Singida watakiwa kuchangamkia Soko la Hisa

 WAJASIRIAMALI na wafanyabiashara mkoani Singida wametakiwa kuchangamkia fursa zilizopo Soko la Hisa la Dar es Salaam ili kuboresha na kuendeleza biashara zao.

Mwito huo ulitolewa juzi na Mkuu wa Mkoa wa Singida, Dk Parseko Kone wakati akifungua semina ya siku mbili juu ya Soko la kukuza ujasiriamali iliyofanyika ukumbi wa Aqua Vitae mjini hapa.

Dk Kone alisema kuwa Soko la Hisa la Dar es Salaam kupitia kitengo chake kipya kijulikanacho kama “Soko la Kukuza Ujasiriamali”, ni suluhisho la upatikanaji wa mitaji kwa wajasiriamali kote nchini.

Alisema kuwa soko hilo litatoa suluhisho kwa changamoto zinazowakabili wajasiriamali katika upatikanaji wa uhakika wa mitaji ya muda mrefu kwa ajili ya kuendeleza biashara zao, jambo ambalo limekuwa likiwasumbua wajasiriamali na wafanyabiashara.

“Kwa hiyo basi, soko la kukuza ujasiriamali litasaidia kuleta msukumo wa utekelezaji sera mbalimbali za serikali zinazolenga kuondoa changamoto hizo na kuleta urahisi wa upatikanaji wa mitaji kwa ajili ya kukuza biashara zao,” Dk Kone alisema.

Aidha, alieleza kuwa soko hilo linatarajiwa kulichangamsha soko kwa ujumla kupitia ongezeko la utoaji na uorodheshaji wa hisa, kupanua wigo na fursa za kuwekeza mitaji na kuongeza ari ya wananchi kujiwekea akiba.

Kwa mujibu wa mkuu wa mkoa huo, baadhi ya faida ziletwazo na soko hilo ni kupunguziwa kodi katika gawio, kusamehewa kodi kwenye ongezeko la thamani ya mtaji na ushuru wa stempu na punguzo kodi ya makampuni.

Chanzo;Habari Leo

Wavamia nyumba, wazichoma moto

MWENYEKITI wa Kijiji cha Makunda, Kata ya Kyengege, wilayani Iramba kwa kushirikiana na watu wengine zaidi ya 50 wamevamia na kuchoma moto nyumba mbili za wakulima wakipinga kuwa si wazaliwa wa eneo hilo na kujipatia ardhi zaidi ya ekari 285.

Habari za uhakika kutoka katika eneo la tukio hilo zinaeleza tukio hilo limetokea juzi, saa 8:00 mchana katika mashamba ya kilimo Kijiji cha Makunda.

Kwa mujibu wa habari hizo, siku ya tukio watuhumiwa wakiwa na silaha za jadi walivamia makazi ya mkulima mwezao, Esau Talanzia (47) na kuchoma moto nyumba yake.

Pia walichoma magunia sita ya mahindi, magunia mawili ya alizeti godoro moja, fedha taslimu sh 450,000 na vitu vingine vilivyokuwemo, vyote vikiwa na thamani ya sh milioni 1.8.

Pia katika tukio hilo nyumba moja ya Matayo Kizaberga, mkulima na mkazi wa Makunda-Mbugani ilichomwa moto na vitu vyote vilivyokuwemo kuteketea.

Kamanda wa Polisi wa Mkoa wa Singida, Geofrey Kamwela, alithibitisha kutokea kwa tukio hilo na kwamba watu 25 akiwamo mwenyekiti wa kijiji wanashikiliwa na polisi kuhusiana na tukio hilo.

Kamanda Kamwela alisema chanzo cha tukio hilo ni mgogoro wa mashamba ambapo wanakijiji cha Makunda wanapinga waathirika hao kumiliki ekari 284 wakati si wazawa wa eneo hilo.

Alisema watuhumiwa wanatarajiwa kufikishwa mahakamani baada ya uchunguzi kukamilika.

Chanzo;Tanzania Daima

Kituo cha Sheria na Haki za Binadamu watakiwa kufika kijiji cha Kazamoyo

Baadhi ya wananchi wakiwa wamehamishia makazi yao chini ya mti uliopo kwenye korongo kijiji cha Handa mpakani mwa Wilaya ya Chemba na Singida Vijijini mara baada ya nyumba zao kuchomwa moto na askari polisi na wale wa kikosi cha kupambana na ujangili kwa madai ya kuvamia hifadhi ya msitu wa mgori (PICHA NA HILLARY SHOO).

 Huyu ni mmoja wa watoto walionashwa na kamera yetu akiwa amelala hoi kwa kukosa chakula na huduma zingine, baada ya nyumba zao kuchomwa moto wakati wa operesheni ya kuwahamisha katika kitongoji cha Kazamoyo kwa madai ya kuvamia hifadhi, hata hivyo wananchi hao wameisha katika eneo hilo kwa zaidi ya miaka nane toka mwaka 2005 , lakini sheria ya kuingiza eneo hilo kwenye msitu wa hifadhi ya mgori ilifanyika mwaka 2007, (PICHA NA HILLARY SHOO).

.Unyanyasaji dhidi ya wananchi wakithiri wilayani Singida

Na Hillary Shoo, Singida

KITUO cha Sheria na Haki za Binadamu (LHRC) wametakiwa kufika katika kitongoji cha Kazamoyo kijiji cha Nguamuhanga tarafa ya Mgori Wilayani Singida vijijini na kujionea unyanyasaji dhidi ya wananchi wakati wa zoezi la kuwaondoa katika hifadhi ya msitu wa mgori.

Hayo yamesemwa juzi katika kitongoji hicho na baadhi ya wananchi walioamua kuhamia kwenye korongo na kuishi chini ya miti kama digidigi kunusuru maisha yao kutokana na vipigo kutoka kwa wa kikosi cha kupambana na ujangili Wilaya ya Singida na askari polisi.

Wamesema ni vyema kituo hicho wakafika mapema ili kuona jinsi ambavyo binadamu wanavyoishi maisha ya shida ta taabu kwenye eneo hilo kufuatia amri ya mkuu wa Wilaya ya kuhamisha kwa muda mfupi.

Wamesema eneo hilo wameishi zaidi ya miaka nane na kujenga makazi bora bila matatizo yoyote, lakini jambo la ajabu ni baada ya Wilaya ya Chemba na Sngida kuwekeana mipaka na kuonekana kuwa wako Singida.

“Wakati tuko kijiji cha Handa Wilaya ya Chemba, tuliishi bila matatizo lakini baada ya kuhamia singida ndipo mambo yalianza kubadilika na kuambiwa kuwa tuko eneo la hifadhi, hii ni ajabu sana , Wilaya moja tuliishi vizuri hii nyingine haitutaki sasa tuende wapi.” Alihoji mmoja wa kina mama.

Licha ya kukosa huduma muhimu kama vile maji, mahema, vyoo baadhi ya kina mama na watoto walionekana wakiwa katika huzuni klubwa huku wengine wakiangua vilio baada ya kuwaona waandishi wa habari wakidhani kuwa ni askari.

Hata hivyo eneo hilo lina mbu wengi, jua kali na mbaya zaidi hivi sasa ni msimu wa mvua katika maeneo hayo, je swali la kujiuliza wataishije hapo wananchi hao zaidi ya 1,000 ambao nyumba zao zimechomwa moto.

Hata hivyo Mkuu wa Wilaya ya Singida Qeen Mlozi amesema zoezi hilo linaendelea sanjari na kuhakikisha wanaondoka kwenye korongo hilo walimojificha.

Hivi karibuni Naibu Waziri wa Maliasili na Utalii Lazaro Nyalandu alitembelea eneo hilo la kusitisha zoezi la kuwahamisha mpaka pale kamati ya kudumu ya huduma za kijamii ya baraza la madiwani watakapokutana kutoa maamuzi sahihi juu ya wananchi hao.

Hata hivyo agizo hilo la Naibu Waziri limepingwa vikali sana na mkuu wa Wilaya ya Singida Mwalimu Qeen Mlozi kwamba Nyalandu hana mamlaka kisheria ya kusitisha zoezi hilo, na kwamba anayeweza kumwamuru kusitisha zoezi ni Mkuu wa Mkoa pekee na si vinginevyo.

Na Mo Blog

SINGIDA SASA YAJA NA MKAKATI WA KUIBUKA KIRIADHA

                             Picha zote kutoka maktaba ya Singida Yetu Blog

SINGIDA ni moja kati ya mikoa ambayo ilikuwa inafanya vizuri katika mchezo wa riadha miaka ya 1980 na kutoa wanariadha mahiri ambao waliiwakilisha Tanzania katika mashindano mbalimbali ya kimataifa.
Mkoa huo ni wenye mandhari nzuri yenye mawe mawe pamoja na mto upande wa kushoto na kulia hususan pale unapofika mkoani hapo.
Hakika mkoa huu ni wenye vitu vingi, lakini kikubwa zaidi ni wakimbiaji wa riadha hususan maeneo ya Singida Vijijini ambako kama wakimbiaji hao wataweza kupewa vifaa maalumu kwa ajili ya kukimbia na wadau wa riadha wakajitokeza na kuchangia zaidi katika riadha, Tanzania itakuwa na medali nyingi na kupata heshima katika nchi mbalimbali duniani.
Nasema hivyo kwa sababu hivi karibuni Mbunge wa Singida Vijijini ambaye pia ni Naibu Waziri wa Maliasili na Utalii, Lazaro Nyalandu aliandaa mashindano ya riadha hususan vijijini kwa ajili ya kuibua vipaji kwa kushirikiana na Mkurugenzi wa Shrika la African Wildlife Trust (AWT), Pratic Patel.

Mbio hizo zilizojulikana kwa jina la Singida Marathon za kilometa 21, zilianza rasmi Novemba 9, mwaka huu kwa kushirikisha wakimbiaji zaidi ya 400 kutoka Singida Mjini na Singida Vijijini na zilianzia Kijiji cha Mitula, Kata ya Kinyagigi na kuishia Viwanja vya Shule ya Msingu Ntunduu (W) Singida Vijijini.
Mbio hizo zilikuwa za kilometa 21 ambazo ni nusu marathoni na kilometa 5 na mwisho kabisa ni kilometa 2.5 ambazo ziliwashirikisha watoto wa kiume na wa kike. Wakimbiaji walikuwa wamejiandaa wenyewe na walijiandikisha, lakini baadhi yao pamoja na kukabiliwa na ukosefu wa viatu, lakini waliweza kumudu hali hiyo kutokana na mazingira waliyokua nayo na kuonesha vipaji vyao vilivyowashangaza wengi.

Inawezekana kukimbia bila viatu ni jambo lisiloruhusiwa, lakini kutokana na mazingira yenyewe ya vijijini hali hiyo haikuwa kikwazo kwa wakimbiaji hao kukimbia bila viatu ila walionesha kuwa wana moyo na nia ya dhati kuonesha vipaji vyao hakika ilikuwa faraja kubwa kwao kwani mwisho wa siku waliweza kuibuka washindi na wengine wakapata kifuta jasho.

Washindi hao ni Paulo Itambi ambaye aliibuka mshindi wa kwanza kwa upande wa wanaume ambaye alipewa zawadi ya Sh 300,000, Emmanuel Samson wa pili (Sh 200,000) na Samwel Ikungi wa tatu (Sh 100,000). Kwa upande wa wanawake, mshindi wa kwanza Fabiola William (Sh 300,000), Zakia Abdallah (Sh 200,000) na Winfrida Hassani (Sh 100,000).
Mbio za kilometa tano, washindi ni Gabriel Garado (Sh 200,000), Deo Lazaro (Sh 100,000) na Jonas John (Sh 50,000) huku wanawake ni Neema Kisuda (Sh 200,000), Pascalina Silvesta (Sh 100,000) na Christina Yuda (Sh 50,000) ambao washindi wa kilometa 2.5 wakiwa ni Julita Antony (Sh 100,000), Editha Gabriel (Sh 50,000) na Magreth Bernado (Sh 25,000).
Wanaume walikuwa ni Petro Pascal mshindi wa kwanza na kupewa Sh 100,000, Baraka Sebastian (Sh 50,000), Haji Swalehe (Sh 25,000) huku washindi wengine 400 kila mmoja akipewa Sh 10,000. Baada ya washindi hao kukabidhiwa zawadi zao, Patel ambaye alikuwa mgeni rasmi kwa niaba ya Naibu Waziri Nyalandu, alikabidhi pia medali mbalimbali kwa washindi hao.

Aidha, alitoa changamoto kwa
wananchi hao kuacha tabia ya kuua tembo, bali wanastahili kulindwa na kuhifadhiwa ili kukuza uchumi na kufungua milango ya ajira.
Hata hivyo, baadhi ya washindi walimshukuru Nyalandu kwa kuamua kuanzisha mashindano hayo maeneo ya vijijini ili kuibua vipaji na kutoa rai kwa wadau wa riadha mkoani humo pamoja na sehemu mbalimbali kuanzisha klabu za michezo ya riadha ili kuendeleza vipaji na kuibuavipaji vipya.

Fabiola ambaye ni mkimbiaji mashuhuri wa riadha na aliyeiletea sifa Tanzania, alisema awali alikuwa akikimbia mkoani Kilimanjaro, lakini hivi sasa yupo Singida ambako alihamia Singida Vijijini kwenye Jimbo la Nyalandu, ndio kwao alipozaliwa na anaona fahari kubwa kuona wilaya hiyo ina wakimbiaji wengi na ni wazuri, lakini bado wanakabiliwa na changamoto ya ukosefu wa vifaa kwa ajili ya kufanyia mazoezi.

Fabiola na wadau wengine wamemwomba Naibu Waziri pamoja na wadau wengine kushirikiana kwa pamoja ili kuanzisha klabu za michezo ya riadha ili kuibua vipaji vya wakimbiaji waliopo maeneo ya vijijini.

Alisema mkoa huo una wanamichezo wengi, lakini hakuna klabu za michezo hali inayosababisha baadhi ya wanariadha kufanya mazoezi bila ya kuwa na vifaa maalumu, lakini walimpongeza Nyalandu kwa kuanzisha mashindano hayo maeneo ya vijijini ili kuibua wanamichezo wengi watakaoweza kuutangaza mkoa huo pamoja na Tanzania kwa ujumla pale yanapotokea mashindano ya riadha ya ndani na nje ya nchi.

KWA HISANI YA SINGIDA YETU BLOG

Kung’olewa kwa Zitto, Mkumbo: Chadema mikoani watofautiana

Wanachama wa Chadema mikoa mbalimbali nchini pamoja na wananchi wametoa maoni tofauti kuhusu uamuzi wa Kamati Kuu ya chama hicho wa juzi kuwavua uongozi viongozi wake watatu; Naibu Katibu Mkuu wake Zitto Kabwe na Mjumbe wa Kamati Kuu, Dk Kitila Mkumbo na mwenyekiti wa chama hicho Mkoa wa Arusha, Samson Mwigamba.

Singida

Kutoka mkoani Singida, uongozi wa chama hicho  jana ulifanya kikao cha faragha kujadili uamuzi wa chama hicho, huku baadhi ya wananchi wakiuelezea uamuzi  huo kuwa umetokana na pupa na kushindwa kuvumiliana, wengine wakitishia kujitoa katika chama hicho.

Kwa zaidi za saa 5 uongozi huo ulikuwa ukijadili hatua hiyo huku ukiahidi kutoa taarifa yake baada ya kikao hicho kilichokuwa kikiendelea hadi baada ya saa 7 mchana.

Habari zaidi kutoka Wilaya ya Iramba mkoani humo zinasema kuwa wanachama wa Chadema wilayani humo wametishia kurudisha kadi za chama hicho kilichokuwa kimeanza kujizolea umaarufu wakisema watafanya hivyo ikiwa Chadema ‘watalitosa jembe’ lao.

Baadhi ya wananchi waliozungumza na gazeti hili walisema kuwa hatua hiyo inaweza kuipunguzia umaarufu Chadema na kwamba ustawi wa vyama vingi vya siasa unaponzwa na pupa, jazba hata kukosa uvumilivu.

“Kikundi hiki cha viongozi kinasababisha Chadema kumeguka kama tulivyosikia juzi. Kwa maoni yangu kabla hakijawavua uongozi Zitto, Dk Mkumbo na Mwigamba, kilikuwa kinashabikiwa na asilimia 90, hapa Singida, lakini baada ya tukio la juzi la kuwavua uongozi baadhi ya viongozi, nina hakika kinashabikiwa na asilimia 30 ya wananchi,” alisema Juma Mdida.

Kwa upande wake, Mwenyekiti wa TLP Wilaya ya Singida, Athumani Nkii, alisema kuwa ustawi  wa vyama vingi vya siasa unaponzwa na vitendo vya pupa, jazba na ubinafsi wa baadhi ya viongozi wake baada ya majina yao kupata umaarufu,wakisahau kuwa umaarufu huo unachangiwa na chama husika.

“Kwa upande wa Kabwe Zitto, nadhani safari zake za nje ya nchi na suala la mapesa ya Uswisi, zitakuwa hazina baraka za Chadema. Kuhusu Dk Kitila Mkumbo, sina kabisa fununu ya madhambi yake,”alisema.

Rukwa

Barua ya kujiuzulu nafasi ya Makamu Mwenyekiti Chadema Tanzania Bara, Said Amour Arfi ambaye pia ni Mbunge wa Mpanda imesambazwa  kwa wapiga kura wake na wananchi wa jimbo hilo ili  wafahamu sababu za msingi za yeye kujiondoa katika nafasi yake.

Katibu wa mbunge huyo, Joseph Mona, alipata taarifa za uamuzi huo wa ghafla, aliosema kuwa ni sahihi.

Chanzo;Mwananchi

KATA YA MTAMAA MANISPAA YA SINGIDA YAPATA NEEMA YA UMEME.

Mjumbe wa halmashauri kuu ya taifa CCM Bw. Hassan Mazala 

(Picha Kutoka Maktaba Yetu)

Kata ya mtamaa manispaa ya Singida inatarajiwa kuunganishiwa nishati ya umeme wa grid wa taifa kupitia mradi wa umeme vijijini REA ili kukabiliana na umasikini wa kipato kwa wananchi wa kata hiyo.
Mjumbe wa halmashauri kuu ya taifa CCM Bw. Hassan Mazala wakati akizungumza na wananchama wa CCM katika kata hiyo ambapo amesema upembuzi yakinifu juu ya mradi huo unatarajiwa kuanza mwezi huu.
Amesema kuwa endapo umeme ukiunganishwa katika kata hiyo kutasaidia wananchi kujishughulisha na shughuli za kiuchumi ambazo zinategemea nishati hiyo na hatimaye kuondokana na umasikini wa kipato unaowakabili wakazi wa kata hiyo
Aidha Bw Mazala ametoa wito kwa wananchi wa kata hiyo kuwa tayari kuonyesha nia ya kuhitaji huduma hiyo kwa kujiandikisha hali ambayo itaongeza juhudi za mradi huo wa REA kwenda kasi kutokana na mahitaji ya idadi kubwa ya watu.

Na Singida yetu Blog

SEMA yagharamia ujenzi wa Vyoo katika shule tano za Manispaa ya Singida.

Meneja wa shrika la SEMA, Ivo Manyanku,(wa kwanza kulia) akitoa taarifa yake ya ujenzi wa vyoo bora katika shule tano za msingi manispaa ya Singida kwa Naibu Waziri TAMISEMI (Elimu), Mh. Kassim Majaliwa (mwenye miwani).Vyoo hivyo vimegharimu zaidi ya shilingi 155 milioni.

Naibu Waziri TAMISEMI (Elimu) Mh. Kassim Majaliwa (aliyeipa kisongo kamera) akizindua rasmi ujenzi wa vyoo bora katika shule ya msingi Unyankindi.Vyoo hivyo bora vimejengwa kwa gharama ya shilingi 155 milioni na shirika la SEMA.Kushoto ni meneja wa SEMA. Ivo Manyanku.

Naibu Waziri wa TAMISEMI (Elimu),Kassim Majaliwa akikata utepe kuashiria ufunguzi wa matumizi ya vyoo bora vya shule ya msingi Unyankindi mjini Singida.Vyoo hivyo vimejengwa na shirika la SEMA kwa gharama ya shilingi 155 milioni.

Moja ya vyoo bora vya shule ya msingi Unyankindi manispaa ya Singida vilivyojengwa na shirika la SEMA la mkoa wa Singida.

Shirika lisilo la kiserikali la Sustainable Environment Management Action (SEMA) la mkoani Singida limetumia zaidi ya shilingi 155 milioni kugharamia ujenzi wa vyoo bora katika shule tano za manispaa ya Singida.

 Shule zilizonufaika na mradi huo ni,Unyankindi,Singidani,Manguamitogho,Mtamaa na Mtisi.

 Hayo yamesemwa juzi na Meneja wa SEMA, Ivo Manyanku wakati akizungumza kwenye hafla iliyofana ya uzinduzi wa vyoo hivyo uliofanyika katika shule ya msingi Unyankindi Singida mjini.

 Amesema fedha hizo zilizotumika katika ujenzi huo zimetolewa ufadhili na shirika la WaterAid Tanzania kwa ajili ya kutekeleza mradi wa maji na usafi shuleni katika halmashauri ya manispaa ya Singida.

 “Vyoo hivi vina matundu 48 ambayo yana uwezo wa kuhudumia wanafunzi 2,903 kati yao wavulana ni 1,446 na wasichana ni 1,457.Idadi hiyo inajumuisha na walemavu 38 ambao 25 ni wavulana na 13 ni wasichana”,amesema Meneja huyo.

 Kwa upande wake mgeni rasmi katika uzinduzi huo,naibu waziri TAMISEMI (elimu),Kassimu Majaliwa,alitumia fursa hiyo kulipongeza shirika la SEMA kwa ujezi bora wa vyoo hivyo ambavyo vimekidhi vigezo vyote vinavyohitajika.

 Amesema serikali na wadau wengine wa maendeleo hawana budi kuliunga mkono shirika la SEMA kwa madai linatelekeza miradi yake kulingana na thamani ya fedha zilizotumika.

 “SEMA binafsi nawapongezeni sana ujenzi huu mtakuwa mmeisaidia serikali katika kupunguza

kero mbalimbali zinazoikabili sekta mbalimbali ikiwemo ya elimu.Vyoo hivi ni bora mno na vitakuwa vimepunguza kwa kiwango kikubwa uhaba wa vyoo katika shule zetu za msingi”,amesema Majaliwa.

 Wakati huo huo, Naibu Waziri huyo ameuomba uongozi wa halmashauri ya manispaa ya Singida kusimamia matumizi ya vyoo hivyo ili viweze kutumika kwa muda mrefu zaidi.

Chanzo: Singida yetu 

Singida na mkakati wa kuibuka kiriadha

SINGIDA ni moja kati ya mikoa ambayo ilikuwa inafanya vizuri katika mchezo wa riadha miaka ya 1980 na kutoa wanariadha mahiri ambao waliiwakilisha Tanzania katika mashindano mbalimbali ya kimataifa.

Mkoa huo ni wenye mandhari nzuri yenye mawe mawe pamoja na mto upande wa kushoto na kulia hususan pale unapofika mkoani hapo.

Hakika mkoa huu ni wenye vitu vingi, lakini kikubwa zaidi ni wakimbiaji wa riadha hususan maeneo ya Singida Vijijini ambako kama wakimbiaji hao wataweza kupewa vifaa maalumu kwa ajili ya kukimbia na wadau wa riadha wakajitokeza na kuchangia zaidi katika riadha, Tanzania itakuwa na medali nyingi na kupata heshima katika nchi mbalimbali duniani.

Nasema hivyo kwa sababu hivi karibuni Mbunge wa Singida Vijijini ambaye pia ni Naibu Waziri wa Maliasili na Utalii, Lazaro Nyalandu aliandaa mashindano ya riadha hususan vijijini kwa ajili ya kuibua vipaji kwa kushirikiana na Mkurugenzi wa Shrika la African Wildlife Trust (AWT), Pratic Patel.

Mbio hizo zilizojulikana kwa jina la Singida Marathon za kilometa 21, zilianza rasmi Novemba 9, mwaka huu kwa kushirikisha wakimbiaji zaidi ya 400 kutoka Singida Mjini na Singida Vijijini na zilianzia Kijiji cha Mitula, Kata ya Kinyagigi na kuishia Viwanja vya Shule ya Msingu Ntunduu (W) Singida Vijijini.

Mbio hizo zilikuwa za kilometa 21 ambazo ni nusu marathoni na kilometa 5 na mwisho kabisa ni kilometa 2.5 ambazo ziliwashirikisha watoto wa kiume na wa kike. Wakimbiaji walikuwa wamejiandaa wenyewe na walijiandikisha, lakini baadhi yao pamoja na kukabiliwa na ukosefu wa viatu, lakini waliweza kumudu hali hiyo kutokana na mazingira waliyokua nayo na kuonesha vipaji vyao vilivyowashangaza wengi.

Inawezekana kukimbia bila viatu ni jambo lisiloruhusiwa, lakini kutokana na mazingira yenyewe ya vijijini hali hiyo haikuwa kikwazo kwa wakimbiaji hao kukimbia bila viatu ila walionesha kuwa wana moyo na nia ya dhati kuonesha vipaji vyao hakika ilikuwa faraja kubwa kwao kwani mwisho wa siku waliweza kuibuka washindi na wengine wakapata kifuta jasho.

Washindi hao ni Paulo Itambi ambaye aliibuka mshindi wa kwanza kwa upande wa wanaume ambaye alipewa zawadi ya Sh 300,000, Emmanuel Samson wa pili (Sh 200,000) na Samwel Ikungi wa tatu (Sh 100,000). Kwa upande wa wanawake, mshindi wa kwanza Fabiola William (Sh 300,000), Zakia Abdallah (Sh 200,000) na Winfrida Hassani (Sh 100,000).

Mbio za kilometa tano, washindi ni Gabriel Garado (Sh 200,000), Deo Lazaro (Sh 100,000) na Jonas John (Sh 50,000) huku wanawake ni Neema Kisuda (Sh 200,000), Pascalina Silvesta (Sh 100,000) na Christina Yuda (Sh 50,000) ambao washindi wa kilometa 2.5 wakiwa ni Julita Antony (Sh 100,000), Editha Gabriel (Sh 50,000) na Magreth Bernado (Sh 25,000).

Wanaume walikuwa ni Petro Pascal mshindi wa kwanza na kupewa Sh 100,000, Baraka Sebastian (Sh 50,000), Haji Swalehe (Sh 25,000) huku washindi wengine 400 kila mmoja akipewa Sh 10,000. Baada ya washindi hao kukabidhiwa zawadi zao, Patel ambaye alikuwa mgeni rasmi kwa niaba ya Naibu Waziri Nyalandu, alikabidhi pia medali mbalimbali kwa washindi hao.

Aidha, alitoa changamoto kwa wananchi hao kuacha tabia ya kuua tembo, bali wanastahili kulindwa na kuhifadhiwa ili kukuza uchumi na kufungua milango ya ajira.

Hata hivyo, baadhi ya washindi walimshukuru Nyalandu kwa kuamua kuanzisha mashindano hayo maeneo ya vijijini ili kuibua vipaji na kutoa rai kwa wadau wa riadha mkoani humo pamoja na sehemu mbalimbali kuanzisha klabu za michezo ya riadha ili kuendeleza vipaji na kuibuavipaji vipya.

Fabiola ambaye ni mkimbiaji mashuhuri wa riadha na aliyeiletea sifa Tanzania, alisema awali alikuwa akikimbia mkoani Kilimanjaro, lakini hivi sasa yupo Singida ambako alihamia Singida Vijijini kwenye Jimbo la Nyalandu, ndio kwao alipozaliwa na anaona fahari kubwa kuona wilaya hiyo ina wakimbiaji wengi na ni wazuri, lakini bado wanakabiliwa na changamoto ya ukosefu wa vifaa kwa ajili ya kufanyia mazoezi.

Fabiola na wadau wengine wamemwomba Naibu Waziri pamoja na wadau wengine kushirikiana kwa pamoja ili kuanzisha klabu za michezo ya riadha ili kuibua vipaji vya wakimbiaji waliopo maeneo ya vijijini.

Alisema mkoa huo una wanamichezo wengi, lakini hakuna klabu za michezo hali inayosababisha baadhi ya wanariadha kufanya mazoezi bila ya kuwa na vifaa maalumu, lakini walimpongeza Nyalandu kwa kuanzisha mashindano hayo maeneo ya vijijini ili kuibua wanamichezo wengi watakaoweza kuutangaza mkoa huo pamoja na Tanzania kwa ujumla pale yanapotokea mashindano ya riadha ya ndani na nje ya nchi.

Chanzo;Habari Leo

CCM SINGIDA YAAGIZA WANAOVAMIA MAKAZI YA WAHADZABE WAFUKUZWE

CHAMA Cha Mapinduzi CCM mkoa wa Singida kimemuagiza mkuu wa Wilaya ya  Mkalama kuwaondoa kwa nguvu wavamizi wa hifadhi ya pori la Kipamba/Munguli wanamoishi na wananchi wa jamii ya  Kabila la Wahadzabe.

Wavamizi hao kutoka mikoa ya Arusha, Manyara, Shinyanga, Simiyu na Singida, wanadaiwa kufyeka  pori  hilo na kuchoma moto kwa shughuli za kilimo  na ufuagaji, hali iliyosababisha adha kubwa kwa jamii hiyo ambayo huishi kwa kutegemea mizizi, asali, matundapori na nyama  kama chakula chao kikuu.

Agizo hilo limetolewa na Mwenyekiti wa CCM  mkoa wa Singida Mgana Msindai baada ya kuitembelea jamii hiyo inayoshi kwenye pori lililopo umbali wa zaidi ya Km 120 kaskazini mashariki mwa mji wa Singida.

Amesema ingawa kumekuwepo na tishio la  baadhi ya  wananchi kukinyima kura chama chake kwenye  chaguzi mbalimbali iwapo  wavamizi hao wataondolewa, lakini CCM haiwezi kukubali uharibifu huo wa mazingira uendelee na wahadzabe kukosa vyakula vya asili kwa kuogopa kupoteza kura.

Kutokana na hali hiyo bwana Msindai amemtaka mkuu wa Wilaya ya Mkalama kutumisha sheria zilizopo kuwaondoa kwa  nguvu  haraka wavamizi kwenye hifadhi hiyo kabla hawajasabisha uharibifu zaidi.

Walimu mbaroni wizi wa mitihani

Shukuru Kawambwa

 

Jeshi  la Polisi mkoani Singida linawashikilia walimu wawili wa shule ya sekondari, katika Tarafa ya Kirumi, Wilaya ya Mkalama, kwa kujihusisha na wizi wa mitihani ya kidato cha nne inayoendelea nchini kote.
Kamanda wa Polisi mkoani hapa, Geofrey Kamwela, alisema tukio hilo lilitokea kati ya saa 3:00 na saa 3:30 juzi, katika Shule ya Sekondari Nkinto, iliyopo Tarafa ya Kirumi, wilayani humo.
Alisema walimu hao wanashikiliwa kwa tuhuma za udanganyifu wa mitihani hiyo iliyohusisha masomo ya Kiswahili na Fizikia.
Aliwataja walimu wanaoshikiliwa kuwa ni Mkuu wa Shule ya Nkinto, Monica Sebastian (30), na Agaloslo Otieno (32), ambao wote ni walimu wa shule hiyo.
Alisema mwalimu Otieno alikuwa msimamizi wa  mitihani kwenye Shule ya Sekondari ya Mwangeza, lakini alitumia simu yake ya kiganjani kuandika maswali na kumtumia mwalimu wake mkuu aliyemwacha katika kituo chake cha kazi (Nkinto).
Kamwela alisema baada ya Mwalimu Monica kupokea maswali hayo, alianza kuyapatia majibu kisha anapiga kambi kwenye moja ya choo cha shule yake.
Alisema baadhi ya wanafunzi waliomba ruhusa kwa wasimamizi kwenda kujisaidia chooni na kwamba, walipokuwa wakifika walipewa majibu sahihi ya somo husika.
Kamwela alisema polisi walipata taarifa hizo kutoka kwa raia wema na kuandaa mtego, ambao ulimnasa Monica.
Alisema simu yake ilipochunguzwa, ilionekana kuwa na maswali hayo yaliyotumwa kutoka katika simu ya Mwalimu Otieno, aliyekuwa msimamizi wa mitihani kwenye shule nyingine.
Kutokana na hali hiyo, Kamwela alisema walimu hao watapandishwa kizimbani wakati wowote baada ya upelelezi kukamilika.
 

CHANZO: NIPASHE

WAJASILIAMALI TANGAZENI BIDHAA ZENU KUPITIA VYOMBO VYA HABARI!

Mkuu wa wilaya ya Singida,Queen Mlozi akizungumza kwenye hafla ya ufungaji wa mafunzo ya ufugaji bora nyuki iliyofanyika kwenye ukumbi wa mikutano wa SIDO mjini Singida.Kulia ni meneja wa SIDO mkoa wa Singida, Shoma Kibende.

Meneja wa SIDO mkoa wa Singida,Shoma Kibende akitoa taarifa yake kwenye hafla ya ufungaji mafunzo ya ufugaji nyuki iliyofanyika kwenye ukumbi wa mikutano wa SIDO mjini Singida.Wa pili kulia (aliyeketi) ni mkuu wa wilaya ya Singida,Queen Mlozi.

Mkuu wa wilaya ya Singida,Queen Mlozi akimkabidhi mfugaji wa nyuki cheti cha kumaliza mafunzo ya ufugaji bora nyuki yaliyomalizika mwishoni mwa wiki mjini Singida.

Mkuu wa wilaya ya Singida,Queen Mlozi,(aliyeketi katikati) akiwa kwenye picha ya pamoja na wafugaji Nyuki waliohitimu mafunzo ya ufugaji bora wa Nyuki.Wa kwanza kushoto (walioketi) ni meneja wa SIDO mkoa wa Singida,Shoma Kibende na kulia ni mwenyekiti wa wafugaji Nyuki (jina halikuweza kupatikana).(Picha zote na Nathaniel Limu).

Na Nathaniel Limu, Singida

Serikali wilayani Singida, imewahimiza wajasiriamali na wafanyabiashara kujenga utamaduni wa kutangaza bidhaa zao kwenye vyombo vya habari ili pamoja na mambo mengine, waweze kujipatia soko la uhakika.

Wito huo umetolewa mwishoni mwa wiki na Mkuu wa Wilaya hiyo Queen Mlozi,wakati akizungumza kwenye hafla ya ufungaji mafunzo ya ufugaji bora wa nyuki na uchakataji wa asali.

Akifafanua amesema ushindani mkubwa wa biashara uliopo hivi sasa,mfanyabiashara atakayefanikiwa ni yule tu ambaye atatangaza biashara yake kikamilifu.

Mlozi amesema biashara bila matangazo,ni sawa na mtu asiye na biashara kwa sababu bidhaa zake,hazitajulikana.

Amesema pamoja na kujitangaza huko,kwanza wahakikishe bidhaa zao zina kuwa na ubora unaohitajika na pia wahakikishe wanashiriki maonyesho yanayoandaliwa na SIDO kanda ya kati.

Awali meneja wa SIDO mkoa wa Singida,Shoma Kibende, amesema kuwa SIDO inao mpango wa kuwaelimisha wafugaji na kuhakikisha uzalishaji wa zao la asali unazingatia ubora tangu mahali zao linapoanzia.

Kibende amesema ubora huo unaanzia eneo la ufugaji,uvunaji na ufungashaji,upatikanaji wa masoko ya ndani na ya nje ya nchi.

“SIDO imeona umuhimu wa kutoa mafunzo haya kwa kuzingatia kwamba walengwa tayari wameanza shughuli za ufugaji nyuki,ununuzi na uuzaji wa zao la asali”,alifafanua zaidi meneja Kibende.

Picha na Mo Blog

Matatani kwa kumbaka kikongwe

POLISI mkoani Singida inamshikilia mkazi wa Kijiji cha Wibia, Saidi Hamisi (30) kwa tuhuma za kumbaka bibi kizee mwenye umri wa miaka themanini, mkazi wa Kijiji cha Matongo, Wilaya ya Ikungi, mkoani hapa. Akizungumza na waandishi wa habari ofisini kwake, kamanda wa jeshi hilo mkoani Singida, Kamishna Msaidizi wa Polisi, Geofrey Kamwela, alisema tukio hilo lilitokea juzi usiku na kumtaja aliyembaka bibi kizee huyo kuwa ni Saidi Hamisi. Aidha, Kamanda Kamwela alifafanua pia kwamba tukio hilo la ubakwaji wa bibi kizee huyo lilitokana na ulevi wa kupindukia kwa mtuhumiwa. Kamishna msaidizi huyo alisema “mtuhumiwa alifanya kitendo hicho kutokana na kuwa wakiishi nyumba moja na bibi huyo hivyo alipokunywa pombe na kulewa ndipo alipoona aende akamalize matatizo yake kwa jirani yake huyo,” alisema. Kwa mujibu wa maelezo ya jamaa wa karibu wa mtuhumiwa huyo, inasemekana kwamba baada ya mtuhumiwa kumaliza kitendo hicho aliamua kuendelea kulala na bibi kizee huyo mpaka asubuhi ili aweze kuendelea tena na kitendo hicho asubuhi kabla ya kuondoka kwenda kuendelea na shughuli zake nyingine. Aidha, Kamanda Kamwela alisisitiza kuwa majira ya saa 7:15 usiku wananchi walitoa taarifa kwenye kituo cha polisi ndipo jeshi hilo lilifanikiwa kumkamata mtuhumiwa na kumhoji. Kwa mujibu wa Kamanda Kamwela, bibi kizee huyo amepelekwa hospitalini kwa uchunguzi zaidi ili kujiridhisha iwapo amefanyiwa kitendo hicho cha kinyama na mjukuu wake na kama hajaambukizwa magonjwa ya zinaa. Chanzo;Tanzania Daima

TRA Singida yazindua rasmi siku ya mlipa kodi.

Afisa elimu na huduma kwa mlipa kodi TRA mkoa wa Singida, Zakaria Gwagilo akitoa taarifa kwa waandishi wa habari (hawapo kwenye picha) juu ya maadhimisho ya saba ya siku ya mlipa kodi ambayo yamezinduliwa rasmi juzi. Zakaria alitoa taarifa hiyo kwa niaba ya kaimu meneja TRA mkoa wa Singida Alistides Paulo.
MAMLAKA ya Mapato Tanzania (TRA) Mkoa wa Singida imezindua rasmi maadhimisho ya saba ya siku ya mlipa kodi Tanzania kwa kufanya shughuli mbalimbali ikiwemo ya kutoa misaada kwa makundi yenye mahitaji maalumu.
Hayo yamesemwa na Kaimu Meneja wa TRA Mkoa wa Singida, Alistides Paulo wakati akitoa taarifa yake kwa waandishi wa habari kuhusu maadhimisho ya saba ya siku ya mlipa kodi Tanzania kwa Mkoa wa Singida.
Katika taarifa yake hiyo iliyosomwa kwa niaba yake na Afisa Elimu na huduma kwa mlipa kodi Zakaria Gwagilo alitaja baadhi ya shughuli zitakazofanyika katika maadhimisho hayo kuwa ni pamoja na kutoa misaada kwenye wodi ya wazazi katika hospitali ya wilaya ya Manyoni.
Paulo alitaja shughuli zingine kuwa watafanya semina kwa makundi mbalimbali ya walipa kodi na pia kuwatembelea walipa kodi kwenye vituo vya biashara na kuzungumza nao kuweza kufahamu matatizo yao.
“Katika kilele cha siku ya mlipa kodi Novemba nane mwaka huu baadhi ya walipa kodi watazawadiwa vyeti kutokana na kukidhi vigezo vya ubora wa kutunza kumbukumbu sahihi za biashara kulipa kodi sahihi na kwa wakati na ulipaji kodi kwa hiari”,amesema Kaimu Meneja huyo.
Kwa mujibu wa Kaimu Meneja Paulo mkoa wa Singida unatarajia kuongeza makusanyo kutoka shilingi 4.19 kwa mwaka 2013/2014 zinatajiwa kukusanywa hadi shilingi 8.3 bilioni ifikapo mwaka 2017/2018.

Kwa mwaka huu ujumbe wa siku ya mlipa kodi ni “Tulipe kodi kwa matokeo makubwa sasa”.

Chanzo: mtandao wa Singida 

Mbunge atuhumiwa kwa ufisadi, aundiwa kamati

Mbunge wa Bahi, Omar Baduwel, anatuhumiwa kutafuna fedha za Mfuko wa Jimbo zilizokuwa zikirejeshwa na wananchi baada ya kukopeshwamajembe ya kukokotwa na ng’ombe.

Mbali na hilo pia Mbunge huyo anadaiwa kutafuna fedha za mradi wa maji wa kijiji cha Chibelela ambao serikali kupitia Mfuko wa Maendeleo ya Jimbo ilitenga Sh. milion nne kwa ajili ya mradi huo ambao wananchi pia walichangia Sh. milioni 1.7.

Akiwasilisha hoja binafsi katika kikao cha Baraza la Madiwani wa Halmashauri ya Bahi, Diwani wa Kata ya Lamaiti, Donald Mejitii (CCM), alilitaka Baraza la Madiwani kuunda kamati kwa ajili ya kuchunguza fedha hizo baada ya halmashauri kushindwa kusimamia makusanyo ya fedha za Mfuko wa Jimbo kwa mwaka mmoja.

Alisema hatua ya kuwasilisha hoja binafsi imefuatia taarifa kuwa kuna mtu anayepita kuzikusanya fedha hizo wakati si mfanyakazi wa serikali na hazifikishwi halmashauri.

“Kinachonishangaza hata hizi pia Mbunge huyo aliamua kuchukua fedha hizo na mpaka sasa hazijulikani zilipo na wananchi bado hawana huduma ya maji … kwa mwaka huu peke yake Mfuko wa Jimbo ulitoa kiasi cha Sh. milioni 17 na wananchi wamerejesha kiasi cha Sh.   milioni 8.5 ambazo zimeshakusanywa, lakini hakuna hata kiasi kidogo kilichoingia halmashauri,” alisema Mejitii.

Alibanisha kuwa katika kata yake pekee alipokea majembe 15 na mpaka sasa wamerejesha zaidi ya Sh. milioni 1.5, lakini kwa taarifa alizonazo ni kuwa fedha hizo hazijafikishwa halmashauri.

Mejitii alisema fedha za Mfuko wa Jimbo zimekuwa zikitumiwa vibaya na mbunge huyo kwani amekuwa akizitumia kama fedha zake binafsi hali inayowafanya wananchi kuamini kuwa fedha hizo hutolewa na mbunge na siyo kutoka serikalini.

Aliongeza kuwa wamekuwa wakishuhudia mara kwa mara mbunge akizitumia fedha hizo na kuzipa jina la ‘Kopa kwa mbunge lipa kwa jirani’, hali inayowafanya wananchi kuamini kuwa fedha hizo zinatoka mfukoni mwake na siyo serikalini.

Diwani huyo alisema wananchi wengi hawajui kama fedha hizo zinatoka serikalini kwa kupitia Mfuko wa Jimbo kwani wengi wao wanajua kuwa hutolewa na mbunge na ndiyo maana anapofika kuzikusanya au kumtuma msaidizi wake, wanampa bila ya wasiwasi wakijua ni zake.

“Kwa kuthibitisha hili, hata wananchi wanapotakiwa kurejesha fedha hizo mbunge huyo huzichukua na hazijulikani matumizi yake kwani hazifiki hata halmashauri,” alisema.

Aidha, alitolea mfano katika mradi wa majembe ambao ulianzishwa na Mfuko wa Jimbo kwa ajili ya kuwakopesha wakulima na baadaye walipe nusu ya gharama, lakini makusanyo hayo hayajafikishwa halmashauri.

Alisema anasikitishwa na kitendo cha kumuona msaidizi wa mbunge akipita kwa wananchi kukusanya fedha hizo wakati siyo mtendaji wa serikali na hajawahi kufikisha kiasi chochote halmashauri.

“Hakuna hata shilingi moja iliyofika kwenye halmashauri, sasa nataka kujua kama huo mradi ni wa Mfuko wa Jimbo au ni kwa ajili ya kuwanufaisha watu wachache,” alisema.

“Pia kikundi kilichopewa jukumu la kukopesha majembe  cha Basada kimekuwa kikiwatoza wananchi kiasi kikubwa cha fedha kuliko bei halisi ya kununulia majembe ya kukokotwa na ng’ombe wakati bei halisi ya jembe moja ni kati ya Sh. 180,000 hadi 170,000, lakini wananchi wanatozwa Sh. 110,000 kama nusu ya bei ya jembe badala ya Sh.  80,000 au 85,000 ambacho ndiyo kiasi sahihi kwani  mwananchi anatakiwa kutoa kama nusu ya bei,” alifafanua Mejitii.

Baada ya Diwani huyo kuwasilisha hoja hiyo, Mwenyekiti wa Halmashauri hiyo, Hussein Kamau, aliwahoji madiwani na baadhi yao walisema kwamekuwa wakiona fedha hizo zikikusanywa, lakini hawajui zinapokwenda.

Kamau baada ya kusikiliza hoja hiyo, aliamua kuunda kamati kwa ajili ya kuchunguza tuhuma hizo na kuwateua wajumbe wanne. Kati yao wawili ni madiwani na wawili  ni watumishi wa halmashauri.

Alipoulizwa na NIPASHE kuhusiana na tuhuma hizo, Mbunge huyo alisema: “Mkienda Chibelela mtakuta maji yanatoka, hakuna shida yoyote katika kijiji hicho.”

Kuhusu fedha za mradi wa majembe, alisema kuwa yeye hakusanyi fedha za majembe kwani siyo kazi yake na kuwa kazi yake ni kukabidhi, hivyo waulizwe waliozikusanya.

“Msaidizi wangu wana uhakika gani kama nimemtuma, wangeniuliza mimi kama nimemtuma, watu wanaongea tu wala hawajui mimi nina matatizo gani na msaidizi wangu. Kiukweli maji yanatoka Chibelela na fedha za majembe mimi sijakusanya,” alisema na kuongeza:

“Najua kuna mtu anataka ubunge ndiyo maana wanasema hivyo.”

Mbunge huyo angali anakabiliwa na kesi ya kuomba rushwa katika Mahakama ya Hakimu Mkazi Kisutu. Kesi hiyo inaendelea kusikilizwa.

CHANZO: NIPASHE

MWANAMKE APANDISHWA KIZIMBANI KWA KESI YA MAUWAJI, CHEKI PICHA NA HABARI HAPA

Mtuhumiwa wa mauaji Tabu Jumanne (50) mkazi wa Kibaoni Singida mjini (katikati anayekwepa kamera) akiwa kwenye chumba cha mahakama ya wilaya ya Singida akisubiri kusomewa shitaka la kuumuawa Fatuma Shaban. Tabu anakabiliwa na shitaka la kumuuawa Fatuma, akishirikiana na binti zake Halima Swedi (anayejificha mwenye fulana nyekundu) na Mwamvua Yusuph baada ya
mwanamke huyo kumdai Tabu amlipe mshahara binti yake aliyekuwa akifanya kazi za ndani.



Askari polisi wakiwa na mahabusu wakiwapeleka mahakama ya hakimu mkazi mkoa wa Singida kusomewa mashitaka yanayowakabili.(Picha na Nathaniel Limu).
======
Na Nathaniel Limu, Singida
Mwanamke mmoja mwenye umri wa miaka 50 na watoto wake wawili wa kike wakazi wa Kibaoni mjini Singida wamepandishwa kizimbani katika Mahakama ya Wilaya ya Singida wakituhumiwa kumuuawa Fatuma Shaban maarufu kwa jina la mama Rabeca.

Washitakiwa hao ni Tabu Jumanne na binti zake Halima Swedi na Mwamvua Yusuph.

Mapema Mwendesha Mashitaka Sajenti wa Polisi Godwel Lawrance alidai mbele ya Hakimu Mfawidhi wa Mahakama ya Wilaya ya Singida, Flora Ndale kuwa mnamo julai nne mwaka huu majira ya jioni huko katika kitongoji cha Mahembe kata ya Kinadi Manispaa ya Singida washitakiwa kwa pamoja walimpiga Fatuma Shaban sehemu mbalimbali za mwili wake.

Lawrance amesema kipigo hicho kilisababisha kifo cha Fatuma pale pale.

Washitakiwa hawakutakiwa kujibi cho chote kwa vile Mahakama hiyo ya Wilaya haina mamlaka ya kusikiliza kesi za mauaji Kesi hiyo inatarajiwa kutajwa tena Novemba sita mwaka huu.

Kwa mujibu wa Jeshi la Polisi Mkoani hapa siku ya tukio Fatuma alienda nyumbani kwa mshitakiwa Tabu kudai fedha za mshahara wa binti yake aliyekuwa ameajiriwa kufanya kazi za ndani.

Inadaiwa kitendo cha Fatuma (marehemu) kumdai mshitakiwa Tabu malipo ya mshahara wa binti yake kilizua ugomvi na ndipo Tabu kwa ushirikiano wa binti zake waliamua kumpiga mama huyo na kusababisha kifo chake papo hapo. CHANZO MASAI NYOTAMBOFU

HOT NEWS TUKIO KATIKA PICHA: WALIOIDHALILISHA NA KUSACHI MAITI NA KUPORA ZAIDI YA MILIONI 19 WAHUKUMIWA KWENDA JELA MIAKA 120.

 Gari aina ya Land cruiser mali ya chuo cha SUA cha mjini Morogoro kama linavyoonekana baada ya kupigwa mawe na watu wanaodhaniwa kuwa ni majambazi  nje kidogo ya mji wa Singida.

 Kesi inayowakabili washitakiwa watano walioteka gari la chuo cha SUA mjini Morogoro na kunyang’anya zaidi ya shilingi 19.8 milioni, hukumu yake inatarajiwa kutolewa kesho na mahakama ya wilaya ya Singida. Utekaji huo ulifanyika Desemba sita mwaka jana saa saba na nusu usiku kwenye barabara kuu ya Dodoma – Singida eneo la Kisaki manispaa ya Singida.

Hudumu wa chumba cha kuhifadhia maiti cha hospitali ya mkoa mjini Singida ambaye jina lake halikuweza kutambuliwa mara moja,akiliweka sawa baada ya kufanyiwa ukarabati baada ya kubomolewa na majambazi na kulisachi.
KESI inayowakabili washitakiwa watano ya utekaji wa gari la chuo cha SUA Morogoro mjini na kisha kunyang’anya zaidi ya shilingi 19.8 milioni hukumu yake inatarajiwa kutolewa kesho na Mahakama ya Wilaya ya Singida.
 



Hukumu hiyo inayovutia hisia za wakazi wengi wa Manispaa ya Singida na vitongoji vyake inatarajiwa kusomwa na hakimu wa Wilaya ya Singida Flora Ndale.
Washitakliwa hao inadaiwa baada ya kufanikiwa azma yao ya unyang’anyi wa kutumia silaha za jadi waliweza kufungua jeneza lililokuwa linasafirisha mwili wa mwanafunzi wa SUA Munchari Lyoba na kulisachi kwa imani kwamba kuliwekwa mali.
Washitakiwa hao vijana ni Idd Omari (37),Khalid Hamisi (20), Abubakari Jumanne (25) wote wakazi wa kijiji cha Kisaki Manispaa ya Singida Wengine ni Hamisi Issa (32) mkazi wa kijiji cha Unyamikumbi na Amosi Ally (22) mkazi wa kijiji cha Mtakuja.
Washitakiwa hao wanatuhumiwa kuteka gari linalomilikiwa na SUA lenye namba za usajili SU 37012 ambalo siku ya tukio lilikuwa linaendeshwa na Kalistus Malipula.
Washitakiwa hao waliteka gari hilo desemba sita mwaka jana saa saba na nusu eneo la kijiji cha Kisaki Gari hilo lilikuwa linasafirisha mwili wa mwanafunzi Lyoba kwenda kuzikwa mkoani Mara.
HABARI YA HUKUMU

Mahakama ya Wilaya Singida imewahukumu watu wanne kutumikia vifungo vya miaka 120 jela kwa kuteka gari lililokuwa likisafirisha maiti kutoka mkoani Morogoro kwenda Musoma mkoani Mara na kupora waombolezaji kompyuta na fedha.
Waliohukumiwa vifungo hivyo kila mmoja miaka 30 jela ni Hamis Ali (23), Hamisi Issa (33);  Khaldi Hamis (21) na Abubakari Jumanne (26), wakazi wa Kisaki Manispaa ya Singida.
Mshtakiwa wa kwanza Iddi Omari (38), aliachiwa huru baada ya mahakama hiyo kukosa  ushahidi wa kumtia hatiani. Akisoma hukumu hiyo, Hakimu Mfawidhi wa mahakama hiyo, Flora Ndale, alisema ushahidi uliotolewa na upande wa mashtaka bila kuacha shaka umethibitisha washtakiwa hao walitenda kosa hilo.
Awali, Mwendesha Mashtaka,Sajini, Godwel Lawrence, alidai kuwa Desemba 6, mwaka  2012, saa 7:30 mchana, eneo la Kisaki, washtakiwa hao waliteka gari lenye namba za usajili SU 37012 aina ya Toyota Land Cruiser mali ya serikali lililokuwa likiendeshwa na Kalistus Malipula, wakati limebeba mwili wa Munchari Lyoba aliyefariki dunia akiwa mwanafunzi mwaka wa tatu Chuo Kikuu cha Kilimo Sokoine  (Sua) kwa ajili ya kuusafirisha kutoka Morogoro kwenda Musoma mkoani Mara kwa maziko
Alidai baada ya washtakiwa hao kuteka gari hilo waliwapora waombolezaji vitu mbalimbali zikiwamo kompyuta mpakato, simu za mkononi na fedha taslim zaidi ya Sh. milioni 8.7.
Alidai pia walivunja jeneza na kuufanyia upekuzi mwili wa marehemu huyo kwa kuchana sanda wakidhani kulikuwa na fedha zilizofichwa.
Kwa upande wao,  washtakiwa hao waliiomba mahakama iwapunguzie adhabu kutokana na kutofanya kosa hilo, umri wao kuwa mdogo na wanategemewa na familia zao.
Ombi hilo lilipingwa na mwendesha mashtaka na kuiomba mahakama kutoa adhabu kali ili liwe fundisho kwa watu wengine wenye tabia kama hiyo.
Hakimu Ndale alisema kosa lililofanywa na washtakiwa hao ni la kinyama na lisingeweza kuvumilika katika jamii, hivyo ili liwe fundisho kwa wote wanaofikiria kufanya vitendo vya kinyama kama hicho, anawahukumu kila mmoja kutumikia kifungo cha miaka 30 jela.

CHANZO: NIPASHE

Inadaiwa washitakiwa hao walitumia silaha za jadi ikiwemo fimbo na mawe kufanikisha azma yao hiyo Waliweka mawe makubwa barabarani kwa lengo la kuzuia magari kupita.

Soma Hapa Taarifa ya awali

Watu wasiofahamika idadi yao na ambao wanadhaniwa kuwa ni majambazi, wamevamia gari lililokuwa linasafirisha maiti kutoka Morogoro mjini hadi mkoa wa Mara na kupora  zaidi ya shilingi milioni 19.8.

Baada ya kumaliza zoezi la uporaji huo, majambazi hayo yalishusha jeneza na kisha...

kulifumua na kuanza kulisachi.

Jeneza hilo lilikuwa limebeba mwili wa mwanafunzi  Munchari Lyoba, mwanafunzi wa mwaka wa tatu aliyekuwa anasomea elimu ya biashara kwenye chuo cha SUA.

Amesema gari hilo lilibeba viongozi wa wanafunzi sita na viongozi wengine wanne akiwemo dereva.

Akizungumza na waandishi wa habari leo nje ya chumba cha kuhifadhi maiti cha hospitali ya mkoa wa Singida, mkuu wa msafara huo Makarang  Nouna, amesema tukio hilo limetokea Disemba 6 mwaka huu saa 7.30 usiku, na lilihusisha gari Land Curise lenye namba za usajili SU 37012 na lilikuwa likiendeshwa na Kalistus Malipula.

Amesema tukio hilo la kinyamana la kusikitisha,  limetokea katika barabara kuu ya Dodoma – Mwanza nje kidogo ya mji wa Singida kwenye kona maarufu kwa jina la Mohammed Trans.

Amesema walipofika eneo la tukio, walikuta mawe makubwa yamepangwa kukatisha barabara, kitendo kilichosababisha washindwe kupita, na hivyo kutoa mwanya kuvamiwa na kundi kubwa la vijana ambao walibeba bunduki mbili aina ya gobore, marungu, mashoka na mawe.

Makaranga amesema walichofanya kwanza ni kupiga kioo cha gari letu kwa mbele, na baadaye kumparaza kwa panga usoni dereva wetu Kalistus Malipula.

Baada ya hapo walivunja vunja vyoo vyote na kutuamuru kutoa kila kitu ambacho tulikuwa nacho.

Akifafanua zaidi, amesema kwa upande wake yeye  ameporwa shilingi milioni mbili ambazo zilikuwa kwa ajili ya kugharamia msafara huo, jumla ya shilingi milioni 8.8 ambazo zilichangwa na wanafunzi  kama rambi rambi kwa  mwenzao, na shilingi milioni tisa ambazo wasindikizaji walikuwa nazo zikiwa ni posho.

“Pia tumeporwa simu  zetu zote  za mikononi, viatu, laptop na mabegi yote ya nguo zetu”amesema.

Makaranga ambaye amesema anafanya kazi za kiutawala katika chuo cha SUA, amewataja walioumizwa zaidi ni pamoja nay eye, dereva Malipula na kiongozi wa wanafunzsi Idd Idd na kutibiwa katika hospitali ya mkoa na kuruhusiwa.

Kwa upande wake mkuu wa wilaya ya Singida Mwalimu Queen Mlozi, ambaye aliwasiliana na uongozi wa SUA Morogoro kwa ajili ya shughuli ya kutuma gari jingine na ukarabati wa jeneza, amesema kuwa kwa ushirikiano wa jeshi la polisi na kamati ya ulinzi na usalama, watahakikisha watu waliofanya unyama huo, wanakamatwa mapema iwezekanavyo ili waweze kufikishwa mbele ya vyombo vya sheria.

Chanzo Mtandao wa Singida yetu