AJALI YAUA WATATU SINGIDA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

 

WATU watatu akiwemo Mkuu wa Shule ya Sekondari ya Kata ya Ngimu katika Halmashauri ya Wilaya ya Singida, wamekufa na wengine 10 kujeruhiwa baada ya gari aina ya Noah waliyokuwa wakisafiria kuacha njia na kupinduka katika Kijiji cha Ijanuka, Manispaa ya Singida.

Mganga Mfawidhi wa Hospitali ya Mkoa wa Singida, Dk. Deogratius Banuba, aliwataja waliopoteza maisha kuwa ni Mkuu wa Shule ya Sekondari ya Kata ya Ngimu, Tatu Bunku mwenye umri wa kati ya miaka 45 na 50 aliyefia hospitali ya mkoa alipokuwa akipatiwa matibabu, dereva wa gari hilo, Enock Mbaga (31) mkazi wa Arusha na Hajira Ikhala (21) mwanafunzi wa Shule ya Sekondari Ngumbu, mkoani Shinyanga aliyefariki dunia papo hapo.

Aliwataja waliolazwa hospitali hapo kuwa ni Ramadhani Hamisi (46) mkazi wa Kijiji cha Sepuka, Adamu Juma (28) mkazi wa Kijiji cha Mgori na Mariamu Ramadhani (6) mkazi wa Kijiji cha Sepuka.

Wengine ni Asha Saidi (26) Neema Mwiru (44) na Teddy Kesi (24) wakazi wa Kijiji cha Ngimu, Therecie Pantaleo (14) mkazi wa Kijiji cha Ilongero, Wilieliamana Elisante (24) mkazi wa Kijiji cha Mang’onyi na  Adamu Kiula (24).

Kaimu Kamanda wa Polisi wa Mkoa wa Singida, Mrakibu Mwandamizi wa Polisi (SSP), Claud Kanyorota, alisema ajali hiyo ilitokea jana, saa moja asubuhi katika eneo la Kijiji cha Ijanuka.

Alisema uchunguzi wa awali umeonyesha chanzo cha ajali hiyo ni mwendo kasi wa gari hilo T 227 BLN Toyota Noah uliosababisha tairi la gari hiyo iliyokuwa na abiria 13 kupasuka na hivyo kupinduka.

Kaimu kamanda huyo alitumia fursa hiyo kutoa wito kwa waendesha vyombo vya moto kuwa makini na kuepuka kujaza abiria zaidi ya uwezo wa vyombo husika pamoja na kuepuka mwendo kasi.

Chanzo:Tanznia Daima 

HABARI NJEMA KWA WALE WOTE WALIOKOSA NAFASI KUENDELEA NA MASOMO KIDATO CHA TANO SERIKALINI , SASA MNAWEZA KUOMBA KUSOMESHWA SOMA HAPA.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Utoaji elimu ya afya ya uzazi na ujinsia wafanikiwa

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Mratiibu msaidizi wa polisi mkoa wa Singida,Irene Mbwatila,(anayeangalia kamera),akizungumza na timu ya pamoja ya maafisa wa shirika la HAPA,YMC na RFSU, inayofanya utafiti juu ya mradi wa ushiriki sawa wa wanaume katika afya ya uzazi na ujinsia.

Baadhi ya wanaume wakiwa na wake zao wakazi wa kijiji cha Ntuntu wilaya ya Ikungi mkoa wa Singida, wakiwa kwenye foleni katika kliniki ya kijijini hapo,wakisubiri kuingia kumwona muuguzi. Elimu iliyotolewa kwa pamoja na mashirika ya HAPA na YMC,ya umuhimu wa ushiriki sawa wa wanaume katika afya ya uzazi na unjisia, katika kipindi cha miaka mitatu, imechangia wanaume pamoja na mambo mengine, kusindikiza wake zao kliniki kutoka asilimia 0 hadi 80 ya sasa.

Muuguzi wa zahanati ya kijiji cha Ntuntu wilaya ya Ikungi mkoa wa Singida, Mary Lema, akitoa dawa kwa mama mjamzito Lucia Hongoa, huku mume wake Edward akiwa anashuhudia. Kijiji cha Ntuntu ni moja ya vijiji ambavyo elimu ya ushiriki sawa wa wanaume katika afya ya uzazi na ujinsia,inatolewa.

Muuguzi wa zahanati ya kijiji cha Ntuntu wilaya ya Ikungi mkoa wa Singida, Mary Lema akitoa taarifa yake juu ya utekelezaji wa mradi wa ushiriki sawa wa wanaume katika afya ya uzazi na ujinsia kwa waandishi wa habari (hawapo pichani). (Picha na Nathaniel Limu). 

Na Nathaniel Limu, Ikungi

 ELIMU ya ushiriki sawa wa wanaume katika afya ya uzazi na ujinsia inayotolewa kwa pamoja na mashirika yasiyo ya kiserikali ya HAPA na YMC imezaa matunda baada ya wanaume kubadilika, na kuanza kusindikiza wake zao klinki na kusaidia kazi zote za nyumbani,imeelezwa.

Akizungumza na waandishi wa habari ofisini kwake, muuguzi wa kliniki ya zahanati ya kijiji cha Ntuntu wilaya ya Ikungi mkoa wa Singida, Mary Lema, amesema kuwa miaka mitatu iliyopita,hakukuwa na mwanaume anayesindikiza mke wake klinki.

Alisema elimu hiyo imewahamasisha na kuwaelimisha wanaume ambao kwa sasa wanashiriki kikamilifu, afya ya uzazi na ujinsia kutoka asilimia 0 hadi 80.

Lema amesema kuwa kwa sasa kama mwanaume hajamsindikiza mke wake mjamzito kliniki,atafanya hivyo kwa sababu za msingi.

“Kwa kawaida wanaume wakazi wa wilaya hii na mkoa kwa ujumla,huwa ni mwiko kusindikiza mke kliniki au kufanya kazi zingine za nyumbani kama kufua nguo,kupika,kuchota maji na kusenya kuni.Lakini baada ya elimu hii ya ushiriki sawa wa wanaume katika afya ya uzazi na ujinsia kutolewa,wanaume karibu wote,wamebadilika”,alifafanua.

Akifafanua zaidi,alisema kuwa wanaume karibu wote wa kijiji cha Ntuntu kwa sasa wanafanya/wanashiriki  shughuli zote za nyumbani sawia na wanawake,kitendo kinachoboresha sana mahusiano na mapenzi.

Kwa upande wake Ana Charles, amesema kuwa baada ya elimu hiyo kutolewa kijijini hapo, wanaume wamebadilika mno kwa kuwa wapole, kuwahi kurudi nyumbani na mapenzi yameboreka zaidi.

“Kwa sasa wanaume wetu wamejenga tabia ya kuambatana nasi kwenda kupata moja baridi kitendo ambacho hakikuwepo miaka mitatu iliyopita.Pia wamekuwa wapole hatupigwi ovyo kama ilivyokuwa zamani”,amesema Ana huku akitambasamu.

Wanaume washiriki afya ya uzazi, jinsia kwa kusindikiza wake zao kliniki

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Kaimu mkurugenzi mtendaji wa halmashauri ya wilaya ya Singida, Joseph Sabore (anayeangalia kamera) akizungumza na maafisa wa shirika lisilo la kiserikali la Health Actions Promotion Association (HAPA), YMC na WaterAid Tanzania, ambao wako katika halmashauri hiyo kufanya tathimini ya mradi wa ushiriki sawa wa wanaume katika afya ya uzazi na ujinsia. Mradi huo unaotarajiwa kugharimu zaidi ya shilingi 1.6 bilioni, unatekelezwa kwa kipindi cha miaka mitatu na unatarajiwa kufikia ukingoni Desemba mwaka huu.(Picha na Nathaniel Limu).

Na Nathaniel Limu, Singida

MRADI wa ushiriki sawa wa wanaume katika afya ya uzazi na ujinsia (TMEP) unaotekelezwa katika Halmashauri ya wilaya ya Singida,umeanza kuzaa matunda yanayotarajiwa baada ya asilimia 89 ya wanaume kubadilika na kuanza kusindikiza wake zao kliniki na vituo vya afya.

Hayo yamesemwa hivi karibuni na Muuguzi Mkuu wa Halmashauri hiyo,Bertha Herman wakati akitoa taarifa yake ya ushiriki sawa wa wanaume katika afya ya uzazi na ujinsia, kwa maafisa wa shirika lisilo la kiserikali la Health Actions Promotion Association (HAPA),YMC na WaterAid Tanzania,ambao wanafanya tathimini ya mradi huo wa miaka mitatu unaotarajiwa kumalizika desemba mwaka huu.

Amesema katika miaka ya nyuma ambayo ilikuwa imetawaliwa na mfumo kandamizi (mfumo dume),ilikuwa mwiko kwa mwanaume kumsindikiza mke wake kliniki au kumsaidia kazi za nyumbani ikiwemo ya kufua nguo za watoto,kuandaa chakula na kusafisha mazingira ya kaya yao.

Amesema mfumo huo kwa kiasi kikubwa ulipunguza mawasiliano baina ya mke na mume na ulijenga utamaduni wa kuwa mwanaume ana haki ya kumpa kipigo kikali mke pindi anapoona inafaa.

“Baada ya kuanzishwa kwa mradi huu miaka mitatu iliyopita,mambo yanaendelea kubadilika kwa kasi kubwa.Kwa sasa si rahisi kusikia mwanaume amempiga mke wake.

“Wanaume wametambua kuwa wana wajibu wa kusindikiza wake zao kliniki kwa faida kwamba wanaweza kujua mapema kama kuna tatizo.Pia wanaume wengi sasa wanawapeleka watoto wao wachanga kliniki,kuwaogesha na kufua nguo zao.Kwa ujumla mradi huu umeboresha mno ndoa za wanafamilia wengi”,alifafanua.

Kwa upande wake mkazi wa kijiji cha Mtamaa Manispaa ya Singida,Mohammed Alute amesema elimu waliyoipata kupitia mradi wa TMEP, imesaidia mno wanandoa kushirikiana katika kutekeleza majukumu yote ya kifamilia ambayo hapo zamani,aliachiwa mwanamke peke na kuchangia kudhoofisha afya za akina mama.

“Kwa upande wangu na kwa kweli kwa wanaume wengi waliopata elimu inayotolewa na mradi wa TMEP,hatuoni kinyaa kupika chakula,kwenda kiliniki au kufua nguo za familia.Kumbe mwanamke akisaidiwa kazi za nyumbani,hachakai wale hazeeki upesi na kwa ujumla ushiriki huu,unaongeza mapenzi zaidi baina ya wana ndoa”,amesema Alute.

Naye Kaimu Mkurugenzi wa Halmashauri ya wilaya ya Singida,Joseph Sabore amesema mradi wa TMEP,umeleta mabadiliko makubwa kwa wakazi wa halmashauri hiyo ambapo sasa wanandoa wanaweza kukaa pamoja na kupanga utaratibu wa uzazi wa mpango kuliko ilivyokuwa hapo awali.

Amesema wamejiandaa vema ili kuendeleza mradi huo wakati TMEP itakapoacha kusimamia utekelezaji wa mradi huo.Elimu na uhamasishaji utaendelezwa kwa jamii na katika shule za msingi,sekondari na vyuo.

Mradi huo unaotarajiwa kumalizika desemba mwaka huu,unatekelezwa kwa gharama ya zaidi ya shilingi 1.6 bilioni.

Waziri wa Maliasili na Utaliii, Nyalandu aipiga jeki ofisi ya Qadhi mkoa wa Singida

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Mkuu wa wilaya ya Singida, Queen Mlozi akizungumza muda mfupi kabla msaidizi wa Waziri wa maliasili na utalii,  Helen Mtalemwa (wa pili kulia) kukabidhi shilingi milioni kumi kwa ajili ya kuipunguzia makali ya uendeshaji ofisi ya Qadhi mkoa wa Singida.

Msaidizi wa Waziri wa Maliasili na Utalii, Helen Mtalemwa akimkabidhimsaada wa shilingi 10 milioni  Katibu wa mahakama ya Qadhi mkoa wa Singida, Alhaj Burhan Mlau kwa ajili ya kupunguza makali ya uendeshaji wa mahakama hiyo mjini Singida.(Picha na Nathaniel Limu).

LISSU AISHUKIA SERIKALI BUNGENI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

MBUNGE wa Singida Mashariki, Bw. Tundu Lissu (CHADEMA), amedai Serikali imekuwa ikitoa taarifa za uongo kwa wananchi juu ya mgawanyo wa madawati katika halmashauri mbalimbali nchini yaliyotokana na fedha zilizozidi kununulia rada 'chenchi ya rada'.

Bw. Lissu aliyasema hayo bungeni Mjini Dodoma jana wakati akichangia Bajeti ya Serikali Kuu kwa mwaka wa fedha 2014/15. Alisema katika hotuba ya Waziri Mkuu, jedwali la mgawanyo wa madawati lilionesha Serikali iligawa madawati 93,740 lakini Naibu Waziri alidai madawati hayo hayajatolewa yote.

Alisema katika jedwali hilo, lilionyesha kulikuwa na mgawo wa madawati hewa 3,048 kwenye Mkoa wa Singida ikifafanua kila halmashauri ilipewa madawati 508 wakati hakuna dawati hata moja hivyo ni wazi kuwa wananchi wamedanganywa na Serikali yao.

Naye Mbunge wa Tumbe, Bw. Rashid Ally Abdallah (CUF), alisema Bajeti ya Serikali Kuu kwa mwaka 2014/15, haiendani na hali halisi ya maisha ya wananchi kwani haiwezi kutekelezeka.

Alisema kasi ya ukuaji uchumi haiendani na mahitaji ya wananchi kutokana na matumizi makubwa kuliko mapato kama ilivyotokea katika Bajeti ya 2013/14 ambapo Wizara ya Fedha imeshindwa kutekeleza sera mbalimbali za Serikali.

"Ipo haja ya kujua tatizo ni nini, Wizara mbalimbali hazipewi fedha wanazoomba kwa ajili ya kutekeleza mipango mbalimbali... baadhi ya wabunge walishauri vyanzo vipya vya mapato, mimi naona ushauri huu ni kazi bure kama Serikali inakosa fedha," alisema.

Aliongeza kuwa, Serikali haina nidhamu ya matumizi ya fedha kutokana na vitendo vya rushwa, ufisadi ambavyo ni janga la kitaifa kwenye sekta mbalimbali ikiwemo ya ujenzi wa miundombinu na utoaji tenda.

"Ripoti ya Mdhibiti na Mkaguzi Mkuu wa Hesabu za Serikali (CAG), imeeleza wizi mkubwa wa fedha katika halmashauri... kama wananchi wanalipa kodi na fedha zinafujwa kwanini tuendelee kuishauri Serikali kuwa na vyanzo vipya vya mapato," alihoji Bw. Abdallah.

Alionesha wasiwasi wake juu ya ziara za viongozi kutumia fedha nyingi ikihoji sera ya Wizara ya Mambo ya Nje kutokana na msafara wa Rais kuwa na watu wengi pamoja na matumizi ya vyombo vya usafiri hivyo alishauri jambo hilo liangaliwe.

"Lazima Wizara iweke utaratibu kuhusu safari za viongozi vinginevyo kila siku watakuwa wakitumia zaidi ya bilioni 50...ifahamike watu ambao wanaongozana na Rais wanakwenda kwa lengo gani," alisema.

Mbunge wa Kisesa, Bw. Luhaga Mpina (CCM), aliishukia Kamati ya Bajeti kuendelea na vikao vyake nje ya Bunge wakati wabunge wakijadili Bajeti ya Serikali Kuu.

Alisema lipo tatizo kubwa la kushuka kwa thamani ya shilingi ya Tanzania hivyo ni vyema Serikali ikatoa majibu na kufafanua juu ya hatua zilizochukuliwa hadi sasa.

SEMA YATUMIA MIL.25/-KUSAIDIA WAKULIMA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

SHIRIKA la Mpango  Endelevu wa Uboreshaji Mazingira (SEMA), limetumia zaidi ya sh milioni 25 kununua vifaa vyenye ujumbe utakaowasaidia wakulima kubadilika ili kuendana na mabadiliko ya tabia nchi.

Hayo yamesemwa na Meneja wa shirika hilo lisilo la kiserikali, Ivo Manyaku mkoani hapa mwishoni mwa wiki, alipotoa taarifa ya utekelezaji wa programu hiyo.

Manyaku alitaja vifaa vilivyonunuliwa kwa lengo la kuwasaidia wakulima kuwa ni vinyago 30, fremu 48 zenye ujumbe mbalimbali, shajara 33, mabango 48, vipeperushi 300 na magari sita ya abiria yamebandikwa stika zenye ujumbe.

“Lengo kuu la hii programu ni kuona wadau mbalimbali wakiwemo serikali, asasi za kiraia, sekta binafsi na raia mwenyewe wakishirikiana, wakiwajibika na kuchukua hatua kukabiliana na mabadiliko ya tabia nchi ngazi zote,” alisema.

Alisema madhara yanayosababishwa na mabadiliko ya tabia nchi ni joto, ukame, mafuriko, vimbunga vikubwa, magonjwa na kupungua kwa vina vya maji katika vyanzo mbalimbali.

Alisema upo uwezekano wa kukabiliana na madhara ya mabadiliko ya tabia nchi kwa wakulima ikiwa ni pamoja na  kuendesha kilimo  bora na ufugaji wenye tija.

 Chanzo:Tanzania Daima

FAMILIA YAUAWA KINYAMA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

WATU watatu wa familia moja, akiwemo mwanafunzi wa sekondari, wameuawa kinyama kwa kukatwa mapanga shingoni na sehemu mbalimbali za miili yao na watu wasiojulikana.

Kamanda wa Polisi Mkoa wa Singida, Geofrey Kamwela alisema tukio hilo limetokea juzi saa 2:30 usiku katika Kijiji cha Msungua, Kata ya Irisya, Tarafa ya Sepuka wilayani Ikungi wakati wanafamilia hao wakiwa wamelala ndani.

Alisema kuwa marehemu hao waligundulika baada ya majirani kuona mwili wa mwanamke ukiwa nje, ndipo walianza kutaharuki na walipofuatilia ndani walikuta mwili wa mwanaume ukiwa umelezwa kitandani.

Aliwataja marehemu hao kuwa ni Mussa Mkuki (92), mkewe Tatu Sefu (69) na mwanafunzi wa Shule ya Sekondari Gumanga wilayani Mkalama, Jasmin Idd (17) ambaye alifariki dunia wakati akipatiwa matibabu katika zahanati ya Kijiji cha Sepuka.

Kamanda Kamwela alisema kuwa pia mwanafunzi wa darasa la tatu katika Shule ya Msingi Kisuluda, Mussa Nasoro, alijeruhiwa vibaya na kulazwa katika hospitali ya Mkoa wa Singida huku hali yake ikielezwa kuwa  mbaya.

Uchunguzi wa daktari umebaini kuwa watu hao walipoteza maisha kutokana na kuvuja damu nyingi katika majeraha waliyoyapata.

Hadi sasa chanzo cha tukio hilo la kutisha hakijafahamika na Jeshi la Polisi linaendelea na uchunguzi wake wa kina ili kubaini waliohusika.

Chanzo:Tanzania Daima 

CHADEMA WAPINGA WAKE WA MARAISI KUANZISHA TAASISI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

CHAMA cha Demokrasia na Maendeleo (CHADEMA) kimewatuhumu Rais Jakaya Kikwete na Rais mstaafu Benjamin Mkapa kwa kugeuza Ikulu kuwa kituo cha kuanzisha taasisi binafsi.

Shutuma hizo zilitolewa juzi na Mkurungenzi wa Sera na Utafiti wa CHADEMA, Mwita Waitara, wakati akihutubia mikutano ya hadhara kwa nyakati tofauti katika kata za Saranda na Makuru wilayani Manyoni, Singida.

Waitara alisema katika uongozi wao, marais hao waliwaruhusu wake zao kuanzisha taasisi binafsi kwa kutumia rasilimali za umma.

“Rais Mkapa alimruhusu mke wake Anna, akaanzisha Mfuko wa Fursa Sawa kwa Wote (EOTF) jambo ambalo limejirudua tena kwa mke wa Rais Kikwete, Salma aliyeasisi Taasisi ya Wanawake na Maendeleo (WAMA).

“Ndugu zangu, katiba iliyopo haisemi chochote kuhusu mke wa rais kutumia Ikulu kuanzisha taasisi yake,” alisema Waitara, huku akiwataka wananchi kudai katiba mpya wanayoitaka.

Kwa mujibu wa mkurugenzi huyo, rasimu ya katiba mpya iliyotolewa na Jaji mstaafu Joseph Warioba inataka zawadi zote anazopewa mke wa rais nje ya nchi, lazima iwe mali ya umma sio yake binafsi kama inavyofanyika sasa.

Mwenyekiti wa CHADEMA Singida, Shabani Limu, aliwaomba wananchi wa mkoa huo kujiandikisha kwa wingi kwenye maboresho ya daftari la wapigakura yaliyopangwa kufanyika Septemba.

 Chanzo;Tanzania Daima

Doris Mole (23) atwaa taji la Miss Singida 2014, apewa kitita cha shilingi laki tano

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

 

Huyu ndiye Miss Singida 2014 Doris Mole (23) akiwa na mshindi wa pili Blath Chambo na mshindi wa tatu Lulu Abdul.

Na Hillary Shoo, SINGIDA.

Doris Molel (23) Mwanafunzi katika chuo cha Kumbukumbu cha Mwalimu Nyerere Jijini Dar es Salam anayesomea siasa na Maendeleo ya Jamii mwaka wa tatuametwaa taji la Miss Singida Redds 20014.

Katika shindano hilo lililofanyika jana kwenye ukumbi wa chuo ha Uhazili Mjini hapa Molel, mbali na kutwaa taji hilo alijinyakulia kitita cha shilingi laki tano.

Nafasi ya pili ilichukuliwa na Blath Chambo ambaye aliambilia kiasi cha shilingi laki tatu huku mshindi  wa tatu Lulu Abdul akipata shilingi laki mbili.

Shindano hilo lilipambwa na wasanii mbalimbali akiwemo mama wa mipasho na taarabu, Hadija Kopa na wasanii mbalimbali wa Bongo Flava.

Mgeni rasmi mama balozi Seif Idd akimkabidhi fedha kiasi cha shilingi laki tano Miss Singida.

Mapema mgeni rasmi Mke wa Makamu wa Pili wa Zanzibar Assi Balozi Seif Iddy aliwataka washiriki wa mashindano hayo ya ulimbwende hapa nchini kujitambua, kusoma na kujiwekea malengo maalum.

Aidha aliwataka wasidanganyike na kujiona kuwa wao ni bora na hivyo kufanya vitendo viovu vinavyoweza kuhatarisha maisha yao ikiwa ni pamoja na kijiingiza katika mapenzi mapema.

Katika kumuunga mkono muandaaji wa shindano hilo Mkoani Singida, Bora Lemmy Mama Seif Iddi alimpatia kiasi cha shilingi laki sita ili aweze kuongezea washindi zawadi.

Warembo waliofanikiwa kuingia tano bora ya Miss Singida 2014.

Majaji wakiwa Kazini kwa makini.

Miss Singida akipita mbele kusalimia mashabiki wa ulimbwende mara baada ya kutangazwa mshindi.

Miss Singida akicheza muziki na mgeni rasmi.

Mamiss wenzake wakifurahia pamoja na mshindi Doris Molel.

Mameneja wa Coca Cola ambao nao walidhamini shindano hilo.

Mwandishi wa MO Blog Mkoa wa Singida Hillary Shoo, akiwa amepozi na mkewe Mama Hope.

Mke wa Makamu wa pili wa Rais wa Zanzibar Balozi Seif Iddy mama Assa akizungumza kwenye shindano la kumtafuta Miss Singida 2014.

Mama wa Mipasho Khadija Kopa akifanya vitu vyake jukwaani kabla ya kuanza shindano hilo.

Mwakilishi wa METL Singida Hasan Mazala akitoa nasaha zake mbele ya mgeni Rasmi.

METL mojwawapo ya wadhamini wa shindano hilo kwa miaka 13 sasa.(PICHA ZOTE NA HILLARY SHOO WA MO BLOG).

 

Wakazi wa Singida wahimizwa kulima Mtama

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Kamanda wa jeshi la polisi mkoa wa Mbeya,Ahmed Msangi (wa tatu kulia) akishiriki mchakamchaka muda mfupi kabla mwenge wa uhuru kukibidhiwa kwa uongozi wa mkoa wa Singida, katika kijiji cha Rungwa tarafa ya Itigi wilaya ya Manyoni.

Na Nathaniel Limu, Singida

WAKAZI wa Manispaa ya Singida,wamehimizwa kulima zao la mtama linalohimili ukame kama inavyoelekezwa na uongozi wa mkoa ili waweze kuondokana na uhaba wa chakula katika kipindi chote cha mwaka.

Wito huo umetolewa hivi karibuni na kiongozi wa Mbio za Mwenge wa Uhuru Kitaifa,Rachael Stephen Kasanda kwa nyakati tofauti wakati akizungumza na wananchi wa Manispaa ya Singida katika maeneo yaliyotembelewa na mwenge huo.

Amesema zao la mtama ni zao la asili na limepewa kipao mbele na serikali ya mkoa kwa hivyo wakulima hawana budi kuongeza bidii katika kupanua mashamba ya zao hilo ili waweze kujitosheleza kwa chakula na kupata ziada ya kuuza wajipatie kipato.

“Kijiji chenu mnakiita Mtamaa,sijui linatokana na zao linalohimizwa sana na mkuu wa mkoa,Dk.Parseko Kone,au lina maana tofati.Lakini ukweli unabaki pale pale kuwa zao la mtama,ni zao pekee litakalo hakikisha mkulima hakabiliwi na njaa kabisa”,alifafanua.

Mkuu wa wilaya ya Manyoni mkoani Singida,Fatuma Toufiq, (kushoto) akimkabidhi mkuu wa wilaya ya Singida,Queen Mlozi leo ili uweze kukimbizwa kwenye halmashauri ya manispaa ya Singida.

Katika hatua nyingine, kiongozi huyo wa mbio za mwenge wa uhuru, amesema upo umuhimu mkubwa mtala wa elimu wa sasa ukafafanua zaidi juu ya mwenge, ili vizazi vya sasa na vijavyo viwe na ufahamu  mkubwa  waweze kuuenzi.

Amesema mtama wa sasa unataja tu uwepo wa mwenge wa uhuru bila kufafanua zaidi,kitendo kinachochangia kizazi cha sasa kipate wakati mgumu katika kujua umuhimu wake.

“Muasisi wa nchi hii,mwalimu Julius Nyerere,aliamua kuwasha mwenge wa uhuru muda mfupi baada ya Tanganyika kupata uhuru,kwa lengo kuangaza mahali hakuna upendo, pawepo na upendo, mahali hakuna matumaini, yawepo matumaini”,amesema.

Akifafanua zaidi amesema kwa vile mwenge wa uhuru haukutolewa ufafanuzi au kueleza umuhimu wake kuwepo,kunachangia baadhi ya Watanzania wachache, kuanza kumdhihaki  mwalimu  Nyerere bila aibu.

Baadhi ya wanafunzi wa shule ya msingi Ng’aida manispaa ya Singida,waliofanikiwa kupata nafasi adimu ya kugusa Mwenge wa uhuru uliozindua vyoo bora katika shule hiyo.

 “Uzoefu unaonyesha kuwa makundi mbalimbali ya kanda za wafanyakazi,yanashikamana wakati wa raha na wa taabu.Lakini nashangazwa na Chama cha walimu Tanzania (CWT),walimu wamekaa kimya wakati mwalimu mwezao hayati Julius

Nyerere,akidhihakiwa ovyo hadharani na ndani ya bunge,bila wao kutoa tamko”.amesema kiongozi huyo kwa masikitiko.

 Rachael amesema wakati walimu Tanzania wamekaa kimya wakati mwenzao pamoja na kuwa amefariki dunia miaka mingi,lakini wakiitwa kushiriki maandamano yasiyo na tija yo yote, haraka wanashiriki na kupoteza muda wao mwingi.

Kiongozi wa mbio za mwenge wa uhuru kitaifa, Rachel Stephen Kasanda, akizindua rasmi choo bora cha shule ya msingi manispaa ya Singida.

Kiongozi wa mbio za mwenge wa uhuru kitaifa mwaka huu, Rachel Kasanda, akizungumza na wananfunzi na wazazi/walezi wa shule ya msingi Ng’aida manispaa ya Singida.Kulia ni mkuu wa wilaya ya Singida,Queen Mlozi.

Moja ya vyoo bora vya shule ya msingi Ngaida manispaa ya Singida vilivyozinduliwa jana na kiongozi wa mbio za Mwenge wa Uhuru kitaifa, Rachel Kasanda ambaye alihimiza kuwepo kwa maji ya kutosha kwa ajili ya matumizi ya vyoo hivyo.(Picha na Nathaniel Limu).