njia pekee ni kuwasimamisha kazi wahusika wa mradi huo ili uchunguzi wa kina ufanyike na ikithibitika wamehusika na tuhuma hizo hatua za ukiukwaji maadili ya utumishi wa umma zichukue mkondo wake.

Kusimamishwa kwa watumishi hao watatu kunafanya idadi ya waliosimamishwa katika halmashauri hiyo hadi sasa kufikia tisa. Februari mwaka huu watumishi sita wa Idara ya Afya nao walisimamishwa kwa tuhuma ya upotevu wa zaidi ya Sh milioni 145.2 za Mfuko wa Afya ya Jamii (CHF).

CHANZO: HABARI LEO

Tigo yafungua duka jipya mkoani Singida

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Mkuu wa Wilaya ya Singida mjini, Saidi Amanzi(katikati) akikata utepe kuzindua duka jipya la Tigo mkoani Singida jana, Wanaoshuhudia kushoto ni Mkurugenzi wa Tigo kanda ya kaskazini, George Lugata na Meneja huduma kwa wateja Tigo, Halima Kasoro.

Mkuu wa Wilaya ya Singida mjini, Saidi Amanzi(kulia) akiangalia bidhaa mbalimbali mara baada ya kuzindua duka jipya la Tigo mkoani Singida jana. Wanaoshuhudia katikati ni Mkurugenzi wa Tigo kanda ya kaskazini, George Lugata na kushoto ni Meneja huduma kwa wateja Tigo, Halima Kasoro.

Mkuu wa Wilaya ya Singida mjini, Saidi Amanzi(katikati) akiongea na mmoja wa wafanyakazi wa Tigo mara baada ya   kuzindua duka jipya la Tigo mkoani Singida jana, 

 Mkurugenzi wa Tigo kanda ya kaskazini, George Lugata akimkabidhi zawadi Mkuu wa Wilaya ya Singida mjini, Saidi Amanzi mara baada  kuzindua duka jipya la Tigo mkoani Singida jana, 

Mkuu wa Wilaya ya Singida mjini, Saidi Amanzi(katikati) akiwa katika picha ya pamoja na wafanyakazi wa  Tigo mkoani Singinda  mara baada ya kuzindua duka jipya la Tigo mkoani Singida jana, 

Kampuni ya simu ya Tigo imefungua duka jipya Singida ambalo limepunguza adha kwa wateja wa kampuni hii ambao walikuwa wanatafuta huduma kwa wateja umbali mrefu toka kwa makazi yao  

Akizungumza wakati wa uzinduzi wa duka hilo Mkurungezi wa Tigo Kanda ya Kaskazini Bw.George Lugata alisema uzinduzi wa duka hili ni moja ya mipango ya kampuni ya Tigo kusogeza huduma karibu na wateja wake.

"Kampuni ya tigo imeangalia fursa zilizopo katika eneo la Singida ambapo kwa pamoja tumeiona ni jinsi gani tunaweza kusaidiana na wakulima na wafanya biashara kuweza kufanya huduma mabalimbali za kibenki kwa kutumia simu za mkononi"Alisema Lugata. 

Lugata alisema kuwa duka hilo linategemea kuhudumia wateja wapatao mia tatu kwa siku wakipata huduma mbalimbali ikiwemo huduma za kuunganishwa kwenye intaneti, usajili wa laini za simu na kurudisha laini zilizopotea pia kununua simu za kisasa.

Kwa upande wa katibu wa mkuu wa wilaya ya Singida mjini Mhe.Saidi Amani alipongeza hatua za Tigo za ufunguzi wa duka hili kwa kuwa utarahisisha upatikanaji wa huduma kwa wateja wa wilaya ya Singida.

Tigo Tanzania ina jumla ya maduka (46) nchini, na duka hili linamaanisha kwamba tunaongeza ubora wa huduma zetu katika maeneo zaidi. Wateja wetu watakao tembelea duka hili wataweza kufurahia na huduma zetu mbali mbali matumizi ya smartphones, modemu za intaneti, Tigo Pesa, Muziki wa Tigo na Facebook ya bure inayotolewa na kampuni.

WALIMU 447 WILAYANI MANYONI YADAIWA HAWAJAPANDISHWA MADARAJA KWA MUDA MREFU

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Ni Katibu wa TSD Mkoa wa Singida,Bwana Samweli Ole Saitabau(aliyesimama) akitoa ufafanuzi juu ya upatikanaji wa haki za walimu wa wilaya ya Manyoni ambao bado haapandishwa madaraja yao.

Ni Baadhi ya wanachama wa CWT Wilaya ya Manyoni,Mkoani Singida wakiwa katika mkutano wa pamoja na Naibu Katibu Muu wa CWT,Bwana Ezekiah Oluoch  .

WALIMU 447 wa shule za msingi na sekondari katika Halmashauri ya wilaya ya Manyoni,Mkoani Singida hawajapandishwa madaraja yao mbalimbali kutoka mwaka 2014/2015 mpaka sasa hali ambayo imepunguza ari ya utendaji wao wa kazi za kila siku.

Katibu wa Chama Cha Walimu (CWT) Wilaya ya Manyoni, Nelea Nyang’uye aliyasema hayo kwenye taarifa ya kamati ya utendaji ya chama hicho aliyotoa kwa Naibu katibu mkuu CWT,Ezekiah Oluoch aliyekuwa na ziara ya siku moja wilayani Manyoni iliyolenga kusikiliza kero pamoja na kuzitafutia ufumbuzi.

Aidha Nelea alifafanua kwamba kati ya walimu hao,walimu 390 ni walimu wa shule za msingi na kwamba walimu 276 licha ya kuwa na sifa za kupandishwa madaraja lakini mpaka wamefikia hatua ya kugota na bila kupandishwa na walimu 114 wanastahili kupandishwa kwa utaratibu wa kawaida.

Kwa mujibu wa katibu huyo wa CWT,kwa upande wa idara ya elimu sekondari kuna walimu 9 waliogota na walimu 50 wanastahili kupandishwa kwa utaratibu wa kawaida lakini mamlaka zinazohusika zimeshindwa kushughulikia wilayani hapa.

Kuhusu malipo ya fedha za likizo,Nyang’uye aliweka bayana kuwa kwa kipindi cha mwezi disemba,mwaka jana Halmashauri ya wilaya ya Manyoni ilitarajia kupokea shilingi milioni 30 lakini fedha walizopokea ni shilingi milioni 21 na hivyo kuwa na upungufu wa shilingi milioni saba.

Hata hivyo msemaji huyo wa chama alisisitiza kwamba fedha hizo za nauli ya likizo hupelekwa kidogo sana na kibaya zaidi fedha hizo hupelekwa wakati likizo ikiwa imeshaanza au inakaribia kwisha,jambo ambalo linapelekea walimu wwenye haki ya kulipwa kuanza kukopa.

“Nauli za likizo kuletwa kidogo mno na zinaletwa wakati likizo ikiwa imeanza au inakaribia kwisha,jambo ambalo linapelekea walimu wenye haki ya kulipwa kuanza kukopa,kwa mfano nauli ya mwezi disemba,mwaka jana iliyoletwa kwa idara ya elimu ya msingi ni shilingi 23,000,000/= na idara ya elimu sekondari ni shilingi milioni saba”alisisitiza katibu huyo wa CWT.

Nyang’uye hata hivyo alionyesha masikitiko yake kutokana na Tume ya Utumishi wa Walimu(TSD) wilaya ya Manyoni kushindwa kushughulikia mashauri ya kinidhamu kwa wakati na hivyo kuchukua muda mrefu sana na kutoa mfano wa shauri moja la walimu wawili waliosimamishwa kazi tangu mwaka 2013 mpaka sasa hawajuia hatma yao.

Picha na Michuzi Media

Afungwa jela miaka 120 kwa kumiliki nyara za serikali

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

WASHITAKIWA sita waliokuwa wanakabiliwa na makosa mawili ya kumiliki vipande 53 vya meno ya tembo vyenye thamani ya zaidi ya Sh milioni 149. 3 na uwindaji haramu kinyume na sheria wamehukumiwa kwenda jela miaka 120 na kulipa faini ya Sh bilioni 1.4 .

Waliokumbwa na adhabu hiyo ni Eliud Selema Mayunga (38) mkazi wa kijiji cha Kiombo, Ramadhani Said maarufu “Biladuka” (47) mkazi wa Itigi, na Leonard Oscar maarufu “Sunzu” (31) mkazi wa Karangari, wilayani Manyoni.

Wengine ni Philemon Michael maarufu “Kanyonga” (31) mkazi wa Kitaraka Itigi, Iddi Waziri au “Issah Ustadh” (30) mkazi wa kijiji cha Kiombo na Jimmy Charles Lyimo (39) mfanyabiashara wa Tabora.

Mwanasheria wa Serikali, Petrida Mutta alidai mbele ya Hakimu Mfawidhi Mwandamizi wa Mahakama ya Hakimu Mkazi Singida, Joyce Minde kuwa mnamo Machi 31 mwaka 2014 muda usiojulikana, washitakiwa walikamatwa wakiwa na vipande hivyo nyumbani kwa Iddi Waziri.

Mutta aliiomba Mahakama itoe adhabu kali kutokana na vitendo vya uwindaji na biashara za nyara za serikali kuendelea kushamiri.

“Vitendo hivi haviwezi kufumbiwa macho kwa sababu vikifumbiwa macho, fahari ya nchi hii ya kuwa na wanyama pori itatoweka.”

Washtakiwa ambao wakili wao Josephat Raphael Wawa hakuwepo mahakamani, kila mmoja kwa nafasi yake, aliiomba Mahakama impe adhabu nafuu kutokana na kuwa kosa lao la kwanza.

Akitoa hukumu, Hakimu Minde alisema kuwa upande wa Jamhuri umethibitisha bila kuacha shaka yoyote kwamba washtakiwa wanayo hatia kwa makosa yote mawili. Alisema, kwa kosa la kwanza kila mmoja atatumikia jela miaka 20 na kwa kosa la pili kila mmoja atalipa faini ya Sh milioni 248. 8 tu.

Chanzo Habari leo

WAZEE WA KIMILA WAHUSISHWE VITA DHIDI YA UKEKETAJI.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

ZAIDI ya wanawake 9,000 mkoani Singida wamegundulika kuwa wamekeketwa katika kipindi cha miaka mitatu iliyopita.

Daktari Bingwa wa Ushauri wa magonjwa ya Wanawake na Uzazi mkoani hapa, Suleiman Mutani aliyasema hayo kwenye Jukwaa la Kitaifa la kuadhimisha Siku ya kupinga ukeketaji lililofanyika mjini hapa.

Dk Mutani alisema, idadi hiyo ya waliokeketwa ni sawa na asilimia 20.8 ya wanawake wote waliokwenda kujifungua kwenye vituo mbalimbali vya kutolea tiba mkoani humu, kati ya Januari 2013 na Desemba mwaka jana.

“Wanawake 9,386 walibainika kufanyiwa ukeketaji, jambo ambalo ni kinyume cha sheria na ni ukiukwaji wa misingi ya haki za binadamu, licha ya kuwa na madhara makubwa ya kiafya” alisema Dk Mutani.

Alitaja madhara yatokanayo na ukeketaji kuwa ni pamoja na kuwa na uzazi pingamizi wakati wa kujifungua, wanawake kupata shida wakati wa hedhi, uwezekano wa kupata fistula, kuugua maradhi ya kujamiiana na kuhisi maumivu makali wakati wa tendo la ndoa.

Dk Mutani alisema pia kuwa madhara hayo ni matokeo hasi yasababishwayo na jamii husika kuendelea kukumbatia mila hiyo potofu .

Mkurugenzi Mtendaji wa Chama cha Waandishi wa Habari Wanawake (Tamwa), Edda Sanga alisema, madhumuni ya jukwaa hilo ni kutoa fursa kwa wadau kujadili kwa kina utekelezaji wa maazimio ya miaka iliyopita na kupanga mikakati na njia bora zaidi za kukabiliana na mbinu mpya za ukeketaji.

Alitaja mikoa ambayo ni vinara wa ukeketaji na asilimia kwenye mabano kuwa ni Manyara (71), Dodoma (64), Arusha (59), Singida (51) na Mara (40).

Mikoa mingine ambayo pia inahusishwa na ukeketaji kutokana na watu wa makabila yanayoendesha vitendo hivyo kuhamia, ni Dar es Salaam, Pwani na Morogoro.

Hata hivyo, wadau waliohudhuria kikao hicho walisema kuwa, pamoja na mikakati mbalimbali, mbinu bora zaidi ni kuwawezesha ngariba kuwa na miradi ya kipato mbadala ili waache biashara ya kukeketa.

Aidha, walishauri wazee wa kimila katika maeneo husika wahusishwe kikamilifu katika vita dhidi ya ukeketaji kwa sababu wanaheshimika zaidi na wana ushawishi mkubwa kwa jamii.

Jukwaa hilo la siku mbili lililoandaliwa na Tamwa, limefadhiliwa na Shirika la Umoja wa Mataifa linaloshughulikia Idadi ya Watu (UNFPA). Lilihudhuriwa na wadau kutoka mikoa minane ambayo baadhi ya makabila yake yanaendesha ukeketaji.

CHANZO: HABARI LEO.

BURUNDI YAWATAKA WATANZANIA KUMUUNGA MKONO RAIS MAGUFURI.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Rais Pombe Magufuri.

SERIKALI ya Burundi na chama tawala cha nchi hiyo CNDD-FDD imewataka Watanzania kumuunga mkono Rais John Magufuli katika azma yake ya kusimamia nidhamu ya viongozi na kuleta maendeleo kwa taifa.

Mkuu wa Wilaya ya Kibago mkoani Makamba nchini Burundi, Juma Albert alitoa kauli hiyo akiongoza ujumbe wa watu watano wa kiserikali na chama tawala cha nchini humo, waliohudhuria maadhimisho ya miaka 39 ya kuzaliwa kwa Chama Cha Mapinduzi (CCM), yaliyofanyika kimkoa kwenye kijiji cha Munzenze, wilayani Buhigwe mkoani hapa.

Albert alisema, Serikali ya Burundi na chama tawala cha CNDD- FDD imekuwa ikifuatilia mambo yanayofanywa na Rais Magufuli na kwamba, wanamuunga mkono kwa yale anayofanya ambayo yamekuwa na tija kwa uchumi wa Tanzania.

Alisema, Magufuli pia amekuwa akilenga kuimarisha uchumi wa nchi yake sambamba na ustawi wa jirani zake ikiwemo Burundi. Pamoja na hayo viongozi hao walitoa shukrani zao kwa wananchi wa Kigoma kuendelea kuwahifadhi ndugu zao katika kambi mbalimbali za wakimbizi, kufuatia mapigano ya wenyewe kwa wenyewe nchini mwao.

Akizungumza katika maadhimisho hayo, Mwenyekiti wa CCM Mkoa wa Kigoma, Dk Walid Kabouorou aliwataka viongozi wa upinzani kukubali kwamba uchaguzi umekwisha na CCM ndio mshindi.

Alisema, kutokana na hilo, hawana budi kuungana na kutekeleza Ilani ya CCM kwa kuhakikisha miradi ya maendeleo iliyopangwa kutekelezwa inafanikiwa. Awali, Mkuu wa Mkoa wa Kigoma, Issa Machibya aliwataka wananchi kupeleka watoto wao shule ili kuunga mkono mpango wa Serikali wa kuondoa ujinga kwa Watanzania kutojua kusoma na kuandika.

Alisema, kumekuwa na tabia ya kuwaficha watoto walemavu na kuwanyima haki yao ya kupata elimu, hivyo aliitaka jamii kuwafichua wote wenye kuendekeza ukatili huo dhidi ya wenye ulemavu.

 CHANZO: HABARI LEO

RAIS MAGUFULI AHUTUBIA KATIKA SHEREHE ZA MIAKA 39 YA CCM SINGIDA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

RAIS MAGUFULI AOMBOLEZA POLISI WALIOKUFA AJALINI SINGIDA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Rais John Magufuli.

Rais John Magufuli, amemtumia salamu za rambirambi Mkuu wa Jeshi la Polisi nchini, Inspekta Jererali, Ernest Mangu, kufuatia vifo vya askari watatu waliopoteza maisha katika ajali ya gari iliyotokea juzi katika kijiji cha Isuna, wilayani Ikungi mkoani Singida.

 

Askari waliopoteza maisha katika ajali hiyo ni Inspekta Miraji Mwegelo, Sajenti Elias Mrope na Sajenti Gerald Mtondo.

 

Kwa mujibu wa taarifa iliyotumwa kwa vyombo vya habari jana na Kaimu Mkurugenzi wa Mawasiliano Ikulu, Gerson Msigwa, Rais amesikitishwa na vifo vya askari hao, ambao wamekutwa na mauti wakiwa wanatekeleza majukumu yao ya kazi.

 

“Kupitia kwako Mkuu wa Jeshi la Polisi, natoa pole nyingi kwa familia za askari waliopoteza maisha, ndugu, jamaa na marafiki pamoja na askari wote wa jeshi hilo ambao wameguswa kwa namna ya pekee na msiba huu,” ilieleza taarifa hiyo.

 

Rais Magufuli pia amewatumia salamu za pole askari walioumia katika ajali hiyo, akiwamo Mkuu wa Kikosi cha Usalama Barabarabi Mkoa wa Singida, Mratibu wa Polisi, Peter Magira na kuwaombea wapone haraka ili waendelee na majukumu yao ya kila siku.

CHANZO: GAZETI LA NIPASHE